Korxona va tashkilotlar imiji ishbilarmonlik va boshqa ijobiy xususiyatlarini namoyon etishga xizmat qiladi. Xo‘sh, bunday imijni qanday yaratish mumkin?

Bugun Tog‘-kon sanoati va geologiya vazirligida “Geologiya, tog‘-kon sanoati, metallurgiya sohasini ommaviy axborot vositalarida yoritishda yangicha yondashuv, o‘zaro hamkorlik, kommunikatsiyalar, tezkor axborot almashinuvini amalga oshirish”  mavzusida o‘tkazilgan seminar-trening davomida ana shu masala ham ko‘rib chiqildi.

Vazirlik tizimidagi korxona va tashkilotlar matbuot kotiblari hamda  mas’ul xodimlari uchun tashkil etilgan tadbirda, shuningdek ommaviy axborot vositalari bilan ishlash, soha qonunchiligidagi o‘zgarishlar, rasmiy munosabat bildirish, raddiya berish tartibi, inqirozli vaziyatlarda to‘g‘ri harakat qilish hamda tashqi kommunikatsiya vositalaridan foydalanish haqida taqdimotlar qilindi.

Interaktiv tarzda, qiziqarli savol-javoblarga boy o‘tgan seminar-trening davomida ekspertlar bilan soha bo‘yicha fikr almashildi.