VOLEYBOL BO‘YIChA AYoLLAR JAMOALARI MUSOBAQASI

28 февраль куни «Ўзбеккўмир» АЖ биринчилиги учун аёллар ўртасида спортнинг волейбол тури бўйича мусобақалар ўтказилди. Унда Жамият Ижро аппарати ва филиалларида ташкил этилган саккиз жамоа қатнашди.

Халқаро хотин-қизлар кунига бағишлаб Жамият Бирлашган касаба уюшма қўмитаси ташаббуси билан яқинда таъмирдан чиқарилган “Темир йўл транспорти” филиали спорт залида уюштирилган спорт тадбирини қўмита раиси Абдуносир Қаюмов кириш сўзи билан очиб берди ва мусобақа иштирокчиларига омад тилади.

Мусобақани “Автомобиль технологик транспорти бошқармаси” ҳамда “Энергия ва телекоммуникация тармоқлари” филиаллари вакиллари кўтаринки руҳда бошлаб бердилар.

Ҳаяжонли қийқириқларга тўла жараённи кузата туриб, турли ёшдаги ва турли касбдаги хотин-қизларнинг тўп ўйнаш маҳоратига қойил қолдик. Жамият корхоналарида оммавий спорт турлари анча ривожланган, ютуқлар ҳам кўп. Ўтган йили “Бош вазир кубоги” мусобақаларида Жамият вакилларидан Феруза Юлдашева ҳамда Ирода Азимовалар “Ўзбекистон темир йўллари” АЖ волейболчи аёллар жамоаси таркибида муваффақиятли иштирок этиб, умумжамоа ҳисобида шарафли биринчи ўринни қўлга киритиб қайтдилар.

Бугун барча филиалларда оммавий спорт ривожланмоқда. “Автомобиль технологик транспорти бошқармаси” филиалида волейбол жамоалари ташкил этилганига ўн йилдан ошган. Ёзги спорт майдончаси бор. Ходимлар тушлик пайти спорт билан бемалол ва мунтазам шуғулланади. Бу ишчи-ходимларга ўзгача завқ бағишлайди, жамоада эса соғлом турмуш тарзи қарор топади…

Қизғин ва муросасиз кечган мусобақа натижаларига кўра, I ўринни «Тоғ-кон ускуналарини созлаш заводи» филиали жамоаси қўлга киритди. Кейинги ўринлар «Темир йўл транспортини бошқариш» филиали ва Геология-қидирув экспедицияси вакилларига насиб этди.

Хостинг картинок yapx.ru

Ғолиб ва совриндорларга Бирлашган касаба уюшма қўмитасининг диплом ва қимматбаҳо эсдалик совғалари тантанали равишда топширилди.

“O‘zbekko‘mir” aksiyadorlik jamiyati aksiyadorlari diqqatiga!

Тошкент вилояти, Ангрен шаҳар, Истиқлол кўчаси, 100250, 1 – уйда жойлашган “Ўзбеккўмир” акциядорлик жамияти 2020 йил 27 март соат 15:00 да жамият мажлислар залида акциядорларнинг навбатдан ташқари умумий йиғилиши ўтказилишини маълум қилади.

Жамият акциядорлари реестри тузиладиган сана:
– акциядорларни хабардор қилиш учун – 28.02.2020 йил;
– акциядорлар умумий йиғилишида қатнашиш учун -23.03.2020 йил.

Йиғилиш кун тартибидаги масалалар:
1. Акциядорлар умумий йиғилиши регламентини тасдиқлаш.
2. Вазирлар Махкамасининг 2019 йил 13 ноябрдаги 909-сон ва 14 декабрдаги 998-сон қарорлари ижросини таъминлаш тўғрисида.
3. “Ўзбеккўмир” АЖ кузатув кенгаши таркибини қайта сайлаш.

Акциядорлар умумий йиғилишга доир ахборотлар билан жамият биносида танишишлари мумкин.

Жамиятнинг электрон почта манзили: e-mail info@coal.uz
Веб сайти: www.uzbekcoal.uz.
Телефон: (+998) 71 150 39 80,
Факс: (+998) 71 150 39 89

Акциядорлар ва уларнинг вакиллари 2020 йил 27 март соат 14:00дан бошлаб рўйхатдан ўтказилади.
Акциядорлардан шахсини тасдиқловчи ҳужжати, акциядор вакилидан қонунчиликда белгиланган тартибда расмийлаштирилган ишончномага эга бўлишлари сўралади.

Жамият Кузатув кенгаши

Koronavirus: ushbu kasallik haqida nimalarni bilish kerak?

Ўтган йилнинг декабрь ойида Хитойнинг Ухан шаҳрида аниқланган коронавирус касаллиги нафақат ушбу мамлакат, балки бошқа қатор давлатларда ҳам хавфли эпидемик “юриши”ни давом эттириб, жаҳон жамоатчилигини қаттиқ хавотирга солмоқда. Ҳўш, Республикамизда бу борада вазият қай даражада? Ушбу касалликнинг четдан кириб келишининг олдини олиш бўйича галдаги долзарб вазифалар нималардан иборат?

“Ўзбеккўмир” акциядорлик жамиятида 20 февраль куни Жамият махсус бўлими томонидан “Қамчиқ” махсус қидирув, ёнғин-қутқарув бошқармаси билан ҳамкорликда ўтказилган семинар айнан ана шу мавзуга бағишланди.

Хостинг картинок yapx.ru

Коронавирус касаллиги биринчи марта 2019 йилнинг декабрь ойида Хитойнинг Ухан шаҳрида аниқланган эди. Кейинчалик у Таиланд, Япония, Жанубий Корея, АҚШ, Гонконг, Тайван, Макао, Филлипин, Австралия ва бошқа давлатларда ҳам рўйхатга олинаётганлиги айтилмоқда.

Ўтган давр мобайнида Республикамиз ҳудудида ушбу хасталик билан касалланганлар кузатилгани йўқ. Аммо хорижий давлатлар билан турли “борди-келди”лар оқибатида ушбу касаллик чақирувчи вируснинг республикамиз ҳудудига кириб келиш хавфи мавжуд. Шу боисдан ҳам ҳукуматимиз хавфли эпитемиянинг олдини олиш мақсадида қатор чора-тадбирлар кўриб, уни изчил амалга ошириб келмоқда. “Қамчиқ” махсус қидирув, ёнғин қутқарув бошқармаси бошлиғининг ўринбосари Бахтиёр Шайқулов, бошқарманинг бўлинма бошлиғи Шерзод Қудратов тадбирда сўз олиб, коронавирус касаллиги бўйича бугунги кундаги вазият, бу борада республикамиз, шу жумладан бошқарма томонидан амалга оширилаётган долзарб тадбирлар тўғрисида маълумот бердилар. Ўз навбатида фуқароларимиз, ишчи-ходимлар, айниқса, корхона ва ташкилотларда фаолият кўрсатаётган фуқаро муҳофазаси мутахассис-ходимлари коронавирус тўғрисида ва ундан сақланиш йўллари бўйича тушунчасини ошириши зарурлигини алоҳида таъкидладилар.

Коронавируслар – вируслар оиласига мансуб “Атипик зотилжам” (SARS) касаллигини чақирувчисига ўхшаб кетувчи вирус бўлиб, беморларда оддий шамоллашдан то ўткир оғир респиратор синдром (ТОРС) деб номланувчи, оғир кечувчи касалликни келтириб чиқаради. Янги коронавируснинг хусусиятлари ҳозирги кунда дунёнинг кўплаб лабораторияларида ўрганилмоқда. Олимларнинг изланишлари натижасида касаллик қўзғатувчиси топилган. Ушбу вирусга “2019-nCoV” номи берилди.

Ушбу вирус ташқи муҳит таъсирига ва зарарсизлантирувчи воситаларга нисбатан чидамли. Ҳозирча коронавирус касаллигини даволаш учун махсус дори воситалари йўқлиги сабабли, бошқа вирусларга қарши қўлланиладиган воситалардан фойдаланилмоқда. Касаллик хасталанган одамлардан ҳаво-томчи ҳамда маиший мулоқот йўли билан юқади. Беморга ёрдам кўрсатишда ҳимоя воситаларидан фойдаланилмаса, шифохона шароитида тиббиёт ходимларига хам касалликнинг юқиши мумкин.

Бемор уйда аниқланганда, бемор ётган хоналар, фойдаланган жиҳозлар, идиш-товоқлари хлор сақловчи воситалари ёрдамида ёки қайнатиш билан зарарсизлантирилади. Организмнинг инфекцияга қарши курашувчанлигини ошириш мақсадида витамин ва оқсилларга бой бўлган маҳсулотларни, пиёз, саримсоқ, цитрус мевалар, наъматак меваларидан тайёрланган дамламалар истеъмол қилиш лозим. Касаллик юқмаслиги учун, жамоат жойларида докадан тикилган ниқоб ёки бир марталик респираторларни тақиш тавсия этилади.

Семинарда таъкидландики, нафақат коронавирус, балки барча юқумли касалликларнинг олдини олишнинг энг самарали усули, бу шахсий ва жамоат гигиенаси қоидаларига қатьий амал қилиш, аҳоли ўртасида, шу жумладан ишчи-ходимлар ўртасида санитария тарғибот ишларини тўғри ташкил этишдан иборат.

Тадбир жараёнида иштирокчилар ўзларини қизиқтирган саволларга атрофлича жавоб олдилар. Айни пайтда жамият корхоналари раҳбар-мутахассисларига коронавирус касаллигининг олдин олиш бўйича зарур тавсиялар берилди.

BAHOLOVChI TAShKILOTLAR O‘RTASIDA TANLOV

“Ўзбеккўмир” акциядорлик жамияти янги қурилиш монтаж ишлари бўйича қушма корхона очиш муносабати билан балансидаги бино-иншоотларни ва бошқа мол-мулкларни бозор қийматини аниқлаш мақсадида мустақил баҳоловчи ташкилотлар ўртасида танлов ўтказилиши ҳақида эълон қилади асосий воситалар руйхати иловаси билан жамиятда ташишишингиз мумкин.

Танловда иштирок этиш учун мустақил баҳоловчи ташкилотлар жамиятга қуйидаги ҳужжатларни тақдим қилиши лозим:
– Баҳолаш фаолиятини амалга ошириш ҳуқуқини берувчи лицензия нусхаси;
– Ташкилот устави (барча ўзгартириш ва қўшимчалар билан) нусхаси;
– Ташкилотнинг давлат рўйхатидан ўтказилганлиги тўғрисидаги гувоҳнома нусхаси;
– Баҳоловчи ташкилотнинг фуқаролик жавобгарлигини суғурта қилиш шартномаси бўйича суғурталовчининг мажбуриятлари кучга кирганлигини тасдиқловчи суғурта полиси нусхаси;
– Баҳолаш ишининг бажарилиш муддати ва хизмат хақи миқдори кўрсатилган тижорат таклифи;
– Лицензияловчи орган томонидан берилган баҳолаш ташкилоти раҳбари ва баҳоловчиларнинг малака сертификати нусхаси.

Тақдим этиладиган ҳужжатлар нусхалари тикилган ҳолда ташкилотнинг асосий муҳри билан тасдиқланган бўлиши шарт.

Тижорат таклифларини қуйидаги манзилга юборишингиз сўралади:
Ўзбекистон Республикаси, Индекс: 110200, Тошкент вилояти, Ангрен шахар, Истиқлол кўчаси 1-уй.

Ташкилотлар ўз таклифларини 25 февралгача тақдим этишлари мумкин.

Маълумот учун телефонлар: (+998 71) 150-39-80, (+998 71) 150-39-89.

Эълон жойлаштирилган сана: 2020 йил 17 феврал.

Ulug‘ shoirlarga ehtirom tadbiri

“O‘zbekko‘mir” aksiyadorlik jamiyatida so‘z mulkining sultoni Mir Alisher Navoiy tavaluddining 579 yilligi hamda shoh va shoir Zahiriddin Muhammad Bobur tavalludining 537 yilligiga bag‘ishlangan ma’naviy-ma’rifiy tadbir o‘tkazildi.

Хостинг картинок yapx.ru

“Qurilish-montaj ishlari” filialining muhtasham majlislar zali shu kuni jamiyat korxonalaridan tashrif buyurgan 300 naqarga yaqin ishchi-xodimlar bilan gavjum bo‘ldi.

O‘zbek xalqi ikki buyuk ajdodi bilan cheksiz faxrlanadi. Ulardan biri Mir Alisher Navoiy bo‘lsa, ikkinchisi ulug‘ shoirning izdoshi Zahiriddin Muhammad Boburdir.

Buyuk so‘z san’atkorlari tarixning tub burilish nuqtalarida, millatni birlashtiruvchi, ruhan yuksaltiruvchi badiiy so‘zga kuchli ehtiyoj tug‘ilgan paytda dunyoga keladi. Alisher Navoiy huddi ana shu davrda – 1941 yilda Hirotda tug‘ildi, yashadi, ijod qildi va avlodlar uchun ulkan ma’naviy meros qoldirdi.

Ulug‘ bobomiz ijodda faqatgina o‘zbek tili imkoniyatlari bilan chegaralanib qolmagan, boshqa tillardan ham unumli foydalangan. Olimlarning hisoblab chiqishicha, Pushkin o‘z asarlarida 21ming 197 ta betakror so‘z ishlatgan bo‘lsa, bu raqam Shekspirda salkam 20 mingta, Servantesda o‘n mingtaga yaqinni tashkil etgan. Alisher Navoiy esa 1 million 378 ming 660 ta betakror so‘z ishlatgan. Buyuk bobomiz faqat turkiy emas, forsiy, arabiy, urdu, xitoy, mo‘g‘ul va boshqa tillardagi so‘zlardan ham mahorat bilan foydalangan…

Zahiriddin Muhammad Bobur tarixda ulug‘ shoh, shoir, olim, tom ma’nodagi buyuk ijodkor bo‘lgan, jahon madaniyatiga ulkan hissa qo‘shgan allomalardan biridir.

Jamiyat Birlashgan kasaba uyushma qo‘mitasi tomonidan tashkil etilgan tadbirda ana shu ikki buyuk zot, ularning hayoti va tarorlanmas ijodi haqida so‘z yuritildi. Tadbir mehmonlari − viloyat xalq ta’limi boshqarmasi bosh mutaxassisi Maxliyo Umarovaning Navoiy va Bobur bobomiz haqidagi ulkan ehtiromu hajonga to‘la o‘tli so‘zlari ishtirokchilarni ulug‘ shoirlar ma’naviy olamiga olib kirganday bo‘ldi. Shu boshqarmaning yana bir vakili, xonanda Rustam Boyjigitovning Navoiy va Bobur g‘azallari bilan aytiladigan qo‘shiqlarni maromiga yetkazib ijro etgani davraga o‘zgacha fayz bag‘ishladi.

Tadbirning yana bir va asosiy mehmoni − Amir Temur, Alisher Navoiy siymolarini kino filmlar va teatr sahnalarida mohirona aks ettirgan ulkan san’atkor, O‘zbekiston xalq artisti Tesha Mo‘minov bilan uchrashuv ham ishtirokchilarda ulkan taassurot qoldirdi.

“Yangi O‘zbekistonni yoshlar bilan birga quramiz”

O‘zbekiston Respublikasi Prezidenti Shavkat Mirziyoyev 27 dekabr kuni Muhammad al-Xorazmiy nomidagi maktabda yoshlar bilan o‘tkazgan yig‘ilishda aytgan ushbu so‘zlari o‘sib kelayotgan yosh avlodni g‘oyatda ruhlantirib yubordi. Joriy yilning 7 fevral kuni Toshkent viloyati yoshlari bilan “Yangi O‘zbekistonni yoshlar bilan birga quramiz” mavzusida o‘tkazilgan tadbir ham aynan Yurtboshimizning nutqi hamda Oliy Majlis palatalariga yo‘llagan Murojaatnomasidan kelib chiqadigan vazifalar masalalariga bag‘ishlandi.

Хостинг картинок yapx.ru

Oliy Majlis Qonunchilik palatasi O‘zbekiston XDP fraksiyasi, O‘zbekiston XDP Toshkent viloyat Kengashi tomonidan tashkil qilingan ushbu tadbirda “O‘zbekko‘mir” aksiyadorlik jamiyati korxonalarida faoliyat ko‘rsatib kelayotgan bir guruh yoshlar ham faol ishtirok etdi.

“O‘zbekko‘mir” aksiyadorlik jamiyatida Bosh direktor Alisher Odilov tomonidan yoshlarga oid davlat siyosatiga alohida e’tibor qaratilmoqda, jamiyat ijro apparati tuzilmasida Yoshlar ittifoqi yetakchilar kengashi, filiallarda boshlang‘ich tashkilotlari tuzildi. Bu esa yoshlarning ishlab chiqarishda yanada faol bo‘lish bilan birga sport va jamoat ishlarida ham o‘z salohiyatlarini tobora yaqqol namoyish etish imkoniyatini kengaytirmoqda. Xususan, o‘tgan 2019 yilda jamiyat yoshlari voleybol sport turi bo‘yicha Bosh vazir kubogini qo‘lga kiritdi. Tadbirda so‘z olgan Jamiyat yoshlar ittifoqi yetakchilar kengashi raisi Davron Abdurahmonov bu haqda mamnuniyat bilan ta’kidladi. Jamiyat filiallarida Yoshlar ittifoqi boshlang‘ich tashkilotlari faoliyati qo‘llab-quvvatlanayotgani, bu borada “Energiya va telekommunikatsiya tarmoqlari” filiali boshlig‘i, xalq deputatlari Angren shahar kengashi deputati Erkin Ergashevning jonbozligi haqida iliq fikrlar bildirilib, yoshlar faolligini yanada oshirish bo‘yicha takliflar berildi.

Хостинг картинок yapx.ru

Ochiq muloqot tarzida samimiy kechgan uchrashuvda “O‘zbekko‘mir” AJ yoshlar vakillari partiya rahbariyati va deputatlar tomonidan faxriy yorliq va esdalik sovg‘alari bilan taqdirlandilar.

Angren ko‘mir konida mehnat muhofazasi qanday tashkil etilmoqda?

“Ўзбеккўмир” акциядорлик жамияти тасарруфидаги “Ангрен кўмир кони” филиалида меҳнат муҳофазаси ҳамда саноат хавфсизлиги тадбирларини янада кучайтириш масалаларига бағишланган семинар бўлиб ўтди.

Хостинг картинок yapx.ru

“Меҳнат муҳофазаси” тушунчасининг тарихи жуда қадим замонларга бориб тақалади. Бу ҳақда дастлаб эрамиздан аввалги IV асрда яшаб ўтган олим Аристотель асарларида қайд қилинган бўлса, кейинчалик Гиппократ ҳам кон қазиш ишларида пайдо бўладиган чангларнинг инсон организмига таъсирини ёзиб қолдирган. Меҳнат муҳофазаси бўйича Россия тарихида биринчи марта улуғ рус олими Ломоносов бонг урган эди. У «Металлургия ёки руда ишларининг биринчи пойдевори» китобининг учинчи қисмида тоғ ишларида меҳнат муҳофазасига катта эътибор қаратиб, ер ости ишларини тўғри ташкил қилиш ва хавфсизлик чораларини қўллашдан бошлаб, ҳимоя тўсиқлари ва махсус иш кийимларининг тавсифигача тўхталиб ўтган. Айниқса, тоғ ишларида ёшларнинг меҳнатидан фойдаланиш уларнинг психикасига ва соғлигига қаттиқ таъсир қилишининг олдини олиш мақсадида мажбурий меҳнатга қарши бўлган.

Саноат мислсиз тараққий этган бугунги кунга келиб меҳнат муҳфазаси ва саноат хавфсизлиги масаласи кун тарибидаги долзарб вазифалардан бирига айланди. Кўмир ёқилғисини мураккаб геологик шароитда қазиб олиш фаолияти билан шуғулланувчи “Ўзбеккўмир” акциядорлик жамиятида ҳам ушбу масалага алоҳида эътибор қаратиб келинмоқда.

Жамиятда яқинда ўтказилган семинар йиғилиши ҳам айнан ана шу долзарб масалага бағишланди.

Хостинг картинок yapx.ru

Саноат хавфсизлиги давлат қўмитаси Ангрен кон техник инспекцияси билан ҳамкорликда ташкил этилган тадбирда Жамият ижро аппаратининг тегишли бўлим ва бошқармалари ходимлари, “Ангрен кўмир кони” филиали мутасаддилари ҳамда ишлаб чиқариш бўлимлари бошлиқлари ва ўрта бўғин раҳбарлари иштирок этди.

Саноат хавфсизлиги давлат қўмитаси Ангрен кон техник инспекцияси бошлиғи У. Иркабаев тадбирда сўз олиб, “Ўзбеккўмир” АЖ филиалларида ўтган 2019 йил давомида меҳнат муҳофазаси ва саноат хавфсизлиги бўйича амалга оширилган ишлар юзасидан ўзининг танқидий-таҳлилий фикрларини билдирди ва кун тартибидаги мавзу бўйича зурар тушунчалар берди.

Жамиятимизда инсон, унинг ҳаёти ва соғлиғи азиз ҳисбланади. Шу боисдан саноат корхоналарида ишловчи ҳар бир ҳодимга ишлаб чиқариш жараёнида хавфсиз иш шароитини яратиш муҳим. Семинар йиғилишида сўзга чиққанлар меҳнат муҳофазаси муаммоларини назарий ва амалий ҳал этиш учун давлат томонидан ишлаб чиқилган ҳуқуқий ҳужжатларга, хусусан, “Меҳнатни муҳофаза қилиш тўғрисида”, “Хавфли ишлаб чиқариш объектларининг саноат хавфсизлиги тўғрисида” Ўзбекистон Республикаси қонунлари талабларига қатъий амал қилиш лозимлигини уқдириб ўтдилар.

Тадбирда меҳнат муҳофазаси ва саноат хавфсизлиги бўйича ўтган йилги ишлар таҳлил этилиб, галдаги долзарб вазифалар белгилаб олинди.

Маълумот учун, “Ангрен кўмир кони” филиалида бугунги кунда 1700 нафардан зиёдроқ ишчи-ходим меҳнат қилиб келмоқда. 2019 йилда 26 та иш жойи меҳнат шароитлари бўйича шаҳодатланди, “Саноат хавфсизлиги” ўқув курсида 5 нафар ўрта бўғин раҳбарининг малакаси оширилди, кўтарма кранларда бехатар иш олиб бориш бўйича 61 нафар ўрта бўғин раҳбар ва ишчи ходимнинг малакаси оширилди. Қишки махсус кийим, махсус оёқ кийимлар ва ҳимоя воситалари учун 460 млн. сўм, ташкилий-техник чора тадбирлар учун 964,7 млн. сўм маблағ сарфланди. Шунингдек, зарарли меҳнат шароитларида ишлаётган ишчи-ходимлар 632,6 млн. сўмлик махсус сут маҳсулотлари билан таъминланди.

“Ўзбеккўмир” АЖ Ахборот хизмати

“O‘zbekko‘mir” gazetasining ilk soni nashrdan chiqdi

“O‘zbekko‘mir” aksiyadorlik jamiyatining ijtimoiy-iqtisodiy, sohaviy nashri yangi nomda va yangicha ko‘rinishda nashrdan chiqdi.

O‘zbekiston ko‘mir sanoati yangiliklari, “O‘zbekko‘mir” aksiyadorlik jamiyati tizimida korxonalar faoliyatini yoritib borishga mo‘ljallangan ushbu gazeta Jamiyat muassisligidagi sobiq “Shaxtyor gazetasi negizida qayta tashkil etildi. Bir oyda ikki marta A−3 formatda 1,5 ming nushada chop etiladigan nashrning ilk soni Jamiyat Bosh direktori Alisher Ravshanovich Odilovning “Erkin so‘z minbari” sarlavhali maqolasi bilan boshlangan.

Хостинг картинок yapx.ru

Ushbu maqolada, jumladan shunday yozilgan:

“Prezidentimiz Shavkat Mirziyoyevning “Ommaviy axborot vositalari mustaqilligini ta’minlash hamda davlat organlari va tashkilotlari axborot xizmatlari faoliyatini rivojlantirish bo‘yicha qo‘shimcha chora-tadbirlar to‘g‘risida” 2019 yil 27 iyundagi qarori ijrosi doirasida mamlakatimizda axborot va ommaviy kommunikatsiyalar sohasini boshqarish tizimini qayta tashkil qilish yuzasidan belgilangan muhim chora-tadbirlar izchil amalga oshirilmoqda. Zero ijtimoiy-siyosiy va sotsial-iqtisodiy rivojlanishning muammoli masalalarini hal etishda ommaviy axborot vositalarining roli juda katta. Media makonda yuzaga kelayotgan chaqiriqlarga tezkorlik bilan munosib javob qaytarish ham dolzarb masala bo‘lib qoldi.

Qaror talablaridan kelib chiqib, “O‘zbekko‘mir” AJ jamoatchilik bilan aloqalar bo‘limi negizida Axborot xizmati tashkil etildi. Ushbu xizmat zimmasiga ko‘mir sanoati yangiliklari, sohada amalga oshirilayotgan tub iqtisodiy o‘zgarishlar haqida keng jamoatchilikni xabardor etib borish, Jamiyat faoliyatini targ‘ib qilish, yutuq va muammolarini ommaviy axborot vositalarida keng yoritish, turli axborot hurujlariga qarshi munosib javob qaytarish, qolaversa, keng jamoatchilik ko‘z o‘ngida Jamiyatimiz imidjini yanada yaxshilash kabi qator vazifalar yuklatilgan.

Ayni kunlarda jamiyatimizning internetdagi maxsus sahifasi Jamiyat hayotiga oid rang-barang axborotlar bilan muntazam yangilab borilmoqda. Ijtimoiy tarmoqlarda “O‘zbekko‘mir” aksiyadorlik jamiyatining rasmiy sahifa va kanallari tashkil qilindi va ko‘mir sanoati xodimlarining jo‘shqin mehnat faoliyati aks ettirib borilmoqda.

“O‘zbekko‘mir” aksiyadorlik jamiyati ko‘mir qazib olish va yetkazib berish bo‘yicha respublikada yirik va yagona korxona hisoblanadi. Bu bilan biz soha xodimlari har qancha g‘ururlansak arziydi. Bugungi kunda jamiyat tasarrufidagi 11 korxonada 6 ming nafardan ziyod kishi aholini va sanoat korxonalarini ko‘mir yoqilg‘isi bilan ta’minlash, hukumatimizning bu borada oldimizga qo‘ygan ulkan vazifalarni bajarishdek sharafli mehnat faoliyati bilan band.

Qo‘lingizdagi – sobiq “Shaxtyor” gazetasi negizida tashkil etilgan yangi nashr aynan ana shu ulug‘ maqsadlar yo‘lida chop qilinmoqda. Uning har bir yangi soni bilan birga xonadonlarga, xizmat joylariga nur, ma’rifat kirib boradi. O‘ylaymizki, “O‘zbekko‘mir” o‘z sahifalarida jamiyatimiz hayotini xolis va ishonchli tarzda aks ettiradi, so‘z qudrati bilan ko‘mir sanoati xodimlarini yangidan-yangi marralar sari undaydi. Bu borada gazeta ijodiy xodimlariga ilhom va muvaffaqiyatlar tilayman”.

O‘tgan yili Angren konlaridan qancha ko‘mir qazib olindi?

“Ўзбеккўмир» акциядорлик жамияти томонидан жорий йилнинг январь ойида 304,5 минг тонна ўрнига 364,6 минг тоннадан кўпроқ кўмир қазиб олинди. Истеъмолчиларга ой давомида 304,5 минг тонна ўрнига 356,7 минг тоннадан зиёдроқ маҳсулот жўнатилди ва бу борадаги режа 117,2 фоизга бажарилди.

Жамият Бош директори ўринбосари Ҳамза Наимович Абдуллаев мухбиримизга қуйидагиларни сўзлаб берди:

Хостинг картинок yapx.ru

− “Ўзбеккўмир” АЖ Республикада кўмир қазиб олувчи ва маҳсулотни юклаб берувчи ягона ва йирик корхона саналади. Ёқилғининг ушбу турига Ангрен ва Янги Ангрен иссиқлик электр станциялари, чекка ҳудудлардаги ижтимоий соҳа объектлари ҳамда аҳоли томонидан талаб юқори. Ана шу талаб ва эҳтиёжларни ҳисобга олиб жамиятимизда кўмир қазиб олиш ва истеъмолчиларга етказиб беришни кўпайтириш бўйича истиқболли лойиҳалар изчил амалга оширилмоқда.

Кўмир саноати корхоналари томонидан 2019 йилда 4,052 миллион тоннадан зиёдроқ кўмир қазиб олинган ва истеъмолчиларга 4,2 миллион тонна қаттиқ ёқилғи етказиб берилган эди. Жорий йилдаги режалар янада улкан. Айни пайтда кўмирни бойитиш, ундан дизель ёнилғиси ва бошқа маҳсулотлар ишлаб чиқариш қаби қатор ишлар кўзда тутилган.

Кўмир саноати тизимида кадрларни тайёрлаш ва қайта тайёрлаш, малакасини оширишга катта эътибор берилмоқда. Айни кунларда тўрт нафар ходим Тошкент Давлат техника университетида, 5 нафар ходим Олий Бизнес мактабида, 16 ходим Хитой Халқ Республикасининг Ляонинг университетида таҳсил олмоқда. Бундан ташқари 53 нафар ходим “Ўзбеккўмир” АЖ тавсияси асосида мамлакатимиз олий ўқув юртларида ишлаб чиқаришдан ажралмаган ҳолда ўқияпти.

Жамият Бирлашган касаба уюшма қўмитаси билан биргаликда кўмир саноати ходимлари ўртасида турли спорт-соғломлаштириш мусобақалари, маънавий-маърифий тадбирлар мунтазам ўтказиб келинади. Ходимларга транспорт, умумий овқатланиш ва бошқа зарур хизматлари кўрсатишни янада яхшилаш чорлари ҳам кўзда тутилган.

O‘QUV-TAKTIK MAShG‘ULOTI O‘TKAZILDI

“Темирйўл транспортини бошқариш” филиалида фавқулодда вазиятлар бўйича ўқув-тактик машғулот ўтказилди.

Хостинг картинок yapx.ru

Тадбирдан кўзланган мақсад “Ўзбеккўмир” акциядорлик жамияти ишлаб чиқариш ҳудудида “Фавқулодда вазиятларда уларнинг олдини олиш ва бартараф этиш режаси”ни амалда текшириш, раҳбар таркиби ва ФМ тузилмалари шахсий таркибининг фуқаро муҳофазаси тадбирларини бажаришдаги тажриба ва малакасини ошириш, объект раҳбарияти ва Жамият фуқаро муҳофазаси хизматларининг ҳамкорликдаги ҳаракатларини мувофиқлаштиришдан иборат эди.

Жамият тасарруфидаги “Тоғ-кон ускуналарини таъмирлаш заводи”, Капитал қурилиш бошқармаси” “Ёпиқ усулда кўмир қазиб олиш кони”, “Моддий таъминот бошқармаси”, “Энергич ва телекоммуникация тизимлари” филилаллари Фавқулодда вазиятлар ва фуқаро муҳофазаси мутахассислари жалб этилган тадбир тўрт босқичда ўтказилди. Жараёнда ер қимирлаган вақтда содир бўладиган ёнғинни ўчириш, ишдан чиққан алоқани тиклаш, ишчи ходимларни маъмурий ва ишлаб чиқариш биноларидан эвакуация қилиш, фавқулодда вазиятларнинг оқибатларини бартараф қилиш, жабрланганларга биринчи тиббий ёрдам кўрсатиш борасида шахсий таркибнинг тайёргарлик ҳолатлари ўрганиб чиқилди.

Хостинг картинок yapx.ru

Фавқулодда вазиятлар вазирлиги мутасаддилари иштирокида ташкил этилган ўқув тактик машғулоти давомида кўзда тутилган мақсадларга эришилди. Айни пайтда фавқулодда вазиятларга тайргарлик юзасидан келгуси вазифалар белгилаб олинди.

Эслатиб ўтамиз, ўқув тактик машғулоти 21 январь куни “Ёпиқ усулда кўмир қазиб олиш” филиалида ташкил этилган эди.