Наманган вилоятида аҳолига кўмир тарқатиш сентябрдан бошланади
Nashr qilingan sana: 18.08.2022 15:06:48Наманган вилоятида жорий куз-қиш мавсумига тайёргарлик доирасида бюджет ташкилотлари ҳозирги кунгача 38 минг 72 тонна кўмир билан таъминланди. Бу режанинг 38,8 фоизини ташкил этади.
“Кўмир таъминот” МЧЖ Наманган вилояти филиали раҳбари Жаҳонгир Хожиматов берган маълумотларга кўра, вилоят истеъмолчиларига 2022/2023 йиллар куз-қиш мавсуми учун 308 минг 75 тонна кўмир маҳсулотлар етказиб бериш режалаштирилган. Шундан 210 минг тоннаси аҳоли, 98 минг 75 тоннаси ижтимоий соҳа объектлари улушига тўғри келади.
Айни кунларда бюджет ташкилотларига кўмир тарқатиш ишлари қизғин олиб борилмоқда. Сотиш учун кўмир етарли. 17 август ҳолатига вилоят омборларида 544 тонна маҳаллий кўмир мавжуд.
Вилоят аҳолисига кўмир сотиш ишлари сентябрь ойидан бошланади. Аҳоли харид қилган кўмирни уйига етказиб олиши учун филиалга қарашли 1 та MAN ва 5та ISUZU русумдаги автотранспорт ажратилмоқда. Шунингдек, харидор ёқилғини олиб кетиш чоғида ўзига тегишли юк ташиш транспортидан фойдаланиши ёки хусусий юк автоуловлари ёллаши мумкин.
Вилоятининг темирйўл етиб бормаган Косонсой тумани ҳудудларига кўмирни етказиш учун филиалга қарашли юк автоуловларидан фойдаланилади.
Вилоятда куз-қиш мавсумининг давомийлиги 4 ойни ташкил этади. Шуни ҳисобга олиб, эҳтиёжманд хонадонларга ўртача икки тоннагача маҳаллий кўмир тарқатиш белгиланган.
Izohlar
Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish