"Oʻzbekkoʻmir" AJ bosh direktori Oʻzbekiston Respublikasi davlat mustaqilligining oʻttiz ikki yillik bayrami munosabati bilan jamiyat ishchi-xodimlariga bir martalik mukofot puli toʻlash to'g'risidagi buyruqqa imzo chekdi

Buyruqqa koʻra, "Oʻzbekkoʻmir" AJ va Birlashgan kasaba uyushma qoʻmitasining 2023-yil 24-avgustdagi 32-sonli qoʻshma qaroriga asosan, mustaqillik bayramini munosib kutib olish va ishchi-xizmatchilarni moddiy va maʼnaviy qoʻllab-quvvatlash maqsadida ishchi-xodimlarga Oʻzbekiston Respublikasida oʻrnatilgan eng kam ish haqi (980 000 soʻm) miqdorida bir martalik pul mukofoti beriladi.

Bundan tashqari qarorda:
- kam ta'minlangan, ko‘p bolali, boquvchisini yo‘qotgan oilalarga, yolg‘iz qolgan keksalarga oziq-ovqat to‘plamlarini tarqatish;
- respublikamizning tarixiy shaharlaridagi ziyoratgohlarga, diqqatga sazovor joylarga sayoxatlar uyushtirish;
- jamiyat filiallari ishchi-xodimlari o‘rtasida sport musobaqalarini o‘tkazish o'rin olgan.

"Oʻzbekkoʻmir" AJ Matbuot xizmati