“O‘zbekko‘mir” AJda ko‘mir ikki usul - ochiq ochiq va shaxta usulida qazib olinadi. Konlarda, ayni dam olish kunlariga qaramay, ishlab chiqarish bir maromda, uzluksiz davom etmoqda.

“Shaxta usulida ko‘mir qazib olish” filiali Jamiyatning to‘ng‘ich korxonasi bo‘lib, jamoasi yer ostida faoliyat olib boradi. Ishlari mashaqqatli, ammo shunga yarasha mahsulot sifati – a’lo!

Jahongir Mutalipov rahbarligidagi mehnat jamoasi zimmalaridagi reja-topshiriqlarni hamisha ortig‘i bilan ado  qilib kelishadi. Bu yerda ish kechayu kunduz, dam olish kunlarisiz smena asosida davom etadi. Maqsad ‒ iqtisodiyot tarmoqlari va aholini elektr va issiqlik energiyasi bilan barqaror ta’minlashga hissa qo‘shish! 

Siz ko‘rib turgan suratlarni biz konchilar shaxtadan navbatdagi smenani topshirib chiqqan paytida tasvirga tushirdik.