Ayni damlarda Angren shahridagi “shlar bog‘i”da bo‘sh ish o‘rinlari mehnat yarmarkasi bo‘lib o‘tmoqda. Yarmarkada “O‘zbekko‘mir” AJ jamiyati ham ish beruvchi sifatida  faol qatnashmoqda.

Aksiyadorlik jamiyatida  bugungi kunda  turli kasb egalaridan iborat olti ming nafardan kishi mehnat qilmoqda. Korxona tarkibida 11 filial bo‘lib, ularda malakali mutaxassislar, ayniqsa, yangi keltirilgan og‘ir yuk tashuvchi kon texnikalari haydovchilariga talab yuqori. Shuningdek, yuristkonsultdan tortib kon ekskavator mashinistigacha, gaz elektr payvandchidan tortib, tibbiyot hamshirasigacha, jami 150 dan ortiq bo‘sh ish o‘rinlari taklif etilmoqda.

Jamiyat ijro apparati Personallarni boshqarish va kadrlar tayyorlash boshqarmasi va filiallardagi xodimlar bo‘limlari mutasaddilari har bir murojaat etuvchi bilan yakka tartibda suhbat o‘tkazib, ko‘mir sanoati korxonalariga ishga joylashish bo‘yicha yo‘l-yo‘riq va tushuntirishlar berishmoqda.

Talabgorlar  o‘zlari tanlagan kasblar bo‘yicha bo‘sh ish o‘rinlari uchun korxonamizning rasmiy veb-sayti orqali onlayn hujjat topshirib, malaka sinov imtihonlaridan o‘tganlaridan so‘ng ishga qabul qilinadi.