Касаба уюшмаси кончи-энергетикларга қандай кўмак бермоқда?
Nashr qilingan sana: 21.06.2022 14:58:55Касаба уюшмаси доирасида иш олиб бориш ҳар бир корхонада, ҳар бир ташкилотда ва ҳар бир муассасада муҳимдир. Касаба уюшмаси қўмитаси раисининг кўплаб вазифалари орасида биринчи ва энг муҳими, ишчиларнинг моддий ва маънавий фаровонлиги ҳақида ғамхўрликдир. Шу жиҳатдан олиб қараганда, у корхона раҳбаридан кейин иккинчи шахс бўлиб, у ҳам одамлар олдидаги масъулият ҳиссидан кам эмас.
“Ўзбеккўмир” акциядорлик жамияти “Энергетика ва телекоммуникация тармоқлари” филиали касаба уюшма қўмитаси раиси Аъзам Йўлдошев ва ходимлар бўлими бошлиғи Зарифа Усмоновалар жорий йил бошидан буён корхона касаба уюшма қўмитаси фаолиятида кўплаб эзгу ишлар амалга оширилаётганини эътироф этадилар. Филиалда 290 киши ишлайди, улардан 105 нафари аёллардир. Бу йил йўлланмалар асосида олти нафар ишчи-ходим “Чортоқ”, “Ботаника”, “Замин” санаторийларига дам олиш ва даволаниш учун йўл олди.
Умумхалқ байрамлари ва касб байрамлари ҳамда турли саналарда кам таъминланган, кўп болали ва тўлиқ бўлмаган оилалар вакиллари, шунингдек, 50 нафар ишламайдиган пенсионер мунтазам равишда йўқланиб, уларга озиқ-овқат пакетлари етказиб берилади. Улар орасида корхонанинг собиқ ходими, Афғонистон уруши қатнашчиси Шахобиддин Эргашев ҳам бор.
– Раҳбарият бошчилигидаги филиалнинг кичик, аммо аҳил жамоаси энергетиклари бу ерда узоқ йиллар меҳнат қилганларни унутишмайди, – дейди Зарифа опа, – собиқ ҳамкасбларимизни йўқлаб, саломатлиги ва ҳолидан хабар олиб турамиз. Уларга байрамлар улашилади. Ўтган йили филиал бошлиғи Эркин Эргашев ўқув йили арафасида уч нафар кам таъминланган ва кўп болали оила фарзандларига зарур мактаб жиҳозларини топширди.
Филиал ходимларининг қирқ фоиздан ортиғини меҳнаткаш ёшлар вакиллари ташкил этади. 10-12 нафар касб-ҳунар мактаби ва коллежларини битирган ёшлар филиалга ишга қабул қилинди. Умуман олганда, касба уюшма қўмитаси ишчи-ходимлар манфаатини таъминлаш йўлида барча имкониятларни ишга солмоқда.
Диана Андреева
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish