Кўмир омборлари аҳоли истеъмолчиларига кўмир тарқатишга тайёрми?
Nashr qilingan sana: 15.09.2022 05:11:43“Ўзбеккўмир” акциядорлик жамиятида жорий 2022/2023 йиллар куз-қиш мавсуми учун аҳоли истеъмолчиларига 882 минг тонна маҳаллий кўмир етказиб бериш режалаштирилган. Айни кунларда “Кўмир таъминот” МЧЖга қарашли республика кўмир омборларида мавсумга тайёргарлик юзасидан амалга оширилган ишлар таҳлил қилиниб, галдаги долзарб вазифалар белгилаб олинмоқда.
“Ўзбеккўмир” АЖ бош директорининг режим ва кадрлар масалалари бўйича ўринбосари Нурали Талабаев раислигида “Кўмир таъминот” МЧЖ Наманган вилояти филиали раҳбари ҳузурида ташкил этилган йиғилишда филиал ходимлари ва кўмир омборлари мудирлари иштирок этди.
Филиал бошлиғи Ж.Хожиматов масала юзасидан амалга оширилган ишлар бўйича ахборот берди. Айни кунларда вилоят ҳудудида жойлашган бюджет ташкилотларини маҳаллий кўмир маҳсулотлари билан таъминлаш ишлари якунланаётгани ҳамда аҳоли истеъмолчиларига ёқилғи тарқатиш ишлари бошланаётганини маълум қилиб, бу борада кўмир омборлари ходимларининг масъулиятини оширишга алоҳида эътибор қаратди.
Аҳоли учун мўлжалланган кўмир маҳсулотини ўз вақтида қабул қилиш, сақлаш ва тарқатиш, бу борада назоратни кучайтириш, ходимлар ўртасида тартиб-интизомга қатъий риоя этиш, кўмир сотиш жараёнида талон-тарожликка йўл қўймаслик зарур, деди нотиқ.
Йиғилишда иштирок этган “Ўзбеккўмир” бош геологи Э.Жўраев сўз олиб, филиал кўмир омборларида ўтказилган инвентаризация ишлари якунлари бўйича ўз фикрларини билдириб ўтди. Омборлардаги мавжуд кўмир захиралари сифати ва ҳолати қониқарли эканлиги, аммо мавжуд брикет станокларини аввайлаб сақлаш масаласига эътиборсизлик қилинаётганини таъкидлади.
Аҳолига кўмир тарқатиш жараёнида омбор ходимлари ҳар қандай мурожаатни тинглаши, харидорларга хушмуомалада бўлиши муҳимлигига ҳам эътибор қаратилди.
“Ўзбеккўмир"АЖ Бош директорининг режим ва кадрлар масалалари бўйича ўринбосари Н.Талабаев йиғилишни якунлар экан, филиал ходимлари, омбор мудирлари, кассирлар, ишчи-ходимлар ўз устида муттасил ишлаши, вазифасига маъсулият билан ёндошиши, меҳнат инизомига қатъий амал қилиш, кўмир тарқатиш бўйича кундалик маълумотларни ўз вақтида шакллантириш ва тақдим этиш муҳимлигини уқдириб ўтди.
Йиғилиш кун тарбидаги масалаларни атрофлича муҳокама этиб тегишли қарор қабул қилди.
“Ўзбеккўмир” АЖ Ахборот хизмати
Izohlar
Oxirgi yangiliklar:
Ko‘mir sifat ko‘rsatkichlari bo‘yicha haqiqat va manzilsiz tanqidlarga rasmiy munosabat
“XXI asr” gazetasining shu yil 20-noyabrdagi sonida chop etilgan “Gap ko‘p-u, ko‘mir ozmi?!” sarlavhali maqolada aholini ko‘mir bilan ta’minlash masalalari bayon etilgan...
O'qish
Ko‘mir qazib olishda innovasion yondashuvlar muhokama qilindi
“O‘zbekko‘mir” AJ va MTTU MISiS Olmaliq filiali o‘rtasidagi hamkorlik memorandumi doirasida jamiyat mutaxassislari, professor-o‘qituvchilar va talabalar ishtirokida uchra...
O'qish
Aksilkorrupsiya oyligi doirasida tadbirlar amalga oshirilmoqda
“O‘zbekko‘mir” aksiyadorlik jamiyatida mamlakatimizda o‘tkazilayotgan “Korrupsiyaga qarshi kurashish oyligi” doirasida tizimli ishlar va ma’naviy-ma’rifiy tadbirlar...
O'qish
Aholiga arzonlshtirilgan mahalliy ko‘mir yetkazib berish jarayonlarini tashkil etish bo‘yicha bayonot
Kuz-qish mavsumida tabiiy gaz bilan ta’minlanmagan hudud aholisini arzonlashtirilgan mahalliy ko‘mir bilan ta’minlash dolzarb vazifa hisoblanadi. Vazirlar Mahkam...
O'qish