2014 йилдан буён Ангрен шаҳрида “Горняк” жамияти фаолият кўрсатмоқда. Жамиятнинг аъзолари уч юз эллик нафар аъзоси  ўтган йилларда кўмир саноатида меҳнат қилган фахрий кончилардир. “Горняк” нодавлат нотижорат ташкилотини Николай Аземкин бошқаради.

– Жамиятимиз аъзолари фақат ўзининг энг яхши йилларини саноатнинг кўмир қазиб олиш корхоналарида ишлашга бағишлаган кишилардан иборат, – дейди Николай Николаевич. − Ҳозир бу одамлар муносиб дам олишмоқда. Аммо, ёши ва қарилик заифлигига қарамай, собиқ кончилар кўпинча байрам учрашувларида бир-бирлари билан суҳбатлашиш, ўтмиш, устозлари ва шогирдлари, вафот этган ўртоқлари ҳақида хотиралар билан бўлишиш учун йиғилишади.
Николай Аземкин 1951 йилда Новосибирск вилоятининг Болотний шаҳрида туғилган, 1976 йилда Прокопевск кончилик коллежини (Кемерово вилояти) тугатган ва кон электромеханиги мутахассислиги бўйича диплом олган. Ўн йилдан ортиқ у Кузбасс конларида ишлаган. Унинг отаси Сибирь конларидан бирида локомотив машинистининг ёрдамчиси бўлиб ишлаган, шунинг учун ўғли ота изидан борган ва кончи бўлган.
Аземкинлар оиласи Ангренга 1986 йилда Сибирдан келган, Николай Николаевич эса 9-шахтада кон устаси, участка бошлиғи вазифасини бажарувчи бўлган. У 17 йиллик ер ости кон ишлари тажрибасига эга. У конга амалий машғулотлар учун келган ёш мутахассисларни тайёрлаш билан шуғулланган. 2002 йилда пенсияга чиқди ва “Ўзбеккўмир” АЖ Фахрийлар кенгаши раиси этиб сайланди, 2014 йилда янги нодавлат-нотижорат ташкилот – “Кончи” жамияти раиси этиб сайланди.
Геннадий Эфин 1941 йилда Новосибирск вилояти Маслянино ишчилар посёлкасида туғилган. 1961 йилда Прокопевск кончилик техникумини, ўн йилдан сўнг Сибирь металлургия институтини тамомлаган.
Меҳнат фаолиятини Прокопевск шаҳридаги 8-конда бошлаган, 1974-йилда Ангренга келган ва тоғ-кон устаси, шундан сўнг Шарқий-Қурама геология-экспедицияси Кўчбулоқ конининг ер ости участкаси бошлиғи бўлган. 1982 йилда Геннадий Алексеевич 9-конда кон устаси бўлиб ишга кирди, сўнгра участка бошлиғининг ўринбосари бўлди. 1991 йилда нафақага чиққан. Геннадий Эфиннинг рафиқаси Татяна Павловна Касяненко Тошкент политехника институтини тамомлагандан сўнг, кетма-кет 30 йил “Ангрен” кўмир конида техник назорат бўлими устаси бўлиб ишлаган.
Конгчила сулоласининг яна бир вакили Икромжон Алимов 1961 йилда Тожикистонда туғилган. Отаси Янгиобод конларидан бирида кончи бўлган, ўғли эса бу шарафли касбни танлашга қарор қилган.
Ёш Икромжон 1986 йилда Ангренга келиб, чорак аср меҳнат қилган 9-конга проходчик бўлиб ишга жойлашди ва 2006 йилда у имтиёзли пенсияга чиққанига қарамай, яна бир неча йил ишлашда давом этди. Турмуш ўртоғи Бегим опа ҳозир ҳам АБКда ҳаммом навбатчиси, тўнғич ўғли Илес Тўйчиев “Ангрен” кўмир конида конвейер машинисти лавозимида меҳнат қилмоқда.

Диана Андрева.
“Ўзбеккўмир” газетаси, 2022 йил 29 апрель сони.