Тоғли ҳудудлар аҳолисига кўмир ҳарид қилишда қулайликлар яратилмоқда
Nashr qilingan sana: 28.09.2021 15:59:36Тошкент вилоятида 240 маҳалла фуқаролар йиғини мавжуд бўлиб, улардаги 601 минг 391 та хонадоннинг 39 минг 922 таси куз-қиш мавсумида кўмир ёқилғисига эҳтиёж сезади. Ушбу хонадонларга жорий мавсум учун 60 минг тонна кўмир етказиб бериш режалаштирилган.
Куз-қиш мавсумида вилоятнинг Ангрен шаҳри, Оҳангарон, Бўстонлиқ, Паркент туманларидаги тоғли аҳоли яшаш ҳудудларида об-ҳаво шароити автомобиль транспортида эркин ҳаракатланиш ва кўмир етказиб бериш имкониятини чеклаб қўяди. Шу боисдан ҳам ушбу ҳудудлар аҳолисини кузнинг ҳозирги илиқ ва очиқ кунларида ёқилғи билан барвақт таъминлаш чоралари кўрилмоқда.
Ангрен шаҳрида мавжуд 51 маҳалланинг бештаси тоғли ҳудуда жойлашган бўлиб, улар бирин-кетин ҳар қачонгидан кўра барвақт кўмир маҳсулоти билан таъминланмоқда. Бу борада “Кўмир таъминот” МЧЖ Тошкент вилояти филиали томонидан Ангрен шаҳар ҳокимлиги билан ҳамкорликда амалга ошираётган тадбирлари яхши натижа бераяпти.
Тоғли Нишбош қўрғонида 270 хонадон бор, уларнинг деярли барчаси кўмир маҳсулотига эҳтиёж сезади. Уларнинг ҳар бирига аввалги йиллардагидан фарқли равишда икки тонна ўрнига уч тоннадан кўмир тарқатилмоқда. Маҳсулотнинг сифати ҳам аҳолини қониқтиради.
Эътиборлиси, шаҳарда “темир дафтар”га киритилган хонадонларнинг 110 нафари кўмир ёқилғисига эҳтижманд бўлиб, улар биринчи навбатда кўмир билан таъминланаяпти. Шундан 40 хонадонга ёқилғи ҳомийлар маблағлари ҳисобидан етказиб берилмоқда.
Izohlar
Oxirgi yangiliklar:
Mehnat muhofazasi – kasaba uyushmalarining nazoratida
25-aprel kuni “Mehnat muhofazasi va xavfsizligi bo‘yicha jamoatchilik nazoratini tashkil etish yuzasidan respublika ko‘rik-tanlovi”ning viloyat bosqichi bo‘lib o‘tdi....
O'qishSirdaryo musiqali teatri ijodkorlari konchilar huzurida
“O‘zbekko‘mir” aksiyadorlik jamiyatida xodimlarning madaniy hordiq chiqarishlariga alohida e’tibor berilmoqda. 25-aprel kuni “Qurilish-montaj ishlar...
O'qishMaxsus taktik o‘quv mashg‘uloti o'tkazildi
“O‘zbekko‘mir” AJ «ATT» filiali favqulodda vaziyatlarda harakat qilish tuzilmalari shartli zilzila, yong‘in, ko‘chki paytida qutqaruv, birinchi tibbiy yordam ko‘rsatish b...
O'qish“Korrupsiyaga murosasiz munosabatda bo‘laylik!”
“O‘zbekko‘mir” aksiyadorlik jamiyatida korrupsiyaga qarshi kurashish bo‘yicha targ‘ibot ishlari davom ettirilmoqda. Bugun "Temir yo‘l transporti" filiali...
O'qish