"Ўзбеккўмир" АЖ ёшлари ўртасида 30 июнь - Ёшлар кунига бағишлаб веломарафон ўтказилди.

Ангрен шаҳрининг "Соғлом" МФЙ ҳудудидан ўтувчи 3 километрлик масофада ташкил этилган ушбу спорт тадбирида 60 нафар иштирокчи ўзаро куч синашган бўлса, юзлаб спортга қизиқувчи ёшлар уларга мухлислик қилишди.

Мусобақада, 1 ўринни "Ангрен комир кони" 14-бўлим бурғулаш ускунаси машинисти ёрдамчиси Жавоҳир Эрназаров қўлга киритган бўлса, 2 ўринга Темир йўл транспорти филиали Тортиш кучлари участкаси электровоз машинисти ёрдамчиси Дилшод Раджабов муносиб кўрилди. 3-ўрин "Энергия ва коммуникация тармоқлари" филиали вакилига насиб этди.

Ғолиблар жамият Бирлашган касаба уюшма қўмитасининг қимматбаҳо совғалари билан тақдирландилар.