19-dekabr kuni “Carbon-polymer” MChJ vakillari “O‘zbekko‘mir” AJda bo‘ldilar

Shu munosabat jamiyat ijro apparati bo‘lim va boshqarmalari hamda tarkibiy tuzilmalari rahbarlari hamda boshqarma boshliqlari  ishtirokida hamkorlik uchrashuvi o‘tkazildi.

Uchrashuv davomida “Carbon-polymer” vakillari o‘z mahsulotlaridan namunalar taqdim etishdi. Ular orasida tekstolit, kaprolon, kompozit material, kompozit polimer roliklari, ustama materiallar va ftoroplastlar o‘rin olgan bo‘lib, ularning sifati kafolatlanishini ta’kidlandi.

Tadbirda ishtirokchilar taklif etilgan mahsulotlar bo‘yicha o‘zlarini qiziqtirgan savollarga atroflicha javoblar oldilar.

Ma’lumot uchun, “Carbon-polymer” MChJ korxonasi 2005-yilda tashkil etilgan bo‘lib, O‘zbekiston bozorida grafit va polimer mahsulotlari ishlab chiqarish va o‘rnatish faoliyatini olib boradi.