Наврўз айёмимиз муборак бўлсин!

“Ўзбеккўмир” акциядорлик жамияти Бош директори Алишер Равшанович Одиловнинг Наврўз умумхалқ байрами муносабати билан кўмир саноати ходимларига табриги

Хостинг картинок yapx.ru

Ҳурматли ҳамкасблар!

Айни тароватли кунларда табиат уйғониб, гўзал диёримизга барчамиз орзиқиб, соғиниб кутган Наврўзи олам ташриф буюрмоқда. Халқимиз асрлар давомида катта шоду хуррамлик билан нишонлаб келаётган, Бирлашган Миллатлар Ташкилоти томонидан халқаро байрам сифатида белгиланган Наврўз маънавий ҳаётимизнинг кўрки ва зийнатидир. Бу ажойиб, хосиятли байрам барчамизнинг қалбимизга чексиз қувонч ва завқ бағишлайди.

Барчамизга маълумки, Наврўз − янги кун, янги фасл демакдир. Бугун она табиат бағрида янгиланиш ва яшариш фасли бошланмоқда. Жонажон Ўзбекистонимиз, шу жумладан “Ўзбеккўмир” акциядорлик жамиятининг кўп минг кишилик аҳил жамоаси ҳам ўз тараққиётининг янги даврига қадам қўймоқда. Мана шундай файзли айёмда Сизларни, кўмир саноати барча ходимларини Наврўз байрами билан муборакбод этиб, энг эзгу тилакларимни изҳор қиламан.

Сўнгги йилларда мамлакатимизда кенг кўламли демократик ислоҳотлар, Ватан равнақи, халқимиз фаровонлиги йўлида амалга оширилаётган эзгу ишлар барчамизда келажакка умид, меҳнатга янада рағбат уйғотади. Акциядорлик жамиятимизда ҳам халқ хўжалиги эҳтиёжлари учун кўмир маҳсулоти қазиб олиш ва етказиб бериш ҳажмларини кўпайтириш, сифатини янада яхшилаш борасида муҳим тадбирларни амалга оширишга жиддий киришилган.

Ана шундай улкан ва истиқболли ўзгаришлар остонасида турган жамиятимиз тасарруфидаги корхоналарда кечани кеча, кундузни кундуз демай, фидокорона меҳнат қилиш билан бирга, жамоат ишларидаги фаол иштирок этиб келаётганингиз ҳар қанча таҳсинга сазовордир. Зеро Наврўз ўзининг ўлмас руҳи, умуминсоний ғоялари билан ҳаётимизда чуқур ўрин эгаллаган ва у берган завқ, кўтаринки кайфият сизу бизни эзгу ва олижаноб ишларга тобора руҳлантирмоқда.

Азиз кўмир саноати ходимлари!

Ўлкамизга гўзал Наврўз ташриф буюрмоқда. Фурсатдан фойдаланиб, Сиз азизларни халқимиз қалбидан чуқур жой олган, ороланиб кириб келаётган, бунёдкорликка, эзгуликка ундовчи Баҳор байрами билан яна бир бор қизғин табриклайман. Наврўз ҳар бир хонадонга, бутун эл-юртимизга тинчлик-хотиржамлик, бахту саодат, қут-барака олиб келсин!

Наврўзи олам барчамизга муборак бўлсин!

YaXShILIKNI HAR KIM, HAR KUNI QILMOG‘I DARKOR

Ўлкамизда гўзал Баҳор ҳукм сураётган, Янгиланиш, Яшариш ва Бунёдкорлик фасли − Наврўз арафасида шаҳар ва қишлоқларимизда ободонлаштириш ва кўкаламзорлаштириш тадбирлари билан бирга халқимизнинг меҳр-оқибатлилигини ўзида мужассам этган ёрдамга муҳтож қишиларга байрам йўқловлари ҳам ташкил этилмоқда.

Жорий йилнинг 14-15 март кунлари умумхалқ хайрия ҳашари уюшқоқлик билан кўтаринки руҳда ўтказилган “Ўзбеккўмир” акциядорлик жамиятида айни кунларда ёрдамга муҳтож кексалар, пенсионерлар, ногиронлиги мавжуд фуқаролар, ёлғиз қариялар, боқувчисини йўқотган оилалар Наврўз олдидан йўқланиб, Бирлашган касаба уюшма қўмитаси томонидан моддий ва маънавий ёрдам кўрсатилмоқда.

17-18 март кунлари Жамият корхоналари раҳбар-мутахассислари ва касаба уюшма қўмиталари фаоллари моддий кўмакка муҳтож кўплаб оилаларда бўлиб, уларга меҳр улашдилар.

Меҳр кунда керак, дейди доно халқимиз. Наврўз байрами арафасидаги бундай йўқловлар нуроний ёшдаги кўмир саноати меҳнат фахрийлари ва уларнинг оила аъзолари, шунингдек, эътиборга муҳтож кишиларга байрамона кўтаринки кайфият бағишлади.

“Ўзбеккўмир” АЖ Ахборот хизмати

Хостинг картинок yapx.ru

Хостинг картинок yapx.ru

Хостинг картинок yapx.ru

(Russian) ОБЪЯВЛЯЕТСЯ КОНКУРСНЫЙ ОТБОР

АО «Узбекуголь» объявляет конкурсный отбор предложений на закупку автогрейдера согласно прилагаемому техническому заданию на поставку автогрейдера на условиях СIP, CPT станция Ангрен, Узбекской ж.д., с указанием стоимости поставки единицы техники.

АО «Узбекуголь» практикует оплату путем выставления безотзывного, пополняемого аккредитива.
Предложения направлять на имя Шукурова А.А.

тел. (+998) 71-244-16-26;
e-mail: uzbekcoal@gmail.com;
telegram: (+998) 93 387-07-48

ТЕХНИЧЕСКОЕ ЗАДАНИЕ

Umumxalq hashari: 1000 tup mevali, 1200 tup manzalari daraxt ko‘chatlari o‘tqazildi

Ўзбекистон Республикаси Вазирлар Маҳкамасининг фармойишига асосан, жорий йилнинг 14-15 март кунлари мамлакатимиз бўйлаб ўтказилган “Обод юрт” умумхалқ ободонлаштириш ва кўкаламзорлаштириш хайрия ҳашарида «Ўзбеккўмир» АЖ ходимлари фаол иштирок этдилар.

Ҳашар кунлари Ангрен шаҳридан акциядорлик жамиятига бириктирилган ҳудудларда қатор ободонлаштириш ва кўкаламзорлаштириш тадбирлари уюшқоқлик билан олиб борилди. 14 март куни акциядорлик жамиятидан умумҳисобда 188 ишчи-ходим ҳашарда қатнашди, 4 дона техника жалб этилди. 15 март куни 130 киши ҳашарга чиқди, 5 дона техника сафарбар қилинди.

− Икки кун давомида жамиятимиз бўйича 3500 метрдан ортиқ йўл атрофи ва ариқлар тозаланиб, 1500 тупдан кўпроқ дарахт оқланди, техника ёрдамида 28 тоннадан зиёд чиқинди белгиланган жойга олиб чиқилди. Ҳашар кунлари 1000 туп мевали, 1200 туп манзалари дарахт кўчатлари ўтқазилди, − дейди ҳашарга бош-қош бўлган «Энергия ва телекоммуникация тармоқлари» филиали бошлиғи, халқ депутатлари Ангрен шаҳар кенгаши депутати Эркин Жўраевич Эргашев.

«Ўзбеккўмир» АЖ корхоналари ҳудудида ҳам ҳашар кўтаринки руҳда ташкил этилди. Хусусан, “Автомобиль-технологик транспорти бошқармаси” филиали ҳудудидаги бўш ер майдонларига унумдор тупроқ солиниб, 50 туп ўрик, 50 туп олма дарахти кўчатлари ўтқазилди.

Наврўз байрамига тайёргарлик кўриш ва уни кўтаринки руҳда ўтказиш юзасидан Жамият ва Бирлашган касаба уюшма қўмитаси томонидан қабул қилинган қўшма қарорга асосан, март-апрел ойларида ободонлаштириш ва кўкаламзорлаштириш тадбирлари изчил давом давом эттирилади. Шунингдек, байрам арафасида ёрдамга муҳтож кексалар, пенсионерлар, ногиронлиги мавжуд фуқаролар, ёлғиз қариялар, боқувчисини йўқотган оилалар ҳолидан хабар олинади, уларга моддий ва маънавий ёрдам кўрсатилади.

“Ўзбеккўмир” АЖ Ахборот хизмати

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Tanlov e’lon qilindi

“O’zbekko’mir” OAJ Komatsu GD825A sinflari – 1 dona sotib olish uchun tanlov tanlovini e’lon qiladi va “John Deere” brendi “John Deere 872G” – 1 dona.

Sizdan SIP, Angren, CPT stantsiyasi, O’zbekiston temir yo’llari bo’yicha etkazib berish uchun tijorat takliflarini yuborishingizni so’raymiz. uskunalar birligini etkazib berish narxini ko’rsatgan holda.

“O’zbekko’mir” OAJ to’lovni qaytarib bo’lmaydigan, to’ldirilgan akkreditivni chiqarish orqali amalga oshiradi.

Takliflar A. Shukurovga yuborilishi kerak.
tel. (+998) 71-244-16-26;
elektron pochta: uzbekcoal@gmail.com;
telegram: (+998) 93 387-07-48

Ob’ekt favqulodda vaziyatlarga “cheklangan tayyor!”

“Ўзбеккўмир” АЖ таркибидаги филиалларда “Табиий ва техноген хусусиятли фавқулодда вазиятлар содир бўлганда объект раҳбари ва фуқаро муҳофазаси тузилмаларининг ҳаракатлари” мавзусида махсус тактик ўқув машқи ўтказилди.

Хостинг картинок yapx.ru

Тошкент вилояти хокими − Фуқаро муҳофазаси бошлиғининг 2020 йил 12 январдаги ҳамда Ангрен шаҳар ҳокими ва “Ўзбеккўмир” АЖ Бош директорининг шу асосдаги тегишли буйруқлари ижросини таъминлаш мақсадига қаратилган тадбир уч босқичда ташкил этилди.

1-босқич. Диспетчер хизматига шартли маълумот келиб тушди. Ушбу фавқулодда вазият бўйича барча тегишли раҳбарият ва ишчи ходимларга огоҳлантирувчи хабар етказилди.

2-боскич. Зилзила натижасида портловчи моддалар сақлаш омборининг маъмурий биноси қулаб кетган. Натижада икки нафар ишчи-ходим жабрланганлиги аниқланди. Ёнғин чиққанлиги тўғрисида хабар келиб тушди. Хизматлар алоқа ва хабар бериш гуруҳи томонидан ҳолат бўйича хабардор қилиниб, жабрланганларга биринчи тиббий ёрдам кўрсатилди, 2-алоҳида ҳарбийлаштирилган “Кон-қутқариш взводи” ходимлари томонидан қутқарув иши амалга оширилди. “Ангрен кўмир кони” филиали тез тиббий хизмати бўлими томонидан жабрланганлар Ангрен шаҳар шифохонасига олиб кетилди.

“Ангрен кўмир кони” филиалига қарашли 53-қисм ёнғин қутқарув гуруҳи томонидан содир бўлган ёнғин ўчирилиб, авария-тиклаш гуруҳи томонидан тупроқ-тозалаш ишлари олиб борилди.

3-босқич. Эвакуация гуруҳи ва санитар дружина ҳамда қутқарув гуруҳлари томонидан зилзила пайтида асосий бинодан тузилманинг қимматбаҳо қоғозлари ва ишчи ходимлар хавфсиз жойга юборилиб, махсус тактик ўқув машқи якун ясалди.

− Ўқув машқида 93 нафар ходим (8 нафар дружина груҳи, 7 қутқарув гуруҳи, 8 жамоат тартибини сақлаш гуруҳи, шунингдек, алоқа хабар бериш, ёнғин ўчириш, разведка гурурҳлари ҳамда эвакуация комиссияси ва тиббий хизмат бўлими ва бошқа тегишли гуруҳлар), олтита техника жалб қилинди ва жамоамизда фавқулодда вазиятларга тайёргарлигимиз яна бир бор синовдан ўтказилди, − деди биз билан суҳбатда “Ўзбеккўмир” АЖ махсус бўлим фавқулодда вазиятлар бошлиғи Ўткир Иноятов.

Маълумот учун, махсус тактик ўқув машғулотига сигнал жорий йилнинг 10 март куни эрталаб соат 9:30 да берилди. Саф кўриги соат 10.00 да ўтказилди. Машқлар соат 12.30да якунланди ва тадбирга қўйилган вазифалар бажарилди: объект фавқулодда вазиятларга “чекланган тайёр” деб баҳоланди.

“O‘ZBEKKO‘MIR” AKSIYADORLIK JAMIYATI AKSIYADORLARI DIQQATIGA (Yangilanish haqida 28-fevral)

“O’zbekko’mir” AJ quyidagi manzilda joylashgan: Istiqlol, 100250, Toshkent viloyati, Angren shahri
:Aktsiyadorlar jamiyatining reestrini shakllantirish sanasi:
– aksiyadorlarni xabardor qilish – 2020 yil 28 fevral;
– aksiyadorlarning umumiy yig’ilishida ishtirok etish -23.03.2020.

Kun tartibi:
1. Aksiyadorlarning umumiy yig’ilishi reglamentini tasdiqlash to’g’risida.
2. Vazirlar Mahkamasining 2019 yil 13 noyabrdagi 909-sonli va 2019 yil 14-dekabrdagi 998-sonli qarorlarining ijrosi to’g’risida.
3. «O’zbekko’mir» AJ Kuzatuv kengashining qayta saylanishi

Aksiyadorlar umumiy yig’ilish ma’lumotlari bilan “O’zbekko’mir” AJ ofisida tanishishlari mumkin.
Elektron pochta: info@coal.uz
Veb-sayt: www.uzbekcoal.uz.
Telefon: (+998) 71 150 39 80
Faks: (+998) 71) 150 39 89

Aksiyadorlar va ularning vakillari 2020 yil 27 mart kuni soat 14:00 dan ro’yxatdan o’tkaziladi.

Aksiyadorlardan qonunda belgilangan tartibda ishonchnoma berish taklif qilinadi.

“O’zbekko’mir” AJ Kuzatuv kengashi

“Ўзбеккўмир” АЖ Бош директори Алишер Одиловнинг кўмир саноати корхоналари хотин-қизларига байрам табриги

Ассалому алайкум, муҳтарама опа-сингиллар!

Хостинг картинок yapx.ru

Барчамиз орзиқиб кутган гўзал баҳор кунлари кириб келди, Баҳорий гўзал байрам кунлари сиз, азизлар билан бир аҳил меҳнат жамоасида фаолият юритаётганимдан ғоят мамнунман.

Аввало, Сизни, сизнинг тимсолингизда барча онахонларимиз, опа-сингилларимиз, дилбар қизларимизни ушбу байрам билан чин қалбимдан муборакбод этиб, чуқур ҳурмат ва эҳтиромимни билдиришга ижозат бергайсиз. Сиз мунис ва меҳрибон аёлларимизга энг самимий, энг эзгу тилакларимизни изҳор қилар эканмиз, биринчи навбатда муқаддас ва мўътабар Она сиймосига таъзим қиламиз.

Оила ва жамият устуни, ҳаётимизнинг файзи ва кўрки бўлган хотин-қизларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган ва шундай бўлиб қолади. Чунки сиз билан ҳаётимиз гўзал ва мазмунли, хонадонларимиз обод ва кўркамдир.

Халқаро хотин-қизлар кунини “Ўзбеккўмир” акциядорлик жамияти жамоаси турли касб ва лавозимларда самарали меҳнат қилиб, кўмир саноати ривожига муносиб ҳисса қўшиб келаётган меҳнаткаш аёлларимизга бўлган меҳр-муҳаббатимизни яна бир бор изҳор этиш имконини берадиган айём десак муболаға бўлмайди.

Бугунги кунда Ўзбекистон кўмир саноатини янада ривожлантириш йўлида юртбошимиз томонидан кўрсатилаётган ғамхўрликлар қаторида белгилаб берилган мақсад ва вазифаларга эришишда сиз, азизларнинг беқиёс ҳиссангиз салмоғини эътироф этмай илож йўқ. Бунинг учун сизларга ҳар қанча таҳсин ва тасаннолар айтсак, арзийди.

Айни кунларда акциядорлик жамиятимизда 1 минг 32 нафар хотин-қиз турли вазифа лавозимларда фидокорона меҳнат қилмоқда. Биргина бошқарув аппаратимизнинг ўзида улар салкам тўқсон нафарни ташкил этади. Уларнинг аксарияти масъулиятли лавозимларида, қолаверса, корхонамиз фаолиятининг қайноқ нуқталарида меҳнат қилмоқда.

Жамиятимизда хотин-қизлар учун муносиб меҳнат шароитлари яратиб берилмоқда. Айни пайтда уларнинг касб малакасини ошириш, ўз мутахассисликлари бўйича билимларини юксалтириш учун ғамҳўрликлар кўрсатилмоқда. Келажакда аёл ходимларимиз орасидан ҳам юртимизнинг юксак унвондорлари чиқиши учун биз ҳам ўз ёрдамимизни аямаймиз.

Азиз аёллар, опа-сингиллар!

Кўмир саноати машаққатли меҳнат майдони. Шунга қарамай биз билан бир қаторда туриб меҳнат самарали қилаётганингиз учун Сизга ташаккур!

Барчангизни чинакам баҳорий байрам 8 март – Халқаро хотин-қизлар куни билан яна бир бор табриклайман!

Алишер ОДИЛОВ,
“Ўзбеккўмир” АЖ Бош директори

Hazrati Ayolga ehtirom

“Ўзбеккўмир” акциядорлик жамиятида Халқаро хотин-қизлар куни муносабати билан байрам тадбири ўтказилди.

Хостинг картинок yapx.ru

Жамият корхоналарида бугунги кунда минг нафардан кўпроқ хотин-қиз турли лавозимларда самарали меҳнат қилиб, республикамиз кўмир саноатини ривожланиришдек масъулиятли ишларда муносиб ҳисса қўшиб келмоқда. Халқаро хотин-қизлар куни муносабати билан 5 март куни ўтказилган байрам тадбирида мўътабар онахонлару, мунис опа-сингилларимизнинг бундай фаоллиги алоҳида қайд этилди.

Ангрен шаҳрининг “Замин” тантаналар залида – байрамона тўкин дастурхон атрофида ташкил этилган тадбирда Жамият Бош директорининг биринчи ўринбосари Шерзод Раҳматов, Бирлашган касаба уюшма қўмитаси раиси Абдуносир Қаюмов ва бошқалар сўз олиб, ижро аппарати ва филиаллардан таклиф этилган хотин-қизларни Баҳор айёми билан қизғин табрикладилар.

Жамият корхоналарида самарали фаолияти билан барчага ўрнак кўрсатиб келаётган хотин-қизларга гуллар ва эсдалик совғалари тантанали равишда топширилди.

Халқимизнинг машҳур ва ардоқли санъаткори, хушовоз хонанда Султонпошша Ўдаеванинг иштироки тадбирга ўзгача файз бағишлади. Дилрабо куй ва қўшиқлар, шўх рақслар, дастурхон атрофидаги дилкаш суҳбатлар иштирокчиларга кўтаринки кайфият бағишлади.

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Хостинг картинок yapx.ru

Ayol – ijodkor, ayol – har ishda madadkor

Ҳар қандай давлат ва жамиятнинг маданий даражаси ва маънавий баркамоллиги азал-азалдан аёлларга бўлган муносабат билан белгилаб келинади. “Ўзбеккўмир” акциядорлик жамиятида “Аёлларнинг оиладаги ва жамиятдаги ўрни” мавзусида 2 март куни ўтказилган маънавият соатида ана шу гап алоҳида таъкидланди.

Хостинг картинок yapx.ru

Халқаро хотин-қизлар куни муносабати билан Жамият Бирлашган касаба уюшма қўмитаси ташаббускорлигида “Қурилиш-монтаж ишлари” филиали мажлислар залида ташкил этилган тадбирда Жамият корхоналаридан 300 нафар вакил иштирок этди.

Бирлашган касаба уюшма қўмитаси раиси Абдуносир Қаюмов тадбирни қисқача кириш сўзи билан очиб берар экан, Жамият корхоналарида меҳнат қилаётган хотин-қизларни яқинлашиб келаётган Баҳор, Гўзаллик ва Насофат байрами – 8 март билан қизғин қутлади.

Тадбир меҳмонлари − таниқли сиёсий шарҳловчи, Ўзбекистонда хизмат кўрсатган журналист Қобилбек Каримбековнинг мамлакатимизда рўй бераёган ўзгаришлар, хотин-қизларга кўрсатилаётган эҳтиром ва ғамҳўрликлар хусусидаги суҳбати, Ангрен шаҳар бош инфекционисти Роза Темированинг соғлом турмуш тарзини қарор топтиришга оид фойдали маслаҳатларга тўла маърузаси, Ўзбекистон Мусулмонлар идораси Тошкент вилояти вакили Абдурашид Мирзаҳмедовнинг Аёлнинг оила ва жамиятдаги мавқеи борасидаги маърузаси ҳам катта қизиқиш билан тингланди.

Хостинг картинок yapx.ru

Аёл – ижодкор, аёл – ҳар ишда мададкор. Ҳаётни ҳаётга, авлодни авлодга уловчи аёл. Аёл – оиланинг, жамиятнинг ишончи, таянчидир. Аёлга эҳтиром янглиғ ана шундай кўтаринки руҳда ўтказилган тадбир “Ўзбекконцерт” корхонасининг хушовоз эстрада хонадаси Феруза Абдуллаева иштирокидаги байрам дастури билан якунланди.