Ko‘mir o‘g‘rilari sudda javob beradi
Nashr qilingan sana: 25.03.2024 09:18:02
Ichki ishlar bo‘limi xodimlari tomonidan ko‘mir mahsulotini talon-taroj qilish bilan bog‘liq qator huquqbuzarliklar aniqlanmoqda.
Huquqbuzarlardan biri Karim Samadov, (ism-familiya shartli o‘zgartirilgan) 2005 yilda Angren shahrida tug‘ilgan, millati o‘zbek, ma’lumoti o‘rta, vaqtincha ishsiz, Angren shahar, Qayrag‘och ko‘chasidagi uyda yashaydi.
U 2023 yilning 29 dekabr kuni soat taxminan 01-30 atrofida “Apartak” koni hududidan 240 kg ko‘mir mahsulotini noqonuniy ravishda talon-taroj qilib olib ketayotgan vaqtida qo‘lga tushgan.
Sudda huquqbuzar K.Samadov aybiga to‘liq iqror bo‘lib, haqiqatdan ham 2023 yil 29 dekabr kuni soat taxminan 01-30 da, ko‘mir mahsulotini talon taroj qilib olib ketayotgan vaqtida IIB xodimlari tomonidan ushlangani, ko‘mir mahsuloti ashyoviy dalil sifatida olinib Angren ko‘mir koniga topshirilgani, qilgan ishidan pushaymonda ekanligini ko‘rsatib, oilaviy sharoitini inobatga olgan holda suddan yengillik berishni so‘radi.
Jinoyat ishlari bo‘yicha Angren shahar sudi huquqbuzar K.Samadovga jazo tayinlashda, u tomonidan sodir etilgan huquqbuzarlikning ijtimoiy xavflilik darajasini, uning shaxsini, oilaviy va moddiy sharoitini inobatga olib, O‘zbekiston Respublikasi MJtKning 61-moddasi 1-qismi bilan ma’muriy javobgarlik jazosi belgiladi.
***
Jinoyat ishlari bo‘yicha Angren shahar sudi huquqbuzar Qosim Murodovga ham shu turdagi ma’muriy jazo chorasi qo‘lladi.
Huquqbuzar Q.Murodov (ism-familiya shartli o‘zgartirilgan) 1980 yilda Angren shahrida tug‘ilgan, millati o‘zbek, ma’lumoti o‘rta, vaqtincha ishsiz, muqaddam ma’muriy javobgarlikka tortilgan, Angren shahar Hamza ko‘chasida yashaydi.
U 2024 yil 22 yanvar kuni soat taxminan 08-30 da “O‘zbekko‘mir” AJ tasarrufidagi “Apartak” koni hududidan 200 kg ko‘mir mahsulotini noqonuniy ravishda talon-taroj qilib olib ketayotgan vaqtida IIB xodimlari tomonidan ushlangan. Ko‘mir mahsuloti dalolatnoma asosida ortga qaytarilib, to‘plangan ma’muriy hujjatlar esa sudga oshirildi.
Sud Q.Murodovga nisbatan jazo huquqbuzar tomonidan sodir etilgan huquqbuzarlikning ijtimoiy xavflilik darajasini, huquqbuzar shaxsi, uning oilaviy va moddiy sharoitini inobatga oldi.
***
2024 yil 22 fevral kuni jinoyat ishlari bo‘yicha Angren shahar sudining ochiq sud majlisida O‘zbekiston Respublikasi MJtK 61-moddasining 1-qismida nazarda tutilgan huquqbuzarliklarni sodir etgan fuqaro Qodir Qahramonovga nisbatan to‘plangan ma’muriy ish hujjatlari ko‘rib chiqildi.
Q.Qahramonov (ism-familiya shartli o‘zgartirilgan) 1979 yilda Angren shahrida tug‘ilgan, millati tojik, o‘zbek tilini yaxshi biladi, ma’lumoti o‘rta-maxsus, oilali, vaqtincha ishsiz, muqaddam ma’muriy javobgarlikka tortilmagan, Angren shahar, N.Ikromov ko‘chasidagi uyda yashaydi.
Huquqbuzar Q.Qahramonov 2024 yil 11 fevral kuni Toshkent viloyati “Apartak” koni hududidan 600 kg. miqdorida ko‘mir mahsulotini o‘zining boshqaruvidagi “Labo” rusumli avtotransport vositasida noqonuniy ravishda talon-taroj qilgan holda olib ketayotgan vaqtida IIB bo‘limi xodimlari tomonidan ushlangan.
Sud majlisida so‘roq qilingan huquqbuzar Q.Qahramonov aybiga to‘liq iqror bo‘ldi, qilgan ishidan pushaymonligini, bu kabi holatlar boshqa takrorlanmasligini, moddiy sharoiti og‘irligini bildirib, suddan o‘ziga nisbatan yengillik berishni so‘radi.
Sud yuqoridagilarni hisobga olib, huquqbuzarning o‘z qilmishidan chin dildan pushaymon bo‘lgani hamda hamda o‘g‘irlangan ko‘mir ko‘mir koniga qaytarilganini hisobga olib, unga tegishli ma’muriy jazo chorasi tayinlandi.
N.Mustafaqulov,
Angren shahar milliy gvardiya Qo‘riqlash bo‘lim boshlig‘i, kapitan
Izohlar
Oxirgi yangiliklar:
Yetti marta o‘lchab bir marta kesuvchi kasb egalari
Bugungi kunda turli o‘lchov asboblari va texnik vositalarisiz hayotimizni tasavvur etish qiyin. Aniq o‘lchovlar ayniqsa, ishlab chiqarishda juda muhim. – Maml...
O'qishKasb bayrami: konchilar sharaflandi
19-may –O‘zbekiston konchilik va metallurgiya sanoati xodimlari kuni! Shu munosabat bilan “O‘zbekko‘mir” aksiyadorlik jamiyatida tantanali bayram tadbiri bo‘lib o‘td...
O'qishBirlashgan kasaba uyushma qo‘mitasi raisining bayram tabrigi
Hurmatli konchilar! Qadrli kasaba uyushmalari faollari! Bugun yurtimizda, shu jumladan aksiyadorlik jamiyatimizda bayram shukuhi kezib yuribdi. Yakshanba kuni...
O'qish“O‘zbekko‘mir” AJ bosh direktori Vladimir Vladimirovich Kuznesovning bayram tabrigi
Aziz konchilar va mehnat faxriylari! Hurmatli hamkasblar! Sizni dunyodagi eng mashaqqatli va sharafli kasblardan biri ‒O‘zbekiston konchilik va metallurgiya sanoati...
O'qish