2026-yil 1-mayga qadar mamlakatimizda “Favqulodda vaziyatlardan muhofaza qilish va fuqaro muhofazasi oyligi” doirasida keng ko‘lamli targ‘ibot va tushuntirish ishlari olib borilmoqda.

Mazkur oylik doirasida “O‘zbekko‘mir” aksiyadorlik jamiyatining “Kapital qurilish-montaj ishlari va ijtimoiy soha” filialida ham navbatdagi ma’naviy-ma’rifiy hamda amaliy tadbir tashkil etildi. Filialning faollar zalida o‘tkazilgan ushbu uchrashuvda ishchi-xodimlarga favqulodda vaziyatlarning oldini olish, ularning salbiy oqibatlarini kamaytirish hamda sodir bo‘lgan holatlarda to‘g‘ri harakat qilish bo‘yicha batafsil tushuntirishlar berildi.

Tadbirda jamiyatning fuqaro muhofazasi va favqulodda vaziyatlar bo‘limi mutaxassislari, shuningdek, Tog‘-kon sanoati va geologiya sohasini nazorat qilish inspeksiyasi hamda OFV bo‘linmasi xodimlari ishtirok etib, mavjud xavf-xatarlar, ishlab chiqarish jarayonida yuzaga kelishi mumkin bo‘lgan favqulodda holatlar va ularning oldini olish choralariga alohida to‘xtalib o‘tishdi.

Uchrashuv davomida ishchi-xodimlar tomonidan berilgan savollarga mutaxassislar tomonidan batafsil va asosli javoblar berildi. Tadbir yakunida ishtirokchilarga favqulodda vaziyatlarda tezkor va to‘g‘ri harakat qilish bo‘yicha zarur tavsiyalar taqdim etildi.

Bunday tadbirlar ishchi-xodimlarning bilim va ko‘nikmalarini oshirish, ularning favqulodda vaziyatlarga tayyorgarlik darajasini mustahkamlashda muhim ahamiyat kasb etadi.