Mehnat jamoasi konferensiyasi bo‘lib o‘tdi
Nashr qilingan sana: 26.09.2023 04:01:21Bugun, 26 sentyar kuni “O‘zbekko‘mir” aksiyadorlik jamiyatida Jamoa shartnomasining bajarilishi yuzasidan Jamiyat mehnat jamoasining konferensiyasi o‘tkazildi.
Jamiyat ijro apparati faollar zalida tashkil etilgan konferensiya ishida ijro apparati, filiallar hamda “Ko‘mir ta’minot” MCHJdan saylangan 47 nafar deputat, hamda jamiyat boshqarmalar, bo‘limlar va xizmatlar boshliqlari, filiallar rahbarlari hamda delegatlar ishtirok etdi.
Konferensiyada “O‘zbekko‘mir” AJda Jamoa shartnomasi bandlarining bajarilishi hamda yangi Mehnat kodeksi talablari asosida 2023-2025 yillarga mo‘ljallab tuzilgan Jamoa shartnomasini qabul qilish masalasi ko‘rib chiqildi.
Jamiyat Birlashgan kasaba uyushma qo‘mitasi raisi A.Qayumov boshqarib borgan tadbirda Ish beruvchi va xodimlar o‘rtasidagi munosabatlarni tartibga soluvchi Jamoa shartnomasi bajarilishi va ushbu hujjatga kiritilayotgan qo‘shimcha va o‘zgartishlar qizg‘in muhokama etildi.
Delegatlar ishchi-xodimlar unumli mehnat qilishi va mazmunli hordiq chiqarishini namunali tashkil etish, mehnatni muhofaza qilish, moddiy va ma’naviy rag‘batlantirishni kuchaytirishga oid ko‘plab takliflarni berdilar.
Konferensiyada Jamoa shartnomasi bandlarining bajarilishi yuzasidan amalga oshirilgan ishlar qoniqarli deb topildi.
Delegatlar Jamiyatning 2023-2025 yillar uchun tuzilgan Jamoa shartnomasi loyihasini tegishli qo‘shimcha o‘zgartishlar bilan qabul qildilar.
Shuningdek, O‘zbekiston energetika, neft-gaz va geologiya xodimlari respublika konferensiyasiga delegatlar saylandi.
Konferensiya ishida Jamiyat bosh direktori V. V. Kuznesov, O‘zbekiston energetika, neft-gaz va geologiya xodimlari kasaba uyushmalari respublika kengashi raisi o‘rinbosari Gʻafurjon Hamidov so‘zga chiqdi.
Jarayonda Ishonchli boshqaruvchi – “Central Asia Energy” MCHJ vakili Rustam Ayxo‘jayev ishtirok etdi.
“O‘zbekko‘mir” AJ Axborot xizmati
Izohlar
Oxirgi yangiliklar:
Brifing: “O‘zbekko‘mir” AJda korrupsiyaga qarshi islohotlar va amaliy ishlar
Ayni kunlarda mamlakatimizda Korrupsiyaga qarshi kurashish oyligi davom etmoqda. Ushbu oylik BMT Bosh Assambleyasining 2003 yil 21 noyabrdagi rezolyusiyasiga muvofiq...
O'qish
Ochiq eshiklar kuni: jamoatchilik bilan uchrashuv
2025-yil 15-dekabr kuni “O‘zbekko‘mir” aksiyadorlik jamiyatida Xalqaro korrupsiyaga qarshi kurashish kuniga bag‘ishlangan “Ochiq eshiklar kuni” tadbiri bo‘lib o‘tdi....
O'qish
Qish keldi, ko‘mirdan muammo yo‘q...mi?
Bu savolga yorug‘ yuz bilan dadil javob berish uchun viloyatimizning har bir go‘shasida kuz-qish mavsumiga tayyorgarlik ishlari puxta olib borildi. Qahraton kund...
O'qish
Konstitutsiyamizning 33 yilligi munosabati bilan spektakli namoyishi
“O‘zbekko‘mir” AJ “Qurilish-montaj ishlari” filiali faollar zalida 8-dekabr – O‘zbekiston Respublikasi Konstitutsiyasining 33 yilligi munosabati bilan filial xodimlari uc...
O'qish