26 ноябрь куни Ўзбекистон Республикаси Конституцияси кунига бағишлаб “Ўзбеккўмир” АЖ Бирлашган касаба уюшмалари қўмитаси томонидан “Дадам, онам ва мен –спотчи оиласи” мусобақаси ўтказилди.

Ангрен шаҳридаги 9-ёрдамчи мактаб спорт залида ўтказилган мусобақада “Ўзбеккўмир” АЖ филиалларидан спортчи 11 оила иштирок этиб, олти шартда бўйича ўзрао баҳслашди. Енгил атлетика, баскетбол тўпини тўрга тушириш, футбол тўпини дарвозага киритиш, теннис тўпини ракеткада тутиб югуриш, арғамчи сакраш шартлари нафақат иштирокчиларнинг, балки томошабинларнинг ҳам кайфиятини кўтарди. Қизиқиқарли тарзда ўтган мусобақадан кўзланган мақсад меҳнаткашлар ўртасида соғлом турмуш тарзини тарғиб қилиш, уларнинг жисмоний тарбия ва спортга бўлган эътиборини кучайтириш, шунинг баробарида корхона ва ташкилотлар ўртасида соғлом рақобат руҳини шакллантиришдан иборат эди.

Мусобақа якунларига кўра шарафли 1-ўринга “Ангрен кўмир кони” филиали 32-бўлимининг вагонлар бўйича техниги Наргиза Матаевалар оиласи лойиқ деб топилди. “Автомобиль-технологик транспорти” филиали 2-автосарой бошлиғи Жасурбек Хакимовлар оиласи фахрли 2-ўринни, Энергия ва телекоммуникация тармоқлари» филиали вакили – Ибрагимовлар оиласи қўлга киритди.

Ғолиблар Бирлашган касаба уюшмалари қўмитаси томонидан қимматбаҳо эсдалик совғалари билан тақдирланди. Мусобақанинг ёш иштирокчиларига ажойиб китоб − «Темур тузуклари» ҳадя қилинди.

25 ноябрь куни «Ўзбеккўмир» АЖ таркибидаги “Геология қидирув экспедицияси” филиалида «Кўчки содир бўлганда объект раҳбари ва ФМ тузилмаларининг ҳаракатлари» мавзусида махсус тактик ўқув машқи ўтказилди.

Ангрен шаҳар ҳокими – Фуқаро муҳофазаси бошлиғининг 2020 йил 14 январдаги 1-сонли буйруғи ижросини таъминлаш мақсадида ташкил этиган тадбирда санитар, авария тиклаш, қуткарув, жамоат тартибини сақлаш, алоқа ҳабар бериш, ёнғин ўчириш, разветка гуруҳлари, шунингдек эвакуация комиссияси ҳамда тиббий хизмат бўлими «Тез ёрдам» автомашинаси, 53-касбийлаштирилган ёнғин қутқарув қисми ўт ўчириш махсус техникаси билан қатнашди.

Жараёнга автобус, автосамосвал, автокран, автоюклагич, енгил автомашиналардан иборат техника воситалари жалб қилинди.
Уч босқичда ўтказилган тактик ўқув машқининг биринчи босқичида шартли зилзила натижасида “Геология қидирув экспедицияси” филиали “Диагностика” участкаси биносининг қулаши натижасида вайрона остида қолиб кетган ишчи аниқланди ва зудлик билан қутқарилиб, биринчи тиббий ёрдам кўрсатилди ва шифхонага етказилди.

Иккинчи босқичда “Диагностика” участкасида чиққан ёнғин ҳақида алоқа ва хабар бериш гуруҳлари ҳамда ўт ўчирувчиларнинг тезкор ва оқилона ҳатти-ҳаракатлари синовдан ўтказилди.

Кўчкиларга фавқулодда вазиятлар тузилмасининг тайёргарлиги қай даражада? Учинчи босқичда фиилиал махсус тузилмасининг бу борадаги салоҳияти намойиш қилинди. Яъни, «Диагностика” участкасида содир бўлган шартли кўчки ҳудудида қидирув-қутқарув ишлари олиб борилиб, фавқулотда ҳолат бартараф этилди.

Тўртинчи босқичда шартли кўчки содир бўлган ҳудудда эвакуация гуруҳи ва санитар дружина ҳамда қутқарув гуруҳлари машқ олиб борди. Улар томонидан ишчи ходимлар ва қимматли товар-моддий бойликлар хавфсиз жойга кўчирилди.
Бир сўз билан айтганда, тактик ўқув машқи жараёнида МТУМ олдига қўйилган вазифалар бажарилди. Объект фавқулодда вазиятларга «чекланган тайёр» деб баҳоланди.

Ўткир Иноятов,
«Ўзбеккўмир» АЖ Махсус бўлим фавқулодда вазиятлар бошлиғи

Ўзбекистон Республикасининг Конституцияси бундан 28 йил аввал 8 декабрда қабул қилинган бўлиб, 6 бўлим, 26 боб ва 128 моддадан иборат.

“Автомобиль-технологик транспорти” филиалида Конституция кунига бағишланган маънавий-маърифий тадбир ўтказилди. Корхонанинг шинам маънавият хонасида касаба уюшма қўмитаси томонидан ташкил этилган маънавий-маърифий тадбирда Бош қомусимиз ва унда илгари сурилган халқпарвар ғоялар ҳамда уларнинг бугунги ҳаётимиздаги акс-садоси хусусида сўз юритилди.

Тошкент вилояти Маънавият ва маърифат маркази мутахассиси Шуҳрат Насимов тадбирда сўз олиб Бош қомусимиз тарихи, мазмун-моҳияти ҳақида йиғилганларга қизиқарли тарзда ҳикоя қилиб берди.

“Қизиқчи – 91″ кўрик-танлови совриндори, сўз устаси Худойберди Зиедов тадбирнинг азиз меҳмони сифатида иштирок этиб, бадиий чиқишлари билан барчага хуш кайфият улашди.

Жамият корхоналарида бундай тадбирлар давом этмоқда.

“O’zbekko’mir” AJ aksiyadorlarni 2019 yil yakunlari bo’yicha 2020 yil 15 dekabr kuni bo’lib o’tadigan aktsiyadorlarning yillik umumiy yig’ilishi o’tkazilishi to’g’risida Toshkent viloyati, Angren shahri, Istoklol ko’chasi, uy-1, kompaniya majlislar zalida o’tkazilishi to’g’risida xabardor qiladi.
Qimmatli qog’ozlar egalarining ro’yxati tuzilgan sana:
– xabarnoma uchun: 24.11.2020
– yig’ilishda qatnashish uchun: 9.12.
Ro’yxatdan o’tish soat 14.00 da boshlanadi. Uchrashuvning boshlanishi: soat 15.00.

Aksiyadorlarning yillik umumiy yig’ilishining kun tartibi:

1. Aksiyadorlarning yillik umumiy yig’ilishining reglamentini tasdiqlash.
2. Aksiyadorlar umumiy yig’ilishining hisoblash komissiyasi a’zolarini tasdiqlash.
3. Kompaniya Bosh direktorining 2020 yil 9 oyidagi moliyaviy-xo’jalik faoliyati natijalari to’g’risidagi hisobotini tasdiqlash.
4. Kuzatuv kengashi raisining 2020 yil 9 oylik hisobotini tasdiqlash.
5. 2019 yil uchun yillik hisobot, balans, hisobot va moliyaviy natijalarni tasdiqlash.
6. 2019 yil uchun Kompaniyaning imtiyozli aksiyalari bo’yicha dividendlarni hisoblash.
7. Jamiyatning 2019 yilgi moliyaviy hisoboti to’g’risidagi auditorlik hisobotini ko’rib chiqish.
8. Kompaniya Boshqaruvi tarkibiga saylanish uchun nomzodlarni tasdiqlash.
9. Kompaniyaning tashkiliy tuzilmasini tasdiqlash.
10. “O’zbekugol” aksiyadorlik jamiyati Kuzatuv kengashi a’zolariga ish haqi to’lash to’g’risidagi nizomni tasdiqlash.

Iltimos, pasportingizni yoki boshqa shaxsiy guvohnomangizni olib keling.

Aksiyadorlar qo’shimcha ma’lumotni quyidagi manzilda topishlari mumkin:
Angren, st. Istiqlol 1,
so’rov uchun telefon raqamlari (+998 71) 150-39-80; faks: (+998 71) 150-39-89.
Elektron pochta: info@coal.uz elektron pochta manzili, veb-sayt: www.uzbekcoal.uz.

Jamiyat Kuzatuv kengashi.

Сўнгги тўрт йил мобайнида мамлакатимиз ижтимоий-иқтисодий ҳаётида туб ўзгаришлар рўй берди. Жумладан, кўп қаватли кенг шинам ва арзон уй-жойлар қуриш, кичик бизнес ва хусусий тадбиркорликни янги босқичда юксалтириш амалга оширилаётган ислоҳотларда ўз ифодасини топмоқда. Ўғил-қизларни маданият, санъат, жисмоний тарбия ва спортга кенг жалб қилиш, китобхонликни тарғиб этиш, хотин-қизлар бандлигини оширишга қаратилган 5 та муҳим ташаббус тадбирлари эса ёшлар ҳаётига алоҳида мазмун бағишламоқда.

“Ўзбеккўмир” акциядорлик жамиятида 25 ноябрь куни ўтказилган “Янги Ўзбекистон − янгича дунёқараш” маънавий-маърифий тадбири ана шу мислсиз ислоҳотларнинг мазмун-моҳиятию аҳамиятини халқимизга етказиш ва аҳоли кайфиятини кўтаришга бағишланди.

Жамият Бирлашган касаба уюшма қўмитаси томонидан Ангрен шаҳар ҳокимлиги билан ҳамкорликда ташкил этилган, қўмита раиси ўринбосари Анорбек Султонов бошқариб олиб борган тадбирда жамият корхоналарида меҳнат қилаётган ходимлар вакиллари қамраб олинди.

Туб ислоҳотлар Тошкент вилояти, хусусан, Ангрен шаҳрида ҳам ўз самарасини кўрсатмоқда. Масалан, бугунги кунда Ангренда мукаммал таъмирланмаган ва ёш авлодга таълим олиши учун зарур шароитлар яратилмаган биронта мактаб қолмади. Соғлиқни сақлаш тизимида ҳам улкан ўзгаришлар рўй бермоқда. Республика тарғибот гуруҳи аъзоси, Ўзбекистон Давлат Жаҳон тиллари университети доценти Шокиржон Уришов, “Маҳалла” жамғармаси раисининг нуронийлар ва кексалар бўйича ўринбосари Эсонали Қорабоев ва бошқалар Президентимиз ташаббускурлигида халқни рози қилиш йўлида амалга оширилаётган эзгу ишлар ҳақида шукроналик билан сўзладилар.

Ислоҳотларнинг мазмун-моҳиятини аҳолининг барча қатламларига етказишда матбуот ва оммавий ахборот воситаларининг ўрни ва аҳамиятининг ҳеч нарса билан тенглаштириб бўлмайди. Тадбирда сўз олган “Ўзбеккўмир” АЖ Ахборот хизмати раҳбари Неъмат Душаев шу ҳақда тўхталар экан, бугунги тезкор замонда интернет ва ижтимоий тармоқлар орқали кундалик янгиликлардан бохабар бўлиб бориш билан бирга, газета ва китоб мутоалаасига ҳам эътибор қаратди.

Тадбирнинг азиз меҳмони − Ўзбекистон халқ артисти Одина Ғозиеванинг чиқишлари ҳам йиғилганлар томонидан илиқ қарши олинди. Таниқли кино ва театр актёрининг шукроналикка тўла суҳбати, ижро этган қўшиқлари ҳамда спектакллардаги ролларидан парчалари барчада катта тааасурот қолдирди. Хушовоз эстрада хонандаси Жамшид Жўраев ижросидаги қўшиқлар шўх рақсларга уланди.

«Янги Ўзбекистон – янгича дунёқараш» шиори остидаги маънавий-маърифий тадбирлар давом этмоқда.

Конституция ҳар бир давлатнинг асосий ҳуқуқий ҳужжати ҳисобланади. Унинг меъёрлари нафақат давлат тузуми, давлат ҳокимияти ва бошқарувини ташкил этиш принципларини, балки ижтимоий ҳаёт меъёрларини ҳам белгилаб беради.

Бугун дунёнинг қарийб барча давлатларида конституция асосий қонун ҳисобланади ва бошқа ҳар қандай чиқариладиган қонун, қарор ҳамда фармонлар унга мувофиқ тарзда қабул қилинади. Шу туфайли конституция «Бош қомус», «Асосий қонун» деб ҳам аталади.

Конституция сўзи лотинча constitutio – «қурмоқ», «ташкил этмоқ» сўзларидан олинган. Конституциянинг тарихи қадим-ги грек давлатлари ва Рим империясига бориб тақалади. Ўрта асрлар конституциялари орасида 1529 йилда қабул қилинган Литва князлиги конституцияси энг қадимийси ҳисобланади.

Ўзбекистон Республикасининг 1992 йил 8 декабрда алоҳида қонун билан қабул қилинган Конституцияси мустақил Ватанимиз тараққиётида янги даврни бошлаб берди. Конституциямиз истиқлол ва мустақил Ўзбекистон рамзи бўлиб, Бош Қомус сифатида давлатни давлат қиладиган, миллатни миллат қиладиган қонунларга асос бўлиб келмоқда.

«Ўзбеккўмир» АЖ «Ангрен кўмир кони» филиалида 20 ноябрь куни ўтказилган маънавий-маърифий тадбир айнан ана шу мавзуда бўлди. Унда Бош Қомусимиз, унинг давлат ва жамият ҳаётидаги аҳамияти, шунингдек мустақил давлатимиз рамзлари бўлган Давлат Байроғи ҳақида фахр-ифтихор билан сўз юритилди.

Филиал касаба уюшма қўмитаси раиси Бозорбой Ҳасанов бошлаб берган тадбирда азиз меҳмон − таниқли сиёсий шарҳловчи Қобилбек Каримбеков Ўзбекистон ва дунёда бўлаётган муҳим воқеаларни ғоятда қизиқарли тарзда шарҳлади. Мамлакатимизнинг жаҳон ҳамжамиятида муносиб ўрин эгаллаши, демократик, ҳуқуқий фуқаролик жамияти қуришда Асосий Қонунимизнинг аҳамиятини алоҳида таъкидлади. Айни пайтда давлатимиз Байроғи ҳақида ҳам ғурур билан сўз юритди.

«Ўзбеккўмир» АЖ Ахборот хизмати раҳбари Неъмат Душаев тадбирда сўз олиб, бугунги медиа майдондаги вазият, бу борада юз бераётган ўзгаришлар ҳамда корхона Ахборот хизмати амалга ошираётган ишлар хусусида маълумот берди. Меҳнат жамоалари ўртасида китоб, газета мутолаасини кучайтириш, келгуси йил учун вақтли матбуот нашрларга обуна уюштириш бўйича таклиф ва мулоҳазалари билан ўртоқлашди.

Савол-жавоб тарзида кечган тадбир унинг иштирокчиларида катта таассурот қолдирди.

Нодира Ғаниева,
«Ўзбеккўмир» АЖ «Ангрен кўмир кони» филиали касаба уюшма қўмитаси иш юритувчиси

Ижтимоий тармоқларда тарқалган Андижон вилоятининг Асака туманидаги кўмир омборларидан бирида маҳсулот сотиб олиш учун навбатда турган фуқароларнинг норозилик кайфиятини акс эттирган видео ўрганиб чиқилди.

Аниқланишича, ушбу видео жорий йилнинг 10 ноябрь куни «Кўмир таъминот» МЧЖ Андижон филиалига қарашли Андижон (марказий) омборининг Ахтачи пунктида ёзиб олинган.

«Кўмир таъминот» МЧЖ Андижон вилояти филиали маъмурияти берган маълумотларга кўра, Андижон омбори 10 ноябрь куни «Ўзбеккўмир» АЖ томонидан юборилган 621 тонна кўмирни қабул қилиб олган. Маҳсулотнинг 621 тоннаси Андижон, Булоқбоши, Олтинкўл, Асака, Балиқчи, Шахрихон, Марҳамат туманлари ҳамда Андижон шаҳри аҳолисига тарқатилган ва 5 тоннаси ортиб қолган.

Амалдаги тартибга кўра маҳаллий ҳокимликлар, ҳуқуқни муҳофаза қилиш идоралари ҳамда маҳалла фуқаролар йиғинлари вакиллари кўмир маҳсулотини аҳоли ўртасида ортиқча оворагарчиликсиз, тартибли равишда тарқатишга масъул ҳисобланади. Амалда маҳалла фуқаролар йиғинлари раислари (вакиллари) кўмирни вагондан тушириб-юклашга сарфланадиган вақтни эътиборга олмаган. Шунингдек, Андижон омборига бириктирилмаган бошқа туман фуқаролари ҳам шу ерда тўпланган. Бу ҳол омбор олдида сунъий навбат пайдо бўлиши ва ўзаро тушунмовчиликларга сабаб бўлган.

Андижон вилояти аҳолиси 2020-2021 йиллар куз-қиш мавсуми учун 281 минг 273 тонна кўмир ва кўмир брикетларига эҳтиёж сезади. “Кўмир таъминот” МЧЖ вилоят филиали томонидан ҳудуд аҳолисига 17 ноябрь ҳолатига кўра 173 минг 870 тонна ёки 61,8 фоиз маҳсулот тарқатилган. Ҳозирда вилоят омборларида 31 минг 322 тонна маҳаллий (Ангрен), 17 минг 424 тонна импорт (Қозоғистон) кўмири мавжуд.

Мавжуд уй-жой фонди ва ижтимоий соҳа объектларини 2020/2021 йиллар куз-қиш даврида барқарор ишлашга комплекс тайёрлаш тадбирлари доирасида Андижон вилояти аҳолисига яна 107 минг 403 тонна кўмирни жорий йилнинг охиригача етказиб бериш режалаштирилган.

Маҳаллий кўмир республикамиз аҳолисига арзонлаштирилган қатъий нарҳларда ва чекланган миқдорда сотилмоқда. Шуни ҳисобга олиб, жойлардаги маҳалла фуқаролар йиғинларига «Ўзбеккўмир» АЖ томонидан етказиб берилаётган қаттиқ ёқилғини аҳоли ўртасида тарқатишда кўмирга эҳтиёжманд хонадонлар рўйхати ва маҳаллий ҳокимликлар томонидан тасдиқланган графикка амал қилишлари тавсия этилади.

“Ўзбеккўмир” АЖ Ахборот хизмати

Халқ орасида Хаст имом номи билан машҳур бўлган Ҳазрати Имом мажмуаси пойтахтимиз Тошкент шаҳридаги энг асосий диққатга сазовор жойлардан биридир. Мажмуа Тошкент имоми, олим, Қуръон ва ҳадис билимдони, Тошкентда исломнинг илк тарғиботчиларидан бири, шоир ва ҳунарманд Ҳазрати Имом (унинг тўлиқ исми Абу Бакир ибн Исмоил Ал-Қаффол Аш-Шоший) қабри атрофида бунёд этилган.

Ўзбеккўмир» акциядорлик жамияти бир гуруҳ ходимлари учун 14 ноябрь куни Тошкент шаҳрига уюштирилган навбатдаги саёҳат ана шу мумтоз мажмуа зиёратидан бошланди. Бирлашган касаба уюшмаси кўмитаси ташаббуси билан ташкил этилган ва корхона жамоат ишларида фаол иштирок этган 41 нафар ишчи-ходим қамраб олинган саёҳатга «Автомобиль-технологик транспорти» филиали касаба уюшма қўмитаси раиси Раҳматхон Ахматалиев бошчилик қилди.

Тарихий манбаларга кўра, Қаффол Шоший қулфлар ва калитлар тайёрлаш бўйича уста ҳам бўлган, шу сабабли “Қаффол” (қулфчи) лақабини олган, 72 тилни билган ва Тавротни араб тилига таржима қилган. У ҳижрий 976-йилда 73 ёшида вафот топади ва шу кунгача бутун дунёда мусулмонлар томонидан ҳурмат қилинадиган мақбарада дафн этилади.

Ушбу мажмуада таркибидаги “Қаффол Шоший” мақбараси, “Бароқхон” мадрасаси ва “Мўйи Муборак” мадрасаси 16-асрда, “Номозгоҳ” масжиди 18 асрда ва “Тилла Шайх” жоме масжиди 20-асрда барпо этилган.

“Ҳазрат Имом” жоме масжиди ва Ўзбекистон мусулмонлари идорасининг янги маъмурий биноси 2007 йилда Ўзбекистон Республикасининг Биринчи Президенти Ислом Каримов ташаббуси ва лойиҳаси билан барпо этилди. Мажмуада 30 000 қўлёзма фондига эга катта кутубхона мавжуд.

Шу куни саёҳатчилар «Оқ мачит» мажмуаси, «Ғалаба», Наврўз боғларида бўлдилар. «Тошкент − Сити»га ташриф, бир сўз билан айтганда, мустақиллик йиллари пойтахтимизда амалга оширилган улкан бунёдкорлик ишларини ўз кўзлари билан кўриб, бош кентимизнинг бугунги кўрку таровати, жозибасию салобати, салоҳиятидан бир олам завқ олиб қайтдилар.

Қутлуғ Тешабоев,
«Ўзбеккўмир» АЖ АТТ ходимлар бўлими бошлиғи

Қашқадарё вилоятида аҳолини куз-қиш мавсуми учун кўмир билан таъминлашга катта эътибор берилмоқда. «Кўмир таъминот» МЧЖ Қашқадарё филиалидаги мавжуд етти омборда 12 ноябрь ҳолатига 10 минг тоннадан кўпроқ кўмир заҳираси бор. Шунинг 6 минг тоннаси маҳаллий (Ангрен), 4 минг тоннаси импорт (Қозоғистон) кўмиридир. Ҳозиргача ҳудуд аҳолисига 8 минг тоннага яқин қаттиқ ёқилғи сотилди.

«Кўмир таъминот» МЧЖ Қашқадарё филиалидан олинган маълумотларга кўра, вилоят бўйича 58 минг 539 тонна кўмир ва кўмир брикетларига эҳтиёж мавжуд. Шунинг 25 минг тоннаси аҳоли, 33 минг 539 тоннаси ижтимоий соҳа объектлари улушини ташкил этади. Ҳозирги кунда бюджет ташкилотлари кўмир ёқилғи билан тўлиқ таъминланган.

Айни кунларда вилоят бўйича етти кўмир омбори ишлаб турибди. Аҳоли талаб-истакларига кўра, яқинда Деҳқонобод туманида вақтинчалик кўмир тарқатиш шаҳобчаси очилди. Узоқ ва чекка ҳудудлар аҳолиси кўмирни тўғридан-тўғри жойларда, жумладан Шаҳрисабз туманининг Ғилон, Хитой, Китоб туманидаги Қавзахона, Яккабоғ туманидаги Ўрта, Бешигул ва Қайроғоч ҳамда Деҳқонобод туманидаги Янгиобод маҳалласи ташкил этилаётган ярмаркалар орқали ҳарид қилишлари мумкин.

Шунингдек, Китоб тумани аҳолисига қулайлик яратиш мақсадида кўмир сотиш Шахрисабз кўмир омборининг бир йўла икки жойида ташкил этилган.

Ушбу омбор ва шаҳобчалар орқали вилоят бўйича кунига 500-900 тонна атрофида кўмир тарқатилмоқда.

“Ўзбеккўмир” акциядорлик жамиятида омммавий спортга ҳамиша катта эътибор бериб келинади. Ҳозирги пандемия шароитида спорт тадбирлари ташки этиш имконияти чекланган. Шунга қараамай корхонада карантин талаблари доирасида спорт-соғломлашириш тадбирлари олиб борилмоқда.

Куни кеча тизимдаги филиаллар футбол жамоалари ўртасида спортнинг мини-футбол тури бўйича мусобақа бўлиб ўтди. Мусобақада 13 жамоа қатнашди, унга 100 нафардан ортиқ спортсевар ишчи-ходим жалб қилинди.

Ангрен шаҳридаги 1-касб-ҳунар мактаби спорт залида ташкиллаштирилган ва муросасиз кечган баҳсларда умумжамоа ҳисобида «Шахта усулида кўмир қазиб олиш» филиали 1-ўринни қўлган киритди. «Апартак кўмир кони» филиали 2-ўринни ва «Тоғ ускуналарини созлаш заводи» филиали 3-ўринни эгаллади.

Ғолиб жамоалар Бирлашган касаба уюшма қўмитаси дипломи ва қимматбаҳо совғалар билан тақдирланди.