Korrupsiya haqida xabar berishdan cho‘chimang!
Nashr qilingan sana: 05.12.2024 02:04:22
Korrupsiya har qanday davlat va jamiyatning barcha sohalari rivojlanishiga jiddiy putur yetkazadigan, taraqqiyotni sekinlashtiradigan, davlatni ich-ichidan yemirib boradigan illat. Shu boisdan ham respublikamizda ushbu illatga qarshi davlat siyosatining eng ustuvor yo‘nalishi darajasida kurash olib borilmoqda. Bu borada yuqori samaraga erishishda fuqarolarning faolligi ham o‘ta muhimdir. Ko‘pchilik korrupsiya haqida xabar berishga tayyor, ammo buning oqibatlaridan negadir cho‘chiydi. Vaholanki, bugungi korrupsiyaga oid huquqbuzarlik haqida xabar bergan shaxslarlar nafaqat himoya qilinmoqda, balki shuningdek ularni tegishli tartibda rag‘batlantirish choralari ham ko‘rilgan.
Bu haqida “O‘zbekko‘mir” aksiyadorlik jamiyatida “Korrupsiyaga qarshi kurashish oyligi” tadbirlari doirasida o‘tkazilayotgan davra suhbati va uchrashuvlarda alohida ta’kidlanmoqda.
Korrupsiyaga qarshi kurashish bo‘limi boshlig‘i Erkin Amanov tomonidan “Moddiy ta’minot va ijtimoiy soha” filialida tashkil etilgan davra suhbatlarida korrupsiya va uning oqibatlari, ushbu illatga qarshi amalga oshirilayotgan ishlar xususida so‘z bordi. Jamiyatda ushbu illatni batamom yo‘q qilish uchun masalaning kichik, ahamiyatsiz jihatlarga ham e’tibor qaratish kerak. Xususan, ishga joylashtirish, sex va bo‘linmalarda yuqoriroq lavozimga yoki nisbat yangi texnikaga o‘tkazish bilan bog‘liq qilinayotgani haqida turli mish-mishlar yuradi, ammo hech kim bu to‘g‘rida xabar bermaydi. Bunday korrupsiyaviy holatlarga fuqarolarning faol murosasizligi kuzatilmasa, korrupsiya huqubuzarliklari, ta’magirlik kabi holatlar haqida tegishli davlat idoralarini ogohlantirmasa, xabar bermasa ushbu illatdan butunlay qutilishning iloji yo‘q.
Mamlakatimizda shu yilning 6-dekabridan “Manfaatlar to‘qnashuvi to‘g‘risida”gi Qonun kuchga kirmoqda.
Tadbirda Jamiyatning Korrupsiyaga qarshi kurashish bo‘limi bosh mutaxassisi Murodjon Abduraimov tomonidan qanday holatlar “manfaatlar to‘qnashuvi” sifatida baholanishi, bunday holatlar aniqlanganda qanday chora ko‘rish zarurligi, Qonunchilikda bu borada belgilangan javobgarliklar borasida batafsil tushuncha berildi.
Ta’kidlandiki, ushbu Qonun davlat tashkilotlari faoliyatida urug‘-aymoqchilik, tanish-bilishchilik kabi illatlariga chek qo‘yishga huquqiy asos bo‘ldi. Ushbu hujjatda shaxsiy manfaatdorlik bilan fuqarolarning, tashkilotlarning, jamiyatning yoki davlatning qonuniy manfaatlari o‘rtasida qarama-qarshilik yuzaga kelayotgan vaziyatlarni tartibga solish qoidalari belgilab berilgan.
Tadbirda uning ishtirokchilari mavzu yuzasidan o‘zlarini qiziqtirgan savollarga javoblar oldilar.
Izohlar
Oxirgi yangiliklar:

Ijro intizomi samaradorligini oshirishga qaratilgan seminar
Joriy yilning 15 sentyabri kuni “O‘zbekko‘mir” AJ ijro apparatida “Ijro.gov.uz” ijro intizomi idoralararo yagona elektron tizimining imkoniyatlari va uning amaliyotdagi a...
O'qish
“Moddiy-texnik ta’minot va ijtimoiy soha” filiali ishchi-xodimlari milliy liboslarda faoliyatini davom ettirmoqda
“O‘zbekko‘mir” aksiyadorlik jamiyati tarkibidagi “Moddiy-texnik ta’minot va ijtimoiy soha” filiali jamoasi milliy qadriyatlarimizni ulug‘lash va ma’naviy merosimizni ken...
O'qish
"O'zbekko'mir" AJ "Avtomobil-texnologik transporti" filiali Milliy liboslar targ‘iboti davom etmoqda
“O‘zbekko‘mir" AJ “Avtomobil texnologik transporti” filiali jamoasi Milliy liboslar kuni munosabati bilan har duma kuni o‘z mehnat faoliyatini milliy kiyiml...
O'qish
"Kapital qurilish" filiali tomonidan ehtiyojmand oilalarni qo‘llab-quvvatlash ishlari olib borilmoqda
Mamlakatimizda ijtimoiy himoyaga muhtoj, kambag‘allik reyestriga kiritilgan fuqarolarni har tomonlama qo‘llab-quvvatlash maqsadida tegishli tashkilot va korxonalar zimmas...
O'qish