“O’zbekko’mir” AJga ishga joylashish uchun ish qidirayotgan jismoniy shaxsning

shaxsiy maʼlumotlarini qayta ishlash va undan foydalanish, shuningdek

“O’zbekko’mir” AJga ishga qabul qilish qoidalari va tartiblari bilan tanishish

huquqini berish boʻyicha

OMMAVIY OFERTA

1.1. Mazkur Oferta O‘zbekiston Respublikasining “Shaxsga doir ma’lumotlar

to‘g‘risida”gi qonuni asosida ishlab chiqilgan bo‘lib, O‘zbekiston Respublikasi

Konstitutsiyasi, Qonunlari, shuningdek “O‘zbekko’mir” AJning ichki hujjatlariga

asoslanadi

1.2. “O’zbekko’mir” AJga ishga qabul qilish va boshqa lavozimga o’tkazish

to’g’risidagi Nizomi O‘zbekiston Respublikasi Mehnat to‘g‘risidagi qonun hujjatlariga

hamda “O‘zbekko‘mir” AJ (keyingi o‘rinlarda Jamiyat deb yuritiladi) ichki

hujjatlariga muvofiq “O‘zbekko‘mir” aksiyadorlik jamiyatining ijro apparati, tarkibiy

bo‘linmalari va “Ko’mirta’minot” MChJga ishga qabul qilish, Jamiyat ishchi-

xodimlarini lavozimdan lavozimga (boshqa ishga) o’tkazish va rotatsiya qilish tartibini

belgilaydi.

1.3. Jamiyatga ishga qabul qilish, lavozimdan lavozimga (boshqa ishga) o’tkazish va

rotatsiya qilish ““O‘zbekko‘mir” AJga ishga qabul qilish va boshqa lavozimga

o’tkazish bo‘yicha doimiy komissiya tarkibi” tomonidan shaffoflik, xolislik va

oshkoralik asosida amalga oshiriladi.

1.4. ““O‘zbekko‘mir” AJga ishga qabul qilish va boshqa lavozimga o’tkazish

bo‘yicha doimiy komissiya tarkibi” tarkibi ushbu Nizomning 1-ilovasi asosida

belgilanadi.

1.5. Jamiyatga ishga qabul qilish, bo'sh ish o'rinlari va kadrlarga bo'lgan ehtiyoj

mavjud bo'lganda amalga oshiriladi.

1.6. Bosh direktor va bosh direktor o‘rinbosarlari lavozimlariga ishga qabul qilish

tegishli qonun hujjatlari bilan tasdiqlangan tartibda, Jamiyat Ustavi asosida amalga

oshiriladi.

1.7. Ishga qabul qilish 50 balllik tizimda tanlov asosida uch bosqichda amalga

oshiriladi. Minimal o'tish balli - 35 ball.

Birinchi bosqich: hujjatlarning muvofiqligi

Ikkinchi bosqich: nazariy bilimlarni test orqali tekshirish. 0-25 ball

- asosiy kasb bo’yicha berilgan 10 ta savoldan har bir to’g’ri javob uchun 2

balldan, 5 ta umumiy savollar bo’yicha esa 1 balldan baholanadi;

- o'tish balli mos ravishda 18 ball.

Uchinchi bosqich: suhbat 0-25 ball.

1.8. ABKM yo’llanmasi bilan ishga qabul qilish ikki bosqichda amalga oshiriladi.

Birinchi bosqich: hujjatlarning muvofiqligi

Ikkinchi bosqich: suhbat

1.9. 7-ilovada va 10-ilovada ko‘rsatilgan kasb va lavozimlar bo‘yicha ishga qabul

qilish 20 ballli tizimda ikki bosqichda amalga oshiriladi. Minimal o'tish balli - 15 ball.

Birinchi bosqich: hujjatlarning muvofiqligi

Ikkinchi bosqich: suhbat 0-20 ball.

1.10. Idoraviy qo‘riqlash bo‘limiga ishga qabul qilish ushbu Nizomning 4-bo’limi -

“O‘zbekko’mir” aksiyadorlik jamiyatining idoraviy qo‘riqlash xizmatiga ishga qabul

qilish tartibi” asosida 70 balllik tizimda tanlov asosida to‘rt bosqichda amalga

oshiriladi. Minimal o'tish balli - 55 ball.

Birinchi bosqich: hujjatlarga talablar

Ikkinchi bosqich: jismoniy tayyorgarlik 0-15 ball

- minimal o'tish balli - 10 ball

Uchinchi bosqich: nazariy bilimlarni test orqali tekshirish. 0-25 ball

- asosiy kasb bo’yicha berilgan 10 ta savoldan har bir to’g’ri javob uchun 2

balldan, 5 ta umumiy savollar bo’yicha esa 1 balldan baholanadi;;

- o'tish balli mos ravishda 18 ball

To'rtinchi bosqich: suhbat 0-30 ball.

1.11. Jamiyatga ishga qabul jarayonida nazariy bilimi tekshirilib, Nizomda

belgilangan o’tish ballidan 1 ball kam ball olgan nomzodlarni, suhbatga jalb qilgan

holda kasb bo’yicha qo’shimcha nazariy bilimini tekshirish uchun og’zaki savol

beriladi va to’laqonli javob olgan taqdirda ishga qabul qilish masalasi komissiya

tomonidan ko’rib chiqiladi. Kuchli ishlab chiqarish zaruriyati bo’lgan hamda kamchil

(defitsit) kasblarga nomzodlarni ko’rib chiqish jarayonida ham komissiya o’tish

balidan bir necha ball kam yiqqan biroq ma’lum bir ish staji va ko’nikmalarga ega

nomzodlarni ish jarayonida malakasini oshirish yoki ustoz biriktirish sharti bilan ishga

sinov muddatini o’rnatgan holda qabul qilish haqida qaror qabul qilishi mumkin.

1.12. Atamalar:

 Murojaatchi - korxonaning bo'sh ish o’rniga (vakant) nomzod bo'lishni

xohlovchi jismoniy shaxs;

 Nomzod - korxonaning bo'sh ish o’rniga (vakant) talablariga javob beradigan,

ishga joylashish uchun ariza beruvchi jismoniy shaxs;

 Murojaatchining hujjatlarini o'rganish, qayta ishlash va saralash bo'yicha

mutaxassis (keyingi o'rinlarda mutaxassis deb yuritiladi) – jamiyatning PB

va KTB xodimi yoki ushbu ishni bajarish uchun tayinlangan jamiyatning boshqa

xodimi;

 Vakansiya – korxonada mavjud bo'sh ish o’rni (joyi);

 Qabul komissiyasining kotibi (keyingi o'rinlarda kotib deb yuritiladi) -

tanlov komissiyasining tashkilotchisi, tanlov komissiyasining barcha hujjatlarini

yuritish va saqlash uchun mas'ul shaxs;

 Ishga joylashish uchun Yo’llanma (keyingi oʻrinlarda yoʻllanma) - “Aholi

bandligi toʻgʻrisida”gi Oʻzbekiston Respublikasi Qonuni asosida ijtimoiy

himoyaga muhtoj va ish topishda qiynalayotgan, mehnat faoliyatini amalga

oshirishga qodir boʻlmagan va mehnat bozorida teng sharoitlarda raqobatlasha

olmaydigan shaxslarga beriladigan maxsus shakldir. Yoʻllanmalar Angren

shahar Bandlikka koʻmaklashish markazi tomonidan beriladi;

 Angren shahar Bandlikka koʻmaklashish markazi – keyingi oʻrinlarda

ABKM

 Aholining ijtimoiy himoyaga muhtoj toifalari - ish topishda qiynalayotgan,

mehnat bozorida teng sharoitlarda raqobatlasha olmaydigan ijtimoiy himoyaga

muhtoj shaxslar;

 Ishchi guruh — hujjatlarning bo‘sh turgan (vakant) kasbga oid talablarga

muvofiqligini tekshirish bo‘yicha ishlarni bajarish, shuningdek, murojaatchilar

hujjatlarini qabul qilish, saralash, saqlash va dastlabki ishlov berish uchun

mas’ul bo‘lgan Jamiyat xodimlaridan iborat guruh;

 ““O‘zbekko‘mir” AJga ishga qabul qilish va boshqa lavozimga o’tkazish

bo‘yicha doimiy komissiya” (keyingi o‘rinlarda Qabul komissiyasi deb

yuritiladi) – Jamiyatga ishga qabul qilish va boshqa lavozimga o’tkazish uchun

nomzodni ko‘rib chiqish uchun Jamiyatning bosh mutaxassislaridan iborat

maxsus tuzilgan komissiya hisoblanadi;

 Nomzod Anketasi (keyingi o'rinlarda Anketa deb yuritiladi) - nomzodning

shaxsiy ma'lumotlarini va ishga joylashishni ko'rib chiqish uchun baholarni aks

ettiruvchi maxsus shakl (2-ilova);

 ABKM yo’llanmasi bo’yicha nomzod Anketasi (keyingi o'rinlarda ABKM

nomzodi Anketasi deb yuritiladi) – ABKM yo’llanmasi bo’yicha nomzodning

shaxsiy ma'lumotlarini va ishga joylashishni ko'rib chiqish uchun baholarni aks

ettiruvchi maxsus shakl (3-ilova);

 Rotatsiya – ishlab turgan xodimni ikkinchi ishlab turgan xodim bilan ish

o’rnini, lavozimini almashtirish yoki o’zgartirish.

1.13. Hujjatlarni qabul qilish bo'yicha ishchi guruh tarkibiga Jamiyatning quyidagi

xodimlari kiradi:

- ishchi guruh rahbari – PB va KTB boshlig’i;

- ishchi guruh rahbari o’rinbosari – PB va KTB boshlig’i o’rinbosari;

- ishchi guruh tarkibi – PB va KTB xodimlari; Jamiyat filiallari, tarkibiy bo‘linmalari

kadrlar bo‘limi boshliqlari yoki tajribali xodimlari va O‘quv markazining xodimlari.

2. HUJJATLARNI QABUL QILISH, O‘RGANISH VA SARALASH

TARTIBI.

2.1. Ehtiyojlarni aniqlab, bo'sh ish o'rinlarini to'plagandan so'ng, PB va KTB

boshlig'i Jamiyat Bosh direktori bilan kelishilgan holda nomzodlarni ishga qabul qilish

Komissiyasini o’tkazish sanasi, vaqti, joyi va tanlov uchun e'lon qilingan kasblar

ro'yxatini hamda ularga qo’yilgan talablarni belgilaydi.

2.2. Nomzodlarga qo'yiladigan talablar Jamiyatning kasbi bo'yicha Xizmatchilarning

asosiy lavozimlari va ishchi kasblari klassifikatori - 2020 (XALIKK-2020) asosida

belgilanadi, shuningdek korxona va kasbning o'ziga xos xususiyatlaridan kelib chiqadi.

2.3. Murojaatchilardan arizalarni qabul qilish boshlanishidan besh ish kuni oldin, PB

va KTB Jamiyatning rasmiy veb-sayti va rasmiy ijtimoiy tarmoqlarida ishga qabul

qilish komissiyasi kasblar ro'yxati va nomzodlarga qo'yiladigan talablarni ko'rsatgan

holda ishga qabul qilish uchun arizalarni qabul qilish boshlanganligi to'g'risida e'lon

qiladi.

2.4. Murojaatchilarning arizalari faqat “O‘zbekko‘mir” AJning rasmiy

www.uzbekcoal.uz sayti orqali “pdf” yoki “jpeg” formatida anketani majburiy

to‘ldirgan va kerakli hujjatlar ilova qilingan holda qabul qilinadi.

2.5. Murojaatchilarning arizalari besh ish kuni ichida qabul qilinadi. Zarur hollarda,

muddat uzaytirilishi mumkin.

2.6. Jamiyatning amaldagi xodimlari boshqa ishga o’tish bo’yicha korhona rasmiy

saytiga yuborilgan murojaatlari ishchi guruh tomonidan uch ish kunidan kechiktirmay

ko’rib chiqilishi lozim. Murojaatchi sayt orqali anketa to’ldirish vaqtida, boshqa ishga

o’tish bo’yicha izoh qoldirishi va qo’shimcha ravishda tavsiya xatini biriktirishi lozim.

2.7. Qabul qilingan arizalar kelib tushgan kundan boshlab o‘n ish kuni ichida ko‘rib

chiqiladi. Murojaatlar mutaxassislar tomonidan o'rganiladi va qayta ishlanadi.

2.8. Mutaxassislar murojaatchining rezyumesini, ma'lumoti, tajribasi, malakasiga

qo'yiladigan talablarga muvofiqligi, shuningdek, to'ldirilgan anketa va unga ilova

qilingan hujjatlarning ishonchliligini diqqat bilan o'rganadilar.

2.9. Agar arizada va murojaatchining hujjatlarida nomuvofiqliklar yoki boshqa

qoidabuzarliklar aniqlansa, murojaatchining anketasida ko‘rsatilgan mobil telefon

raqamiga SMS-xabar ko‘rinishida rad etish sabablari ko’rsatilgan xabar yuboriladi.

2.10. Murojaatchining talablarga javob berishini tekshirgan va bunga amin bo’lgan

mutaxassis, ishchi guruh rahbari tomonidan ko'rib chiqish uchun hujjatlar to'plamini

va murojaatchining anketasini shakllantiradi.

2.11. Ishchi guruh rahbari tomonidan hujjatlar to‘plami va murojaatchining anketasi

ma’qullangandan (ruxsat berilgandan) so‘ng mutaxassis murojaatchining anketasida

ko‘rsatilgan mobil telefon raqamiga arizani tartib raqamini (ID), tanlov

komissiyasining sanasi, vaqti va joyini ko'rsatgan holda, Jamiyatga ishga joylashish

uchun nomzod sifatida qabul qilish to‘g‘risidagi SMS-xabar shaklida yuboradi.

Nomzodning anketasiga “Ruxsat berildi” muhri qo‘yiladi.

3. ANGREN SHAHAR “ABKM” TOMONIDAN BERILGAN “ISHGA

JOYLASHISH YO’LLANMASI”GA EGA BO’LGAN

MUROJAATCHILARNI ISHGA QABUL QILISH TARTIBI.

3.1. ABKM yo’llanmasiga ega bo’lgan murojaatchilarni ishga qabul qilish tartibi,

O‘zbekiston Respublikasi Mehnat kodeksining tegishli moddalari, O‘zbekiston

Respublikasining 2020 yil 20 oktyabrdagi “Aholini bandligi to‘g‘risida”gi O‘RQ-642-

son Qonuni va “O‘zbekko‘mir” AJga ishga qabul qilish va boshqa lavozimga o’tkazish

to‘g‘risidagi NIZOMIga asosan amalga oshiriladi.

3.2. ABKM yo’llanmasi bo'yicha murojaatchilardan arizalar, aholining ijtimoiy

himoyaga muhtoj toifalari uchun, toifalar bo'yicha zahiradagi ish o'rinlari rejasi

asosida qabul qilinadi.

3.3. ABKM yo’llanmasi bo'yicha murojaatchilarning arizalari faqat “O‘zbekko‘mir”

AJning rasmiy www.uzbekcoal.uz saytidagi “ABKM YO’LLANMASI BILAN

ARIZA TOPSHIRISH” bo’limi orqali “pdf” yoki “jpeg” formatida anketani majburiy

to‘ldirgan va kerakli hujjatlar ilova qilingan holda qabul qilinadi.

3.4. ABKM yo‘llanmasi bo‘yicha murojaatchilardan arizalar, Aholining ijtimoiy

himoyaga muhtoj toifalari uchun, toifalar bo‘yicha zaxiralangan ish o‘rinlari rejasi

to‘liq bajarilgunga qadar qabul qilinadi.

3.5. Qabul qilingan arizalar kelib tushgan kundan boshlab uch ish kuni ichida ko‘rib

chiqiladi.

3.6. ABKM yo‘llanmasi berilgan ish qidirayotgan shahslarni ishga joylashtirishga

doir yo’llanma bilan murojaat qilgan fuqarolarni ishga qabul qilish masalasi yo’llanma

bilan hujjatlar taqdim etilgan kundan e’tiboran, besh ish kunidan kechiktirmay ko’rib

chiqilib o’rnatilgan tartibda xabar berishi va yo’llanmani rasmiylashtirishi shart.

3.7. Mutaxassislar tomonidan ABKM yo’llanmasi zaxiralangan ish o’rniga

muvofiqligini, murojaatchining rezyumelari, ma'lumoti, tajribasi, malaka talablariga

muvofiqligi, shuningdek to'ldirilgan anketa va unga ilova qilingan hujjatlarning

ishonchliligini diqqat bilan o'rganiladi.

3.8. Agar arizada va murojaatchining hujjatlarida nomuvofiqliklar yoki boshqa

qoidabuzarliklar aniqlansa, murojaatchining anketasida ko‘rsatilgan mobil telefon

raqamiga SMS-xabar ko‘rinishida rad etish sabablari ko’rsatilgan xabar yuboriladi.

3.9. Murojaatchining talablarga javob berishini tekshirgan va bunga amin bo’lgan

mutaxassis, ishchi guruh rahbari tomonidan ko'rib chiqish uchun hujjatlar to'plamini

va murojaatchining anketasini shakllantiradi.

3.10. Ishchi guruh rahbari tomonidan hujjatlar to‘plami va murojaatchining anketasi

ma’qullangandan (ruxsat berilgandan) so‘ng mutaxassis murojaatchining anketasida

ko‘rsatilgan mobil telefon raqamiga arizani tartib raqamini, tanlov komissiyasining

sanasi, vaqti va joyini ko'rsatgan holda, Jamiyatga ishga joylashish uchun nomzod

sifatida qabul qilish to‘g‘risidagi SMS-xabar shaklida yuboradi. Nomzodning

anketasiga “Ruxsat berildi” muhri qo‘yiladi.

3.11. Murojaatlarni qabul qilish tugagandan so‘ng ishchi guruh ro‘yxat, hujjatlar

to‘plami hamda elektron va qog‘oz shaklda nomzodlarning anketasini shakllantiradi.

Nomzodlarning barcha hujjatlari qabul komissiyasi kotibiga topshiriladi.

3.12. ABKM yo’llanmasiga ega bo’lgan nomzodlarga tanlovning ikkinchi ya’ni

“nazariy bilimlarni test orqali tekshirish” bosqichi qo’llanilmaydi.

3.13. Qabul komissiyasi nomzodlar bilan ushbu hujjatning 7.3 va 7.4 bandlariga

asosan “Suhbat” o’tkazadi.

3.14. Suhbat natijalari “ABKM nomzodi Anketasi”da aks ettiriladi.

3.15. Komissiya qarori qabul komissiyasining bayonnomasida aks ettiriladi va

rasmiylashtiriladi.

4. “O”ZBEKKO’MIR” AJ QO’RIQLASH XIZMATIGA ISHGA QABUL

QILISH TARTIBI

4.1. Mazkur tartib “O‘zbekko’mir” AJning qo‘riqlash xizmatiga ishga qabul qilish

tartibini belgilaydi.

4.2. Qo‘riqlash xizmatiga ishga qabul qilish 70 balllik tizimda tanlov asosida to‘rt

bosqichda amalga oshiriladi. Minimal o'tish balli - 55 ball.

4.3. Quyidagi shaxslarning qo’riqlash xizmatiga ishga qabul qilinishiga ruxsat berilmaydi:

- doimiy yashash joyi bo'lmasa;

- o'ziga nisbatan jinoyat ishi qo'zg'atilgan, muqaddam sudlangan (sudlanganligi rasman

olib tashlangan shaxslar bundan mustasno);

- jinoiy jazoni o'tayotgan;

- mulkka tajovuz qiluvchi huquqbuzarliklar uchun, shuningdek bir yil davomida takroran

jamoat tartibiga tajovuz qiluvchi huquqbuzarliklar uchun ma'muriy javobgarlikka

tortilgan;

- ruhiy kasalliklar, giyohvandlik va alkogolizm bilan kasallangan holda dispanser hisobida

turgan, shuningdek, sog‘lig‘ining holati to‘g‘risida Sog‘liqni saqlash vazirligining tibbiyot

muassasasi tomonidan berilgan tegishli tibbiy ma’lumotnomani taqdim etmaganlar;

- sud tomonidan layoqatsiz yoki qisman layoqatsiz deb topilgan;

- umumiy o'rta ma'lumotga ega bo'lmagan

4.4. Qo’riqlash xizmatiga ishga qabul qilish tartibi, ushbu NIZOMI asoslanadi.

4.5. Birinchi bosqich: hujjatlarga talablar. NIZOMning “Hujjatlarni qabul qilish,

o‘rganish va saralash tartibi” 2-bo’limi asosida amalga oshiriladi.

4.6. Murojaatchining hujjatlari muvaffaqiyatli ko'rib chiqilgandan so'ng, mutaxassis sayt

orqali ikkinchi bosqichning sanasi, vaqti va joyi haqida SMS-xabarlarni yuboradi.

4.7. Ishchi guruh mutaxassisi “Qo‘riqlash xizmatiga nomzodlar anketalari”ni “Angren

ko’mir koni” filiali qo‘riqlash bo‘limi boshlig‘iga taqdim etadi.

4.8. Ikkinchi bosqich: jismoniy tayyorgarlik 0-15 ball. Minimal o’tish balli – 10 ball.

O’zbekiston Respublikasi Prezidentining 2021 yil 16 iyundgi PQ-5148-son qaroriga

asosan ishlab chiqilgan yosh toifalari bo’yicha “Jismoniy tayorgarlik darajasi” sport

sinovlarining turlari va me’zonlariga muvofiq amalga oshiriladi.

4.8.1. Nomzodlarning jismoniy tayyorgarligini tekshirish bosqichi maxsus sport

inshootlarida (stadionlar, maydonlar, majmualar yoki zallar) tegishli xavfsizlik

choralari va Jamiyatning tibbiy xodimi majburiy ishtirokida o'tkazilishi kerak.

4.8.2. Minimal o‘tish balliga ega bo‘lgan nomzod uchinchi bosqichga o‘tadi.

4.9. Uchinchi bosqich Nizomning “Nazariy bilimlarni test orqali tekshirish” 5-bo’limiga

asosan amalga oshiriladi.

4.10. Uchinchi bosqich Nizomning “Suhbat” 7-bo’limiga asosan amalga oshiriladi.

4.11. Ishga qabul qilish bo'yicha keyingi harakatlar Nizomning "Bayonnamalar va

boshqa hujjatlarni rasmiylashtirish" 8-bo'limiga muvofiq amalga oshiriladi.

5. NAZARIY BILIMLARNI TEST ORQALI TEKSHIRISH

5.1. Qabul komissiyasiga kirishda tartib-qoidalarga rioya qilish va nomzodlarning

hujjatlarini tekshirish uchun ishchi guruh mutaxassislari jalb etiladi.

5.2. Ishga joylashish uchun saralash bosqichlarida ishtirok etish uchun kelgan nomzodlar

ishchi guruh mutaxassislariga shaxsini tasdiqlovchi hujjatni, nomzodning anketasiga

ilova qilingan barcha hujjatlarning asl nusxasini hamda Jamiyatning rasmiy veb-

saytidan olingan tasdiqlovni taqdim etishlari shart.

5.3. Qabul komissiyasiga oʻz vaqtida (boshlanishdan 30 daqiqa oldin) kelmagan

nomzodlar koʻrib chiqilmaydi.

5.4. Nomzodlarga ishchi guruh va Qabul komissiyasi hududi yoki idorasiga, xonasiga

quyidagi narsalarni olib kirishi taqiqlanadi:

- o'tkir kesuvchi buyumlar, o'qotar qurollar, portlovchi moddalar, kimyoviy moddalar

va kelib chiqishi shubhali narsalar;

- mobil telefonlar, smartfonlar, planshetlar, kompyuterlar, noutbuklar va boshqa aloqa

vositalari.

- ishchi guruhga taqdim etilgan hujjatlardan tashqari kitoblar, varaqalar, daftarlar.

Nomzod ishchi guruhi va Qabul komissiyasi hududiga yoki xonasiga kirishidan oldin,

taqiqlovchi narsalarning mavjudligi xavfsizligini tekshiradi. Agar kirishda nomzodda

taqiqlangan narsalar topilsa, taqiqlangan narsalar qo'riqchilarda vaqtincha saqlash

uchun qoldiriladi.

5.5. Agar nomzodda taqiqlovchi narsalar bo'lsa yoki aniqlansa, nomzodni ko'rib

chiqishning istalgan bosqichida ishga qabul qilish jarayoni darhol to'xtatiladi.

5.6. Nomzodning nazariy bilimlarini tekshirish Qabul komissiyasi tomonidan amalga

oshiriladi va qabul qilinadi.

5.7. Nomzodning nazariy bilimlarini tekshirish kasb bo‘yicha tasdiqlangan so‘rovnoma

asosida oldindan tayyorlangan variantlar bo‘yicha test sinovlari o‘tkazish yo‘li bilan

amalga oshiriladi.

5.8. Kasblar bo'yicha test variantlari PB va KTB tomonidan, tanlov komissiyasining

sanasidan bir kun oldin tayyorlanadi. Bitta variantda, asosiy kasb bo'yicha 10 ta,

umumiy savollar 5 ta, jami 15 ta savol bo'lishi kerak. Vakolatli shaxslar ishtirokida

variantlar konvertlarga muhrlanadi.

5.9. Test variantlarining to’g’ri javob kaliti alohida konvertga muhrlanadi.

5.10. Qabul komissiyasining kotibi nomzodlarni ishchi guruh tomonidan taqdim

etilgan ro‘yxatga muvofiq xonada joylashtiradi.

5.11. Qabul komissiyasi va ishchi guruhining barcha kabinetlari ovoz yozishga ega

videokuzatuv kameralari bilan jihozlanishi shart.

5.12. Qabul komissiyasi faoliyatining barcha video yozuvlari alohida diskga

chiqariladi va bir yil davomida saqlanadi.

5.13. Qabul komissiyasining kotibi Qabul komissiyasi raisi, shuningdek, Qabul

komissiyasi a’zolari ishtirokida variantlar solingan muxrlangan konvertni ochadi.

5.14. Nomzodga testlarni yechish uchun 20 daqiqa vaqt beriladi.

5.15. Vaqt tugagandan so'ng, kotib nomzodlardan barcha blankalarni to'playdi va

Qabul komissiyasi ishtirokida to'g'ri javoblar kaliti bilan ko’rsatilgan muxrlangan

konvertni ochadi. Qabul komissiyasi test javoblarini tekshiradi.

5.16. O‘tish ballini to‘plagan nomzod keyingi bosqichga o‘tadi. Nomzodning

Anketasiga “Ijozat berildi” muhri qo‘yiladi.

5.17. O‘tish ballini to‘play olmagan nomzod keyingi bosqichga o‘tmaydi.

Nomzodning Anketasiga “Ijozat berilmadi” muhri qo‘yiladi.

5.18. Test javoblari bilan variantlar bir-biriga tikiladi va nomzodning shaxsiy faylida

saqlanadi. Nomzodning shaxsiy fayli bir oy davomida saqlanadi.

5.19. Nomzodning nazariy bilimini tekshirishning barcha natijalari nomzodning

Anketasida va Qabul komissiyasining bayonnomasida aks ettiriladi.

6. JAMIYAT ISHCHI-XODIMLARINI LAVOZIMDAN LAVOZIMGA

O’TKAZISH VA ROTATSIYA QILISH TARTIBI

6.1. Bo’sh ish o’rinlarga, Jamiyat ishchi-xodimlarini lavozimdan lavozimga (boshqa

ishga) o’tkazish bo’yicha arizalar faqat “O‘zbekko‘mir” AJning rasmiy

www.uzbekcoal.uz sayti orqali to'liq to'ldirib topshirilgan holda ushbu Nizomda

ko’rsatilgan ishga qabul qilish tartibi asosida amalga oshiriladi.

6.2. Bo’sh ish o’riniga nomzodlarni ko’rib chiqishda, birinchi navbatda vakansiyasi

mavjud korxona (filial) xodimlari, keyingi navbatda Jamiyatning boshqa korxonalarida

(filallarida) faoliyat yurituvchi xodimlar, ya’ni Jamiyatning ichki kadrlar rezervi

boshqa nomzodlarga nisbatan imtiyozga ega hisoblanadi.

6.3. Korxona (filial) rahbari yoki Jamiyat PB va KTB tomonidan tavsiyanoma berilgan

nomzod, boshqa nomzodlarga nisbatan yuqori imtiyozga ega hisoblanadi. Ushbu

nomzodlar ID (tartib) raqami va navbatiga qaramasdan birinchi ko’rib chiqiladi.

Tavsiyanomada, ushbu lavozim shartlari va aynan shu nomzodning mutanosibligi

sabablari, amalda intizomiy jazosi yo'qligi, ishlab chiqarish zaruriyati kelib chiqishi

yoki boshqa sabablari bo’lsa ko’rsatilishi lozim.

6.4. Xodimlarni rotatsiya qilish uchun Jamiyat bosh direktori nomiga, korxona (filial)

rahbari yoki Jamiyatning PB va KTB tomonidan rotatsiya qilish sabablari aniq

ko’rsatilgan va asoslangan bildirgi beriladi. Bildirgida nomzodlarning roziligi

tog’risida imzo bo’lishi shart.

6.5. Rotatsiyaga kiritilgan nomzodlarga, ushbu Nizomning faqatgina “SUHBAT” bo’limi

qo’llaniladi va natijaga ko'ra qaror qabul qilinadi.

6.6. Quyidagi alohida hollarda ishchi-hodimlar bir filialning o’zida bir ishdan boshqa

doimiy ishga filial boshlig’ining Jamiyat bosh direktori nomiga rejim va kadrlar

bo’yicha bosh direktor o’rinbosari, PB va KTB hamda MvaIX bo’limi boshlig’i bilan

kelishgan holda yozma murojaati bilan ishga qabul komissiyasining suhbati asosida

qabul qilgan qarori bilan o’rnatilgan tartibda o’tkazilishi mumkin:

- lavozim o’zgarmagan holda uchastka o’zgarishi;

- egallab turgan lavozimiga sog’lig’i tufayli noloyiq bo’lib qolishi (shifokor hulosasi

bilan);

- taraflarning ihtiyoriga bog’liq bo’lmagan holatlar (vakolatli davlat organlarining

yozma ko’rsatmasi);

- korhonada o’rnatilgan ichki tartib-qoidani buzgan ishchi-hodimlarga ta’sir chorasi

ko’rish sifatida, o’rnatilgan tartibda, egallab turgan lavozimidan javobgarlik va

vakolati pastroq lavozimga o’tkazish;

- ishchi-hodimlarning o’z hohishiga ko’ra egallab turgan lavozimidan shu

yo’nalishdagi pastroq lavozimga doimiy ravishda o’tkazish;

- Ish beruvchining tashabbusiga ko’ra mehnat shartnomasi bekor qilish jarayonida

ishchi-hodimlarga amaldagi mehnat to’g’risidagi qonunlarga asosan korhonada

mavjud uning mutaxassisligi va malakasiga mos bo’sh ish o’rinlarini (mos ish o’rni

bo’lmasa birmuncha kam malaka talab etiladigan boshqa vakansiyalarni ) taklif

qilish majburiyati yuzaga kelganda;

- Jamiyatning xodimlarni tayyorlash, qayta tayyorlash va malakasini oshirish

bo’yicha O’quv Markazida filiallarning tashabbusiga ko’ra tayyorlash, qayta

tayyorlash va malaka oshirish amaliyotlaridan ohirgi 3 oy davomida o’tgan ishchi-

xodimlar.

6.7. Yangi ishga qabul qilingan ishchi-hodimlar Jamiyat tarkibida 1 yil (muhim

ishlab-chiqarish zaruriyati yuzaga kelganda - 3 oy) namunali ish faoliyati (ichki

mehnat qoidalariga to’liq amal qilgan va intizomiy jazoga tortilmagan) o’tagandan

keyingina boshqa ishga bevosita rahbarining yoki filial rahbarining yozma tavsiyasi

asosida o’tkazilish masalasi o’rnatilgan tartibda ko’rib chiqiladi.

7. SUHBAT

7.1. “Nazariy bilimlarini test orqali tekshirish” bosqichidan o‘tgan nomzodlar keyingi

“Suhbat” bosqichiga o‘tadilar.

7.2. Suhbat Qabul komissiyasi tomonidan o'tkaziladi.

7.3. Suhbat “O‘zbekko’mir” AJ va uning tarkibiy bo‘linmalariga ishga kirayotgan

nomzodlarni tekshirish bo‘yicha yo‘riqnoma (25.10.2021 yildagi 475-son

buyrug‘ining 7-ilovasi) (keyingi o‘rinlarda Yo‘riqnoma) asosida o‘tkaziladi.

7.4. Nomzodlar uchun tavsiya etilgan savollar:

- Qanday qilib va nima uchun “O‘zbekko’mir” AJga ishga kirishga qaror qildingiz?

- Keyingi 5 yil ichida o'zingizni qayerda ko'rasiz?

- Sizda oldindan bizga xabar berishingiz kerak bo'lgan holatlaringiz bormi

(sog'lig'ingiz, oilaviy sharoitingiz, boshqa joyga ko'chishingiz mumkin)?

- Agar maoshingiz sizni qoniqtirsa, nima uchun ishdan bo'shashingiz mumkin?

- Siz sud tomonidan korxona, muassasa yoki tashkilotlarda muayyan lavozimlarni

egallash yoki muayyan faoliyat bilan shug'ullanish huquqidan mahrum qilinganmisiz?

7.5. 1-ilovada va 2-ilovada ko‘rsatilgan kasb va lavozimlar uchun nomzodlar bilan suhbat

jarayonida kasb yoki lavozim bo’yicha 5 ta asosiy savollar berilishi mumkin.

7.6. Komplaens xizmati va/yoki ishchi guruh mutaxassislari tomonidan Yo‘riqnomaning

1 va 2-ilovalari to’ldiriladi va nomzodning shaxsiy ishiga kiritish uchun tanlov

komissiyasi kotibiga taqdim etiladi.

7.7. Suhbat natijalari va umumiy fikrga ko'ra Qabul komissiyasi nomzodga ball qo'yadi.

Suhbatning yakuniy balli komissiya raisi tomonidan e’lon qilinadi.

8. BAYONNAMALAR VA BOSHQA HUJJATLARNI RASMIYLASHTIRISH.

8.1. Qabul komissiyasining kotibi nomzodga qo‘yilgan baholarga asosan Qabul

komissiyasining bayonnomasini tuzadi.

8.2. Qabul komissiyasining barcha imzolari tanlov komissiyasi o'tkaziladigan joyda

yig'iladi.

8.3. Qabul komissiyasining bayonnomasi “O‘zbekko’mir” AJ Bosh direktori tomonidan

tasdiqlanadi va Jamiyat muhri bilan mustahkamlanadi.

8.4. Taklif etilayotgan ishni o'z xohishiga ko'ra rad etgan taqdirda, nomzod komissiya

kunida rad etish sababini ko'rsatuvchi tilxat taqdim etishi shart.

8.5. Qabul komissiyasining qaroriga ko’ra “RUXSAT ETILGAN” nomzod,

“O‘zbekko’mir” AJ bosh direktorining 2021 yil 25 oktabrdagi 475-son buyrug‘ining 3-

ilovasi 4-bob 2-paragrafida belgilangan tartibda, “manfaatlar to’qnashuvi deklaratsiyasini”

to’ldirishi shart.

8.6. Nazariy bilimlarini tekshirish, jismoniy tayyorgarligi yoki suhbatdan o‘tish uchun

saralash bosqichlaridan o‘tmagan nomzodlar, to‘liq qayta tayyorlash va Jamiyat

resurslaridan oqilona foydalanish zarurati tufayli tashqi nomzodlar – 3 oy davomida,

ishchi-hodimlar lavozimdan lavozimga o’tkazish – 1 oy muddatdan oldin qayta ko‘rib

chiqilishi mumkin emas.

8.7. Qabul komissiyasining ijobiy xulosasi bilan ishga qabul qilishga ruxsat etilgan

nomzod, “O‘zbekko’mir” AJ bosh direktorining 2021 yil 25 oktabrdagi 475-son

buyrug‘ining 7-ilovasi - ““O‘zbekko’mir” AJ tashkilotlari, ularning hududiy va uning

tarkibiy bo‘linmalariga ishga qabul qilinayotgan nomzodlarni tekshirish bo‘yicha

yo‘riqnoma”si asosida tekshiriladi.

8.7.1. Tekshirish natijasiga ko’ra ijobiy hulosa olgan nomzod, O‘zbekiston Respublikasi

mehnat qonunchiligida va Jamiyatning lokal hujjatlarida belgilangan tartibda ishga

qabul qilinadi.

8.7.2. Tekshirish natijasiga ko’ra salbiy hulosa olgan nomzodga, Jamiyatga ishga qabul

qilish rad etiladi.

8.7.3. Tekshiruv natijasiga asosan, ishchi guruh mutaxassisi nomzodning anketasida

ko‘rsatilgan mobil telefon raqamiga SMS-xabar ko‘rinishida rad etish sabablari

ko’rsatilgan xabar yuboriladi.

8.8. Qabul komissiyasining to‘liq rasmiylashtirilgan bayonnomasi va Komplaens nazorati

xulosalari, nomzodni O‘zbekiston Respublikasi mehnat qonunchiligida belgilangan

tartibda ishga olish uchun, Jamiyatning filiallari va tarkibiy bo‘linmalariga yuboriladi.

8.9. Jamiyat tarkibidagi filiallar hamda korhonalar ushbu Nizomda ko’rsatilgan tartibga

zid ravishda ishga qabul hamda boshqa ishga o’tkazishni amalga oshirgan holatlarda

hodim bilan tuzilgan mehnat shartnomasi (yoki mehnat shartnomasiga qo’shimcha

kelishuv) O’zbekiston Respublikasi Mehnat kodeksi 168 moddasining 4-bandiga asosan

ya’ni ishga qabul qilishga doir belgilangan qoidalarning buzilganligi asosida (agar yo’l

qo’yilgan qoidabuzarlikni bartaraf etish imkoni bo’lmasa va u ishini davom ettirishga

to’sqinlik qilsa) taraflarning xohish-irodasiga bog’liq bo’lmagan holatlarga ko’ra bekor

qilinadi.

8.10. Ishga qabul qilingan nomzodlarda Jamiyatning kadrlar hamda korruptsiyaga qarshi

kurashish siyosati, ichki tartibi va obro'siga zid bo'lgan qo'shimcha ma'lumotlar aniqlangan

taqdirda, mansabdor shaxslarning taqdimnomasiga ko'ra, mehnat shartnomasi

rasmiylashtirilguniga qadar, Jamiyat nomzodni ishga olishni rad etish huquqini o'zida

saqlab qoladi.

8.11. Jamiyatga ishga qabul yoki ishchi-hodimlarni boshqa lavozimga doimiy ishga

o’tkazish jarayonida ushbu Nizomda nazarda tutilmagan yoki mehnat to’g’risidagi qonun

hujjatlariga nomutanosiblik vaziyatlari yuzaga kelgan hollarda O’zbekiston

Respublikasida amalda bo’lgan tegishli mehnat to’g’risidagi qonunlar va boshqa normativ

hujjatlarga asoslangan holda bosh direktorning buyrug’i bilan tartibga solinadi.

9. YAKUNIY QOIDALAR

9.1. Ommaviy oferta va uning ilovalari rasmiy hujjatlar hisoblanadi va Saytda e'lon

qilinadi.

9.2. Talabgor, ushbu Oferta shartlarini koʻrib chiqib, ular bilan kelishib, “Oʻzbekko’mir”

AJga ishga joylashish uchun tanlov jarayonida taqdim etilgan shaxsiy maʼlumotlarni

qayta ishlash va ulardan foydalanishga ruxsat beradi, shuningdek, “O‘zbekko’mir”

AJga ishga qabul qilish to‘g‘risidagi NIZOMI shartlari va barcha talablarni toʻliq oʻqib

chiqqan va qabul qilgan hisoblanadi..

10. ISH BERUVCHINING REKVIZITLARI

“O’zbekko’mir” AJ

Manzil: 110200, O’zbekiston Respublikasi,

Toshkent viloyati Angren shahar,

Istiqlol ko’chasi 1-uy

STIR: 200899410 KTUT: 00159516

Bank kodi: 00440 XXTUT: 11311

X/R 2021 0000 6001 2695 6001

E-mail: uzbekcoal@exat.uz

Telefon: +998 78 150 39 80 Faks: +998 78 150 39 89

Bosh director

Kuznetsov Vladimir Vladimirovich

“O’zbekko’mir” AJga ishga joylashish uchun ish qidirayotgan jismoniy shaxsning

shaxsiy maʼlumotlarini qayta ishlash va undan foydalanish, shuningdek

“O’zbekko’mir” AJga ishga qabul qilish qoidalari va tartiblari bilan tanishish

huquqini berish boʻyicha

OMMAVIY OFERTAsiga

1-ilova

Ishga qabul qilishda nazariy bilimlarni tekshirish talab etilmaydigan kasblar

ro'yxati

T/r

Kasblar nomi

Qorovul

Hudud tozalovchi

Ishlab chiqarish xonalarini/hududlarini tozalovchi

Yuvuvchi-tozalovchi

Hammom ishchisi

Ishchi

Yordamchi ishchi

Omborchi

Oshxona ishchisi

Yukchi

Maxsus oyoq buyum ta’mirlovchi

Suvoqchi

Bo’yoqchi

Bog’bon

Ko’cha supuruvchi

Binolarni kompleks tozalash va ta'mirlash

bo'yicha ishchi

Uy xizmatkori

Metall parchalarini (metallom) yig'uvchi

Muqovachi

Gulchi

Supurgi tayyorlovchi

Rassom

Mebel yig’uvchi va ta’mirlovchi ishchi

Gul va ko’chatlar o’stiruvchi

Kir yuvuvchi

Tikuvchi

“O’zbekko’mir” AJga ishga joylashish uchun ish qidirayotgan jismoniy shaxsning

shaxsiy maʼlumotlarini qayta ishlash va undan foydalanish, shuningdek

“O’zbekko’mir” AJga ishga qabul qilish qoidalari va tartiblari bilan tanishish

huquqini berish boʻyicha

OMMAVIY OFERTAsiga

2-ilova

Ishga qabul qilinishi yoki lavozimi o’zgartirilishi “Ozbekko’mir” AJ bosh

direktorining buyrug’i asosida amalga oshiriladigan hamda nazariy bilim

tekshirish talab etilmaydigan lavozimlar nomenklaturasi ro’yhati

T/r

Lavozimlar nomi

Bosh mexanik

Bosh energetik

Bosh geolog

Bosh marksheyder

Bosh metrolog

Bosh hisobchi

Ijro apparati bosh mutaxassislari

Ijro apparati boshqarma boshliqlari

Ijro apparati bo’lim boshliqlari

Yuriskonsult

Filial raxbarlari

Filial boshiqlari

Filial boshlig’i o’rinbosarlari

Filial bosh muhandisi

Filial bosh hisobchisi

Filial hodimlar bo’limi boshlig’i