Konchilar Kasaba uyushmalari kunini nishonladilar
Nashr qilingan sana: 08.11.2024 05:45:29
“O‘zbekko‘mir” aksiyadorlik jamiyatida O‘zbekiston kasaba uyushmalari kuniga bag‘ishlab bir qator ma’naviy-ma’rifiy va sport tadbirlari o‘tkazildi.
8 noyabr kuni Angren shahridagi “Zamin – 2” majmuasida asosiy bayram tadbirni tashkil etildi.
Unda “O‘zbekko‘mir” AJ bosh direktori V.V.Kuznetsov, bosh muhandis Z.Inomxo‘jayev, O‘zbekiston energetika, neft-gaz va geologiya xodimlari kasaba uyushmasi bosh mehnat inspektori S.Saidmahmudov, O‘zbekiston kasaba uyushmalari Federatsiyasi Toshkent viloyat Kengashi vakili S.Erbo‘taev, aksiyadorlik jamiyati Birlashgan kasaba uyushma qo‘mitasi raisi A.Qayumov va boshqalar so‘z olib, yig‘ilganlarni bayram bilan qutladilar.
“O‘zbekko‘mir” aksiyadorlik jamiyati va uning tizimida bugungi kunda olti ming nafarga yaqin xodim mehnat qilmoqda. Keyingi besh yilda ko‘mir qazib olish sur’atlari 3,7 milliondan 6 million tonnaga yetkazildi. Tadbirda jamiyat kasaba uyushma tashkilotlari tomonidan xodimlar manfaatlarini ta’minlash yo‘lida bir qator xayrli ishlar olib borilayotgani alohida ta’kidlandi.
Jarayonda jamiyat kasaba uyushmalari faollari va a’zolarning katta guruhiga O‘zbekiston energetika, neft-gaz va geologiya xodimlari kasaba uyushmasi respublika Kengashi, O‘zbekiston kasaba uyushmalari Federatsiyasi Toshkent viloyat Kengashi hamda “O‘zbekko‘mir” AJ rahbariyati tomonidan Faxriy Yorliq tashakkurnoma hamda esdalik sovg‘alari tantanali ravishda topshirildi.
Kasaba uyushmalari faollarining kichik guruhi III darajali “Konchilik shuhrati” ko‘krak nishoni bilan taqdirlandi.
Bayramona to‘kin dasturxon atrofida o‘tkazilgan bayram tadbirida xushovoz xonanda Gulzoda Xudoynazarova ijrosidagi dilrabo qo‘shiqlar barchaga ko‘tarinki ruh bag‘ishladi.
Ne’mat Dushaev,
“O‘zbekko‘mir” AJ matbuot kotibi
Izohlar
Oxirgi yangiliklar:

Mustaqilligining 34 yilligi munosabati bilan bayram dasturxoni tashkil etildi
Mustaqilligining 34 yilligi munosabati bilan “O‘zbekko‘mir” AJ rahbariyati tomonidan Angren shahridagi “Osiyo” tantanalar zalida keng ko‘lamli bayram dasturxoni tashkil...
O'qish
“Jadidlar” nomli tarixiy-dramatik spektakl namoyish etildi
“O‘zbekko‘mir” AJ "Qurilish montaj ishlari" filialida O‘zbekiston Respublikasi davlat mustaqilligining 34 yilligi munosabati bilan “Vatan uchun, millat uchun, xalq uchun”...
O'qish
Komplayens-nazorat bo‘linmalari xodimlari uchun oʻquv seminari tashkil etildi
2025-yil 5-mart kuni Oʻzbekiston Respublikasi Prezidenti Shavkat Mirziyoyev raisligida boʻlib oʻtgan Korrupsiyaga qarshi kurashish milliy kengashining kengaytirilgan yig...
O'qish
"Uzum sayli"da "O'zbekko'mir" AJ va boshqa hamkor tashkilotlar qatnashdi
Toshkent viloyatining Parkent tumanida an’anaviy "Uzum sayli" keng nishonlandi. Mazkur madaniy-ma’rifiy tadbirda uzum yetishtiruvchi dehqonlar va fermerlarning yutuqlari...
O'qish