Республикамизнинг олис тоғли ҳудуди - Фарғона вилоятининг Сўз тумани истеъмолчилари кўмир маҳсулоти билан таъминланмоқда.  Бу ҳақида "Кўмир таъминот" МЧЖ Фарғона вилояти филиали раҳбари С.Умаров қуйилагиларни маълум қилди:

− Сўх тумани аҳолиси ва ижтимоий соҳа объектларига 2021-2022 йиллар куз-қиш мавсуми учун жами 6383 тонна (аҳоли – 4000 тонна, ижтимоий соҳа – 2383 тонна) кўмир етказиш белгиланган.

Сўх кўмир омбори томонидан 2021 йил июнь-декабрь ойларида аҳолига 3501 тонна, ижтимоий соҳа объектларига 2452 тонна қаттиқ ёқилғи етказиб берилди. Жорий йил бошидан 7 февраль ҳолатига аҳоли истеъмолчилари 479 тонна, ижтимоий соҳалари 293.4 тонна қаттиқ ёқилғи билан таъминланди.

Умуман, 2021-2022 йиллар куз-қиш мавсуми учун аҳолига жами - 3980 тонна (99.5%), ижтимоий соҳа объектларига – 2745.4 тонна (115.2 %) етказиб берилди.   

Бугунги кунда кўмирга қўшимча талабгор бўлган ҳудудлар учун кўмир билан таъминлаш чоралари кўрилган.