Биринчи чоракда республика истеъмолчиларига 1,2 млн.тонна кўмир етказиб берилди
Nashr qilingan sana: 27.04.2022 17:48:21“Ўзбекистон миллий матбуот марказида 27 апрель куни «Ўзбеккўмир» АЖ: биринчи 2022 йил I чорак якунлари ҳамда аҳоли ва бюджет ташкилотларини кўмир маҳсулотлари билан таъминлашнинг устувор вазифалари” мавзусида матбуот анжумани ташкил этилди.
«Ўзбеккўмир» АЖ томонидан 2022 йилда истеъмолчиларга 4,8 миллион тонна кўмир етказиб бериш, жумладан иссиқлик электр станцияларига 2 839,0 минг тонна, бюджет ташкилотларига 518,0 минг тонна ва аҳоли истеъмолчиларига 882,0 минг тонна кўмир етказиб бериш режалаштирилган.
Жамият бош геологи Эркин Жўраев, матбуот котиби Неъмат Душаев, “Кўмир таъминот” МЧЖ мутасаддиси Бахтиёр Узоқов иштирокидаги анжуманда йилнинг 2022 йилнинг 1-чорак якунлари бўйича атрофлича маълумотлар берилди.
Таъкидланганидек, жамиятда январь-март ойлари давомида кон устини очиш ишлари 4,9 млн. куб метр ёки прогонозга нисбатан 71,5 фоиз бажарилди. Кўмир қазиб чиқариш 1,1 млн. тонна ёки прогнозга нисбатан 91,4 фоизга тенг бўлди. Истеъмолчиларга 1,2 млн тонна кўмир етказиб берилиб, бу борадаги режа 100,8 фоизга адо этилди.
Ўтган уч ойда иссиқлик электр станцияларига − 962,8 минг тонна, бюджет ташкилотларига − 20,8 минг тонна, аҳоли истеъмолчиларига − 166,3 минг тонна, биржа савдоларига − 75,2 минг тонна маҳсулот етказиб берилди.
− Маҳаллийлаштириш дастури доирасидаги ишлар ҳам изчил давом эттирилмоқда, − деди Эркин Жўраев. − Дастлабки чоракда тоғ-кон ҳамда ер ости кон ускуналари учун 1,5 млрд. сўмлик эҳтиёт қисмлари ўзлаштирилди ва бу борадаги режа ҳам ортиғи билан уддаланди.
“Кўмир таъминот” МЧЖ мутасаддиси Бахтиёр Узоқов берган маълумотларга кўра, якунланган куз-қиш мавсуми давомида “Кўмир таъминот” масъулияти чекланган жамияти тасарруфидаги 101 ҳудудий кўмир омбори ва савдо шахобчаси мунтазам ишлаб турди. Улар томонидан 2021 йил давомида аҳоли эҳтиёжлари учун 705,0 минг тонна ўрнига 832 минг тонна кўмир маҳсулотлари тарқатилган эди. Аҳоли талабларидан келиб чиқиб, 2022 йилнинг январь-февраль ойларида режага қўшимча яна 144,0 минг тонна кўмир тарқатилди.
2022-2023 йиллар куз-киш мавсуми учун ижтимоий соҳа объектларига 518,0 минг тонна, аҳоли истеъмолчиларига 882,0 минг тонна кўмир маҳсулотларини етказиб бериш режалаштирилган.
Анжуманда журналистлар Ангрен кўмири заҳиралари, қўнғир кўмирнинг ўзига хос хусусиятлари, шунингдек, кончиларнинг заҳматли меҳнат фаолияти ҳамда уларга яратиб берилаётган шароитлар ҳақида ўзларини қизиқтирган саволларга атрофлича жавоблар олдилар.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish