Press-tur: jurnalistlar yangi texnikalar bilan tanishdilar
Nashr qilingan sana: 30.05.2024 22:20:3230 may kuni “O‘zbekko‘mir” aksiyadorlik jamiyatiga press-tur tashkil etildi. Respublikamizning yetakchi ommaviy axborot vositalari vakillar hamda blogerlar ishtirok etgan tadbirda korxonaga keltirilayotgan yangi kon va ularning ochiq konda ishlash jarayonlari ko‘rsatildi.
Tadbir avvalida “Angren ko‘mir koni” filiali markaziy dispetcherlik punkti majlislar zalida jurnalistlar uchun matbuot anjumani o‘tkazildi.
Ta’kidlandiki, mamlakatimizda iqtisodiyot va aholi soni oshgani sayin energiyaga bo‘lgan talab ham ortib bormoqda. Bu ehtiyojni qondirish uchun barcha energiya resurslari bilan bir qatorda ko‘mir qazib olish ham kengaymoqda. Oxirgi besh yilda mazkur xomashyo ishlab chiqarish yiliga 4 million tonnadan 6 million 200 ming tonnagacha oshdi.
Hisob-kitoblarga ko‘ra, mamlakatimizdagi ko‘mir zaxiralari 2 milliard tonnaga yaqin. Davlatimiz rahbari ushbu salohiyatdan samarali foydalanish, ishlab chiqarish hajmini izchil oshirish vazifasini qo‘ymoqda. “O‘zbekko‘mir” AJda ushbu vazifalarni bajarish uchun eng avvalo kon ustki qatlamini ochish ishlarini jadallashtirish, buning uchun mavjud texnika parkini yangilash taqozo etiladi. Shu maqsadda yangi va eng zamonaviy, serunum kon texnikalari xarid qilish maqsadida 2023 yili hukumat ko‘magi bilan 77,1 mln dollarlik lizing shartnomalari imzolandi, dedi anjumanda jamiyat bosh geologi Erkin Jo‘rayev.
Bugungi kunga qadar ushbu shartnomalar asosida Yaponiyada ishlab chiqarilgan 44 dona (yuk ko‘tarish quvvati 90 tn.) “Kamatsu” samosvalining 39 tasi keltirildi va 22 tasi yig‘ilib, to‘liq ishga tushirildi. Shuningdek, 6 ta zanjirli buldozer, 2 dona 6 kubometrli avtoyuklagich, uchta “KamAZ”, uchta “UAZ” rusumli avtomashinalar xarid qilindi. Ushbu kon texnikalaridan ishlab chiqarishda keng foydalanilmoqda.
Ayni paytda lizing shartnomasi bo‘yicha korxonaga yangi kon texnikalari kelishi davom etmoqda. Shu bilan birga yangi texnikalarga zarur uskunalar, ehtiyot qismlar va butlovchi qismlar xarid qilinayapti. Kon hududidagi texnologik yo‘llar kengaytirilib, yangi mashinalar harakatlanishi uchun moslashtirilayotgani aytib o‘tildi.
Aksiyadorlik jamiyatida mavjud texnika parkini yangilashi ortidan joriy yilda kon ustki qismini ochish ishlarini – 48,6 mln. kub metrga yetkazish, 6,2 mln. ko‘mir, 850 ming tonna ko‘mir qazib olish rejalashtirilgan.
“O‘zbekko‘mir” aksiyadorlik jamiyati O‘zbekistonda ko‘mir qazib oluvchi va yetkazib beruvchi yirik va yetakchi korxona bo‘lib, uning tasarrufida o‘rtacha yillik umumiy quvvati 4,5 mln. tonna bo‘lgan ikkita ochiq (“Angren” va “Apartak”) hamda bitta shaxta usulida ko‘mir qazib oluvchi kon ishlab turibdi. Ushbu konlardan 2023 yilda 2020 yildagi 3,7 mln. tonnadan 5,8 mln tonnaga ko‘mir qazib olindi.
Yangi kon texnikalari evaziga jamiyat tomonidan 2024 yilda 6,2, 2025 yilda 6,5, 2026 yilda 7,1 mln. tonna ko‘mir qazib olish rejalashtirilgan.
Tayyor mahsulot to‘lig‘icha respublika ichki ehtiyojiga (Angren va Yangi Angren IESlari, respublika byudjet tashkilotlar hamda aholi iste’molchilari, shuningdek tadbirkorlik tuzilmalariga (birja orqali) yo‘naltirilmoqda.
Anjumanda jamiyat texnik bo‘limi boshlig‘i Robert Yenikeyev, standartlashtirish, sertifikatlashtirish va metrologiya bo‘limi boshlig‘i Anvar Abdurahimovlar jurnalistlarning korxonani texnik qayta jihozlash, ko‘mir qazib olish hajmlarini oshirish, mahsulot sifati bo‘yicha savollariga atroflicha javob berdilar.
Jurnalistlar press- tur davomida jamiyat texnika parkida bo‘lib, “Kamatsu” avtosamosvallarini yig‘ish jarayoni bilan tanishdilar, ko‘mir konida ushbu texnikalarning qanday ishlayotganini kuzatib, mutaxassislar bilan muloqotda bo‘ldilar.
Ne’mat Dushayev,
“O‘zbekko‘mir” AJ Axborot xizmati
Izohlar
Oxirgi yangiliklar:
Surxondaryoda Yangi yil oldidan yana 624 tonna ko‘mir tarqatildi
Respublikamiz hududlarida “O‘zbekko‘mir” AJ tomonidan ortib yuborilgan ko‘mir mahsulotini aholiga tarqatish ishlari davom etmoqda. Bugun, 31-dekabr kuni “Ko‘mir...
O'qishKoʻmir konida ish qizgʻin davom etmoqda
Ayni damlarda “Oʻzbekkoʻmir” aksiyadorlik jamiyati konlarida ishlab chiqarish bir maromda davom etmoqda. Konchilar 31-dekabr - bayram kuniga qaramay, kon ustki q...
O'qishMehnat kishisining qadri yanada baland bo‘ladi
Respublikamiz iqtisodiyoti barqaror rivojlanib bormoqda. Murakkab geosiyosiy sharoitga qaramay, joriy yilda iqtisodiyotimiz 6,3 foizga oshib, 111 milliard dollardan k...
O'qishYangi yilingiz qutlug‘ bo‘lsin, aziz konchilar!
Hurmatli ko‘mir sanoati xodimlari va faxriylari, aziz hamkasblar! Angren va uning barcha aholisi taqdiri ko‘mir sanoati bilan chambarchas bog‘liq. U...
O'qish