Jamiyatda qoʻshaloq bayram tadbiri oʻtkazildi
Nashr qilingan sana: 19.05.2023 11:17:1721 may ‒ Oʻzbekiston konchilik va metallurgiya sanoati xodimlari kuni hamda "Oʻzbekkoʻmir" AJ tashkil topganligining 75 yilligi munosabati bilan "Oʻzbekkoʻmir" aksiyadorlik jamiyatida tantanali tadbir va bayram konserti boʻlib oʻtdi.
"Qurilish-montaj ishlari! Filialim" faollar zalida tashkil etilgan tadbirda jamiyat ijro apparati va filiallar vakillari hamda mehmonlar ishtirok etdi.
"Oʻzbekkoʻmir" AJ respublikamizda koʻmir qazib oluvchi va yetkazib beruvchi yirik va yetakchi korxona boʻlib, oʻtgan 75 yil davomida zalvorli taraqqiyot va rivojlanish yoʻlini bosib oʻtdi. 1948 yilda qurib foydalanishga topshirilgan "Angren" ochiq konidan dastlabki yili 1,5 mln tonna koʻmir qazib olingan boʻlsa, hozirgi kunga kelib bu raqam bir necha baravarga oshdi. Oʻtgan 2022 yilda 5 ,1 mln tonnalik ulkan marra zabt etildi. Joriy yilda ushbu koʻrsatkichni 5,8 mln tonnaga yetkazish vazifasi qoʻyildi. Shu maqsadda yangi kon texnikalari xarid qilish uchun davlat tomonidan 80 mln. dollarlik imtiyozli kredit ajratilmoqda.
Jamiyat bosh direktori V.V.Kuznetsov tadbirda Angren konchilari va mehnat faxriylarini kasb bayrami bilan tabriklar ekan, ana shular haqida alohida toʻxtalib oʻtdi va koʻmir sanoati xodimlariga yangi marralarni zabt etishda muvaffaqiyatlar tiladi.
Tadbirda jamiyat birlashgan kasaba uyushma qoʻmitasi A.Qayumov, Angren shahar hokimi A.Rayimov va boshqalar soʻz olib, koʻmir sanoati xodimlarining samarali mehnatini alohida eʼtirof etdilar va yigʻilganlarni bayram bilan qutladilar.
Kasb bayrami hamda "Oʻzbekkoʻmir" AJning 75 yilligi munosabati bilan jamiyat bosh direktorining buyrugʻiga koʻra, jamiyat ijro apparati va filiallarda samarali mehnat qilayotgan konchilarning katta guruhi "Konchilik shuhrati" koʻkrak nishoni, faxriy yorliq, tashakkurnoma va pul mukofotlari bilan taqdirlangan edi. Yigʻilishda ana shu mukofotlar oʻz egalariga tantanali ravishda topshirildi. Shuningdek, Energetika vazirligi, Angren shahar hokimligi, Oʻzbekiston energetika, neft-gaz va geologiya xodimlari kasaba uyushma qoʻmitasi hamda Toshkent viloyat kasaba uyushmalari birlashmasi tomonidan ham faxriy yorliq va esdalik sovgʻalari berildi.
Tadbir respublika sanʼat ustalarining bayram konserti bilan yakunlandi.
Izohlar
Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish