All posts by Sergey Rojkov

Пандемия ва пандемиядан кейинги даврда бизнес қўллаб-қувватланади

«Бизнес-клиника» лойиҳаси кичик бизнес ва хусусий тадбиркорлик субъектларига тадбиркорлик фаолияти билан боғлиқ консультацияларни бериш ва давлатимиз раҳбарининг фармонларида назарда тутилган қўллаб-қувватлаш чоралари ҳақида тўлиқ ва ишончли маълумот етказиш мақсадида 2020 йил май ойида ишга туширилди.

2020 йил март ойида COVID-19 коронавирус инфекциясига биринчи чалинганларнинг аниқланиши сабабли, республика ҳукумати томонидан уни тарқалишини олдини олиш мақсадида транспорт воситалари ҳаракатини чеклаш, маҳаллий ва халқаро транспорт алоқалари ҳамда чегаралар ёпилиши, болалар боғчалари, мактаблар ва университетларда ўқиш жараёнини тўхтатиш, оммавий тадбирлар ва йиғилишларни бекор қилиш каби кескин чоралар кўрилди.

Карантин чоралари ва чекловлар бошқа мамлакатларда ҳам, Ўзбекистонда ҳам кичик бизнеснинг фаолиятига жиддий таъсир кўрсатди. Статистик маълумотларга кўра, кичик бизнес 2019 йилда Ўзбекистоннинг ялпи ички маҳсулотининг 57 фоизини ташкил этган . Чет элдан пул ўтказмаларининг камайиши, туризмдан тушадиган даромадлар пасайиши ва шу қаторда савдо ва етказиб бериш занжирларида бир қатор муаммолар юзага келди. Бир қатор корхоналар ишлаб чиқариш ҳажмини ва ишчилар сонини қисқартиришга мажбур бўлди, бу эса ўз навбатида иш билан таъминлашда ва фуқароларимизнинг даромадларига салбий таъсир кўрсатди.

Инқирознинг иқтисодий оқибатларини юмшатиш мақсадида Ўзбекистон ҳукумати юридик ва жисмоний шахсларни ҳар томонлама қўллаб-қувватлаш борасида инқирозга қарши комплекс чораларини ишлаб чиқди (хусусан, Ўзбекистон Республикаси Президентининг 19.03.2020 йилдаги 5969-сонли, 03.04.2020 йилдаги 5978-сонли ва 27.04.2020 йилдаги 5986-сонли фармонлари). Инқирозга қарши курашиш жамғармаси ташкил этилди ва тадбиркорликни ва аҳоли бандлигини қўллаб-қувватлаш унинг асосий мақсадларидан бири деб белгиланди.
БМТ Тараққиёт Дастури томонидан Ўзбекистонда ишга туширилган COVID-19 га қарши тезкор ҳаракат қилиш механизми (ингл. Rapid Response Facility) доирасида учта йўналиш бўйича ишлар таклиф қилинди:

????1) Эҳтиёжларни тезда аниқлаб улар бўйича ечим топиш;
????2) Инқирозга қарши самарали бошқарув;
????3) Эрта тикланиш.

Учинчи йўналиш доирасида БМТ Тараққиёт Дастури Савдо-саноат палатаси билан биргаликда кичик бизнес ва хусусий тадбиркорлик субъектлари учун Бизнес-клиника лойиҳасини ишга туширди. Бизнес-клиника пандемия даврида молиявий қийинчиликларга дуч келган тадбиркорларга бизнесни тиклаш ва давлат томонидан бериладиган имтиёз ва преференциялар билан боғлиқ барча масалалар бўйича бепул маслаҳатларни бериб боради.

Бизнес-клиника тадбиркорлик субъектлари билан оператив алоқа учун қуйидаги имкониятларни яратди: https://t.me/biznes_klinika телеграм-канали ишга туширилди, 1094 ишонч қисқа рақамига тушаётган саволларга 24 соатлик консультациялар бериш тизими йўлга қўйилди, www.businessinfo.uzвебсайтининг Бизнес-клиника бўлимида онлайн-мурожаатлар қабул қилиш имконияти яратилди.

Лойиҳа раҳбарияти пандемиядан зарар кўрган барча кичик ва ўрта бизнес вакилларини Бизнес-клиника орқали тажрибали мутахассислардан бизнесни тиклаш ва инқироздан босқичма-босқич чиқиш имкониятини берадиган солиқ, божхона, кредит ва бошқа имтиёзлар бўйича консультациялар олишга таклиф қилади.

Дастур ҳақида тўлиқ маълумот www.businessinfo.uz вебсайтида ва t.me/biznes_klinika телеграм-каналидаберилган.

Алоқа учун шаҳс: +998 90 1753420, Фарҳод Жабборов, Миллий консультант, “Ўзбекистонда ёшларни иш билан таъминлашга кўмаклашиш”

Вебсайт : www.businessinfo.uz
Телеграм-канал: https://t.me/biznes_klinika

Konchilik va metallurgiya sanoati xodimlari kuni munosabati bilan “O’zbekko’mir” aksiyadorlik jamiyati Bosh direktori Vladimir Vladimirovich Kuznesovning bayram tabrigi

 

Hurmatli hamkasblar, aziz konchilar!

Хостинг картинок yapx.ru

Sizni va yaqinlaringizni kasb bayrami – Konchilik va metallurgiya sanoati xodimlari kuni bilan chin qalbimdan tabriklayman.

Mubolag’asiz, bu har doim qiyin paytlarda elkalarini buradigan va ularga ishonadigan haqiqiy ishchilar, kuchli, jasur odamlar bayramidir. Konchilar kuchli va sadoqatli odamlardir. Sizning faoliyatingiz mehnatkash kishining xarakterini, ruhiy kuchini, qadr-qimmatini yaqqol namoyon etadi, sizning kasbingiz bilan faxrlanishni, haqiqiy birodarlik an’analarini, kon sulolalarida yashaydigan va avloddan avlodga o’tib kelayotgan an’analarni bardavom qiladi.

Soha faxriylariga alohida minnatdorchilik bildiramiz. Zero konchi noni hech qachon oson bo’lmagan. Respublika ko’mir konlari va shaxtalarining tarixi va shon-sharafi doimo sizning qaynoq faoliyatingiz bilan chambarchas bog’liq.

Konchilarning hozirgi avlodlari siz bilan birlashadi, o’zi uchun bu qiyin, ammo sharafli kasbni tanlagan kishi sizning ishingizni davom ettiradi va yangi, ajoyib natijalarga erishadi.

Ishonchim komilki, bizning aksiyadorlik Jamiyatimiz jamoasi hamjihatligi, yuqori professionalligi va fidokorona mehnati bilan bundan keyin ham korxonaning iqtisodiy salohiyati va gullab-yashnashiga munosib hissa qo’shadi.

Sizga va oilalaringizga xavfsiz mehnat, sihat-salomatlik, ishingizda ulkan muvaffaqiyatlar, oilaviy baxt va barcha ishlaringizda ilhom tilayman!

V.V. Kuznetsov,
“O’zbekko’mir” AJ bosh direktori

“АНГРЕН” КЎМИР КОНИДА

Бу кон Марказий Осиёда ноёб қазилма иншооти. Салкам икки минг кишилик меҳнат жамоаси ҳозирги карантин кунларида ҳам кўмир қазиб олиш суръатини пасайтираётгани йўқ.

Хостинг картинок yapx.ru
Кўмир кони бошлиғи Акром Холдибеков (ўнгдан учинчи) мутахассислар билан иш жараёни боришини кўздан кечирмоқда

Ушбу кон “Ўзбеккўмир” АЖ тасарруфидаги мавжуд учта коннинг энг йириги. Икки тоғ оралиғида, мураккаб геологик шароитда жойлашган кон ҳавзасини узоқдан томоша қилишнинг ўзи мароқли. Ҳа, одамзод ҳар нега қодир. Тоғни қўпориб, уни бир жойдан иккинчи жойга кўчириб, остидан кўмир қазиб олиш чакана иш эмас.
Конга сафар қилдик. Навбатчи “УАЗ” бизни ички тош йўлдан бир зумда кўмир ҳавзасининг энг тубида ишлаётган кончилар олдига тушириб қўйди. Бир неча кун аввал ёмғир ёққани учунми, ҳаво мусаффо, конда чанг-ғубор йўқ. Икки юз эллик мертча чуқурликда ҳам ўзингизни ҳудди тоғ бағрида юргандай ҳис қиласиз.
Ҳамроҳимиз − кон бошлиғи Акром Холдибеков йўл-йўлакай сўзлаб бормоқда: кўмир ҳавзаси 1948 йилда қуриб ишга туширилган. Ер қаъридаги ёқилғини олиш учун унинг устидаги тоғ жинслари экскаватор ёрдамида кўчириб, темир йўл, конвеер ва автомобиль транспорти орқали ички ва ташқи ағдармага тўкилади. Кўмир ҳавзасининг узунлиги тахминан 4, кенглиги 3,5 километр, чуқурлиги 250-300 метргача боради.
Кўмир қазиётган улкан экаскаваторга яқинлашамиз. Кон бошлиғи бизга пешвоз чиққан новча бўйли кончини таништирди: 2-бўлим бошлиғи Абдушукур Ҳунаров.

Хостинг картинок yapx.ru
2-бўлим бошлиғи Абдушукур Ҳунаров (чапда) 24-экскаватор машинисти Сирожиддин Жамолиддинов билан.

Абдушукур Ҳунаровни суҳбатга тортдик.
− Жамоамизда 100 нафардан кўпроқ кончи бор. Икки сменада ишлаймиз. Ҳар сменада 3-3,5 минг тоннагача қаттиқ ёқилғи қазиб олинмоқда. Март ойи режасини юз фоиз адо этдик. Апрель ойи кўрсаткичлари ҳам ёмон эмас, − дейди А.Ҳунаров.
Абдушукур билан яқиндан танишиб олдик. У 1987 йилда Ангрен шаҳрида туғилган, 2011 йилда Тошкент Давлат техника университетини тугатган, меҳнат фаолиятини кон усталигидан бошлаган. Мана, икки йилдирки, зарбдор бўлимлардан бирини бошқариб келмоқда.
“Ҳали кўпми?” кўмир қатламларига ишора қилиб сўраймиз Абдушукурдан. − “Кўп. Фақат устки қатламини очиш керак. Ҳамма гап ана шунда!” дейди у.
Маълумотлар бўйича Ўзбекистон кўмирнинг 1 млрд. 832,8 млн. тонна саноат заҳираларига эга. Ушбу заҳиранинг 1 млрд. 786,5 млн. тоннаси қўнғир кўмирдир. Бу кўмирнинг асосий қисми мана шу “Ангрен” кўмир ҳавзасидан қазиб олинмоқда. Иш ҳозирги суръатда борса, бу заҳира бир неча юз йилга бемалол етади. Айни пайтда кўмир ҳавзасидан истеъмолчиларга йилига ўртача 3,5 миллион тонна “қора олтин” етказиб берилмоқда.
Забой тагида кўмирни “БелАЗ”га юклаб бўлиб ҳайбати уч қаватли уйдай экскаваторнинг йиғма зинасидан машинист тушиб келди. Танишдик: Жамолиддин Сирожиддинов! Кондаги меҳнат стажи ўттиз йил. Бу чакана стаж эмас.
− Шу экскаватор рулига 1994 йилда ўтирганман. Ёрдамчим Фозилжон Абдураҳмонов билан биргаликда авайлаб бошқариб келаяпмиз, − дейди экскаватор машинисти Жамолиддин Сирожиддинов.
Машинист ўз экскаватори ҳақида сўзлаб берди. “10 м3 ЭШ” русумли ушбу кон техникасининг имкониятлари ҳайратли: кўмирни турган жойида ўттиз метргача чуқурликдан қазиб, яна шунча баланддаги уловга юклаб бера олади. Улкан ковушига бир дейишда 10 тоннагача кўмир тўлдиради. Ўн икки ковуш юкласа, “БелАЗ” юкхонаси тўлади. Даровоқе, энг олди “БелАЗ”ларнинг қуввати 135 тонна. Бу икки вагондан кўп кўмир дегани. Ўтган йили конга Белорусь Республикасидан 15 та ана шундай серунум оғир кон техникаси келтирилган. Акром Холдибековнинг таъкидлашича, шу янги “БелАЗ”лар шарофати билан кон очиш ва қазиш ишларига барака кирган.
Сал нарида ишлаётган “ЭКГ 5у” русумли 72-экскаватор машинисти Назир Ашурматов билан ҳам суҳбатлашдик.

Хостинг картинок yapx.ru
72-экаскаватор машинисти Назир Ашурматов (чапдан) ёрдамчиси Олим Алиев.билан.

− “Бугунги карантин шароитида қийналмаяпсизми?
− “Йўқ. Унчалик эмас!”
Кончи кун бўйи тиббий ниқобда юрибди, экскаваторини ҳам тез-тез дезинфекция қилмоқда. Уйдан ишга, ишдан тўғри уйга боради. Бозор-ўчар қилиш, шаҳар айланиш, ҳатто меҳмондорчиликка бориш ҳам йўқ. Бари чекланган. Карантин шароитида кучайтирилган тартиб шунақа. Энг ёмони, вирус юқиб қолмасмикан, деган ҳавотир мунтазам тақиб этиб туради. Машинист буларни айтмади, айтмайдиям. Аммо ниқобли юзидан, гап-сўзларидан буни сезиш қийин эмас: “Кўпга келган тўй ахир. Сабр қиламиз. Қийинчиликларни билдирмай енгамиз”.
Участка бошлиғи Абдушукур Ҳунаров кўмагида 89-экскаватор машинисти Дилшод Маҳкамов, 70-экскаватор, машинисти Одилжон Қўшматовларнинг иш фаолияти билан ҳам яқиндан танишдик. Улар бугунги куннинг чинакам қаҳрамонлари. Карантин шароитида халқ хўжалиги таъминотдан узилмасин деб, жонини жабборга бериб ишлашаяпти, электр станциялари кўмир таъминотида узилиш бўлмаслиги учун бор маҳоратларини ишга солмоқдалар.
Кўмир ҳавзасида бугунги кунда ўнлаб кон экскаваторлари ишлаб турибди. Кон бошлиғи Акром Холдибековнинг айтишича, уларнинг сони 42 та. Ушбу кон техникаларининг унум билан ишлаши эса кўмир саноати заҳматкашлари бўлган экаскавтор машинистлари касб маҳоратию фидойилигига жуда-жуда боғлиқ.

Хостинг картинок yapx.ru
Кўмир йўналиши бошлиғи Суннат Маҳкамов (ўнгдан) 89-экскаватор машинисти Дилшод Маҳкамов ва 2-бўлим бошлиғи Абдушукур Ҳунаров.

Кўмир ҳавзасига сафар якунланди. Навбатчи “УАЗ”да юқорига осонгина чиқиб олдик. Ҳайдовчи Комил Ҳазратқулов ҳам қадрдонлардай бўлиб қолди. Хизмат автоулови ҳайдаса ҳам кўмир сохасини кончилардан кам билмайди. Ахир ўн бир йилдан буён улар орасида.

Неъмат Душаев,
“Ўзбеккўмир” АЖ Матбуот хизмати

Синовли кунларни биргаликда енгиб ўтамиз

Ижтимоий тармоқларда “Ўзбеккўмир” АЖ ишчиларининг хизмат автобусида ноқулай аҳволда ишга қатнаётгани акс эттирилган видео тарқалди. Ушбу видеолавҳа асносида хизмат автобуслари ишчи-йўловчиларни меъёридан кўп олаётганига эътироз билдирилган.

«Ўзбеккўмир» АЖ тегишли бўлимлари ва Бирлашган касаба уюшмаси қўмитаси томонидан ушбу масала ўрганиб чиқилди.

Вазирлар Маҳкамасининг “Коронавирус инфекцияси тарқалишига қарши қўшимча чора-тадбирлар тўғрисида” 2020 йил 23 мартдаги 176-сонли қарори ва Жамият Бош директорининг шу асосдаги буйруғи ижроси доирасида бугунги кунда Жамиятнинг барча таркибий бўлинмалари ва филиалларида кучайтирилган тартиб жорий этилган.

Бунда энг аввало ходимларнинг иш жойлари, бириктирилган ҳудудлар ҳамда хизмат автоуловлари санитария нормаларида кўрсатилган даражада доимий равишда дезинфекция қилинмоқда. Иш жойида бўлишнинг зарурияти ва бажариладиган ишнинг муҳимлиги ўрганиб чиқилиб, асосий фаолиятга таъсир этмаган ҳолда ишчи-ходимларга навбатдаги меҳнат таътили берилди. Иш жойларида қолган ходимларнинг меҳнат фаолияти максимал даражада масофадан ташкил этилмоқда. Шунингдек, иш жойлари шахсий ҳимоя ва гигиеник воситалари (ниқоб, совун, спиртли антисептик) билан таъминланган.

Видеолавҳада «Темир йўл транспортини бошқариш» филиали ходимларига хизмат кўрсатаётган «MAN» русумли йўловчи ташувчи автоуловидаги ҳолат акс эттирилгани аниқланди.

Шуни алоҳида қайд этиш керак, карантин шароитида жамоат ва шахсий транспорт воситалари ҳаракати ўта чекланган. Жамиятда вазият тақазосидан келиб чиқиб, хизмат автоуловлари қатнов жадваллари жиддий қайта кўриб чиқилди ва улар қатнови устидан назорат кучайтирилган.

Карантин муносабати билан «Темир йўл транспортини бошқариш» филиалига бириктирилган автоуловлар йўлга чиқишидан олдин ва хизмат жараёнида автокорхона махсус ходимлари ва ҳайдовчилар томонидан мунтазам равишда дизинфекция қилинмоқда.

Видеолоавҳада акс эттирилган ҳолат юзасидан филиал ходимлари вакиллари билан суҳбат ўтказилиб, бугунги карантин шароитида қатор чекловлар ўрнатилгани, барча карантин талабларига сўзсиз бўйсуниши, айни пайтда сабрли бўлиш, муаммолар юзага келганида ўзаро баҳамжиҳатликда бартараф этиш лозимлиги тушунтирилди.

«Ўзбеккўмир» АЖ Матбуот хизмати

Кўмир саноати заҳматкашлари ҳам хизматда!

Айни пайтда барча жойларда бўлгани сингари Ангрен шаҳрида ҳам аҳоли саломатлигини сақлаш, коронавирус инфекцияси тарқалашининг олди олиш учун барча соҳаларда хавфсизлик чоралари кўрилмоқда. Хусусан, “Ўзбеккўмир” акциядорлик жамияти томонидан карантин эълон қилинган кундан бошлаб дезинфекциялаш билан боғлиқ муҳим топшириқлар сўзсиз таъминланаяпти. Бу ҳақда Агрен шаҳар ҳокимлиги Ахборот хизмати ёзмоқда.

Карантин бошлангандан буён Ангрен шаҳридаги барча кўчалар махсус гигиеник восита ва техникалар ёрдамида дезинфекция қилинаяпти. “Ўзбеккўмир” АЖ томонидан зарарсизлантириш ишлари ҳар куни барча филиалларда, ишлаб чиқариш участкалари ва цехларида давом эттирилаяпти. Хусусан жамият маъмурий биноси ва идора жойлашган ҳудудда тўлиқ дезинфекция ишлари бажарилди. Жамиятга қарашли махсус ёнғин хавфсизлиги қисмининг матонатли меҳнаткашлари туну кун хизматда. Ушбу жамоада ҳам “Сиз биз учун уйда қолинг, биз сиз учун ишга борамиз! ” лойиҳаси доирасида ишчи-ходимлар ўз хизмат вазифаларини сидқидилдан адо этишаяпти.

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

«Ўзбеккўмир»: коронавирус инфекцияси тарқалишига қарши қандай тадбирлар амалга оширилмоқда?

Айни кунларда мамлакатимизда коронавирус инфекцияси ва унинг олдини олиш бўйича кенг қамровли тадбирлар йўлга қўйилган.

«Ўзбеккўмир» акциядорлик жамиятида ҳам санитария-эпидимиологик осойишталикни таъминлаш кун тартибидаги энг долзарб масалага айланган. Ҳозирги кунда Жамият Бош директорининг буйруғи асосида барча таркибий бўлинмалар ва филиалларда кучайтирилган тартиб жорий этилди.

Бунда энг аввало ходимларнинг иш жойлари, бириктирилган ҳудудлар ҳамда хизмат автоуловлари санитария нормаларида кўрсатилган даражада доимий равишда дезинфекция қилинмоқда. Иш жойида бўлишнинг зарурияти ва бажариладиган ишнинг муҳимлиги ўрганиб чиқилиб, асосий фаолиятга таъсир этмаган ҳолда ишчи-ходимларга навбатдаги меҳнат таътили берилди. Иш жойларида қолган ходимларнинг меҳнат фаолияти максимал даражада масофадан ташкил этилмоқда. Шунингдек, иш жойида бўлган пайтда шахсий ҳимоя ва гигиеник воситалари (ниқоб, совун, спиртли антисептик) билан бўлиш устидан назорат ўрнатилган.

Айни пайтда корхоналаримизга ташриф буюрувчи шахслар (бошқа ташкилот вакиллари, жисмоний шахслар ва ҳ.к.) қабул қилиш максимал даражада чекланди. Бу иш масофадан амалга оширилмоқда. Ташриф буюрувчиларни ўта зарур ҳоллардагина фақат шахсий ҳимоя ва гигиеник воситаларини (ниқоб, совун, спиртли антисептик) қўллаган ҳолда киритиш мажбурий тартиби жорий этилган.

Коронавирус инфекцияси кириб келишининг олдини олишда шахсий ҳимоя ва гигиеник воситаларидан фойдаланиш ўта муҳим аҳамията эга. Ушбу воситаларни ҳозирда тендерсиз, тўғридан-тўғри шартномалар орқали харид қилишга рухсат берилгани учун таъминотда айтарли муаммолар йўқ. Ҳозиргача 200 кг. хлор, 5 минг погон метр мато келтирилди. Жамиятимиз қошида фаолият кўрсатаётган касаначилар томонидан тайёрланаётган тиббий ниқоблар жамият корхоналари талаблари бўйича етказиб берилмоқда.

Шукуржон Ҳаитматов,
«Ўзбеккўмир» АЖ меҳнатни муҳофаза қилиш ва техника ҳавфсизлиги бўлими бошлиғи

Наврўз айёмимиз муборак бўлсин!

“Ўзбеккўмир” акциядорлик жамияти Бош директори Алишер Равшанович Одиловнинг Наврўз умумхалқ байрами муносабати билан кўмир саноати ходимларига табриги

Хостинг картинок yapx.ru

Ҳурматли ҳамкасблар!

Айни тароватли кунларда табиат уйғониб, гўзал диёримизга барчамиз орзиқиб, соғиниб кутган Наврўзи олам ташриф буюрмоқда. Халқимиз асрлар давомида катта шоду хуррамлик билан нишонлаб келаётган, Бирлашган Миллатлар Ташкилоти томонидан халқаро байрам сифатида белгиланган Наврўз маънавий ҳаётимизнинг кўрки ва зийнатидир. Бу ажойиб, хосиятли байрам барчамизнинг қалбимизга чексиз қувонч ва завқ бағишлайди.

Барчамизга маълумки, Наврўз − янги кун, янги фасл демакдир. Бугун она табиат бағрида янгиланиш ва яшариш фасли бошланмоқда. Жонажон Ўзбекистонимиз, шу жумладан “Ўзбеккўмир” акциядорлик жамиятининг кўп минг кишилик аҳил жамоаси ҳам ўз тараққиётининг янги даврига қадам қўймоқда. Мана шундай файзли айёмда Сизларни, кўмир саноати барча ходимларини Наврўз байрами билан муборакбод этиб, энг эзгу тилакларимни изҳор қиламан.

Сўнгги йилларда мамлакатимизда кенг кўламли демократик ислоҳотлар, Ватан равнақи, халқимиз фаровонлиги йўлида амалга оширилаётган эзгу ишлар барчамизда келажакка умид, меҳнатга янада рағбат уйғотади. Акциядорлик жамиятимизда ҳам халқ хўжалиги эҳтиёжлари учун кўмир маҳсулоти қазиб олиш ва етказиб бериш ҳажмларини кўпайтириш, сифатини янада яхшилаш борасида муҳим тадбирларни амалга оширишга жиддий киришилган.

Ана шундай улкан ва истиқболли ўзгаришлар остонасида турган жамиятимиз тасарруфидаги корхоналарда кечани кеча, кундузни кундуз демай, фидокорона меҳнат қилиш билан бирга, жамоат ишларидаги фаол иштирок этиб келаётганингиз ҳар қанча таҳсинга сазовордир. Зеро Наврўз ўзининг ўлмас руҳи, умуминсоний ғоялари билан ҳаётимизда чуқур ўрин эгаллаган ва у берган завқ, кўтаринки кайфият сизу бизни эзгу ва олижаноб ишларга тобора руҳлантирмоқда.

Азиз кўмир саноати ходимлари!

Ўлкамизга гўзал Наврўз ташриф буюрмоқда. Фурсатдан фойдаланиб, Сиз азизларни халқимиз қалбидан чуқур жой олган, ороланиб кириб келаётган, бунёдкорликка, эзгуликка ундовчи Баҳор байрами билан яна бир бор қизғин табриклайман. Наврўз ҳар бир хонадонга, бутун эл-юртимизга тинчлик-хотиржамлик, бахту саодат, қут-барака олиб келсин!

Наврўзи олам барчамизга муборак бўлсин!

YaXShILIKNI HAR KIM, HAR KUNI QILMOG‘I DARKOR

Ўлкамизда гўзал Баҳор ҳукм сураётган, Янгиланиш, Яшариш ва Бунёдкорлик фасли − Наврўз арафасида шаҳар ва қишлоқларимизда ободонлаштириш ва кўкаламзорлаштириш тадбирлари билан бирга халқимизнинг меҳр-оқибатлилигини ўзида мужассам этган ёрдамга муҳтож қишиларга байрам йўқловлари ҳам ташкил этилмоқда.

Жорий йилнинг 14-15 март кунлари умумхалқ хайрия ҳашари уюшқоқлик билан кўтаринки руҳда ўтказилган “Ўзбеккўмир” акциядорлик жамиятида айни кунларда ёрдамга муҳтож кексалар, пенсионерлар, ногиронлиги мавжуд фуқаролар, ёлғиз қариялар, боқувчисини йўқотган оилалар Наврўз олдидан йўқланиб, Бирлашган касаба уюшма қўмитаси томонидан моддий ва маънавий ёрдам кўрсатилмоқда.

17-18 март кунлари Жамият корхоналари раҳбар-мутахассислари ва касаба уюшма қўмиталари фаоллари моддий кўмакка муҳтож кўплаб оилаларда бўлиб, уларга меҳр улашдилар.

Меҳр кунда керак, дейди доно халқимиз. Наврўз байрами арафасидаги бундай йўқловлар нуроний ёшдаги кўмир саноати меҳнат фахрийлари ва уларнинг оила аъзолари, шунингдек, эътиборга муҳтож кишиларга байрамона кўтаринки кайфият бағишлади.

“Ўзбеккўмир” АЖ Ахборот хизмати

Хостинг картинок yapx.ru

Хостинг картинок yapx.ru

Хостинг картинок yapx.ru

(Russian) ОБЪЯВЛЯЕТСЯ КОНКУРСНЫЙ ОТБОР

АО «Узбекуголь» объявляет конкурсный отбор предложений на закупку автогрейдера согласно прилагаемому техническому заданию на поставку автогрейдера на условиях СIP, CPT станция Ангрен, Узбекской ж.д., с указанием стоимости поставки единицы техники.

АО «Узбекуголь» практикует оплату путем выставления безотзывного, пополняемого аккредитива.
Предложения направлять на имя Шукурова А.А.

тел. (+998) 71-244-16-26;
e-mail: uzbekcoal@gmail.com;
telegram: (+998) 93 387-07-48

ТЕХНИЧЕСКОЕ ЗАДАНИЕ

Umumxalq hashari: 1000 tup mevali, 1200 tup manzalari daraxt ko‘chatlari o‘tqazildi

Ўзбекистон Республикаси Вазирлар Маҳкамасининг фармойишига асосан, жорий йилнинг 14-15 март кунлари мамлакатимиз бўйлаб ўтказилган “Обод юрт” умумхалқ ободонлаштириш ва кўкаламзорлаштириш хайрия ҳашарида «Ўзбеккўмир» АЖ ходимлари фаол иштирок этдилар.

Ҳашар кунлари Ангрен шаҳридан акциядорлик жамиятига бириктирилган ҳудудларда қатор ободонлаштириш ва кўкаламзорлаштириш тадбирлари уюшқоқлик билан олиб борилди. 14 март куни акциядорлик жамиятидан умумҳисобда 188 ишчи-ходим ҳашарда қатнашди, 4 дона техника жалб этилди. 15 март куни 130 киши ҳашарга чиқди, 5 дона техника сафарбар қилинди.

− Икки кун давомида жамиятимиз бўйича 3500 метрдан ортиқ йўл атрофи ва ариқлар тозаланиб, 1500 тупдан кўпроқ дарахт оқланди, техника ёрдамида 28 тоннадан зиёд чиқинди белгиланган жойга олиб чиқилди. Ҳашар кунлари 1000 туп мевали, 1200 туп манзалари дарахт кўчатлари ўтқазилди, − дейди ҳашарга бош-қош бўлган «Энергия ва телекоммуникация тармоқлари» филиали бошлиғи, халқ депутатлари Ангрен шаҳар кенгаши депутати Эркин Жўраевич Эргашев.

«Ўзбеккўмир» АЖ корхоналари ҳудудида ҳам ҳашар кўтаринки руҳда ташкил этилди. Хусусан, “Автомобиль-технологик транспорти бошқармаси” филиали ҳудудидаги бўш ер майдонларига унумдор тупроқ солиниб, 50 туп ўрик, 50 туп олма дарахти кўчатлари ўтқазилди.

Наврўз байрамига тайёргарлик кўриш ва уни кўтаринки руҳда ўтказиш юзасидан Жамият ва Бирлашган касаба уюшма қўмитаси томонидан қабул қилинган қўшма қарорга асосан, март-апрел ойларида ободонлаштириш ва кўкаламзорлаштириш тадбирлари изчил давом давом эттирилади. Шунингдек, байрам арафасида ёрдамга муҳтож кексалар, пенсионерлар, ногиронлиги мавжуд фуқаролар, ёлғиз қариялар, боқувчисини йўқотган оилалар ҳолидан хабар олинади, уларга моддий ва маънавий ёрдам кўрсатилади.

“Ўзбеккўмир” АЖ Ахборот хизмати

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru