Ўзбекистон Республикасининг мустақиллиги йиллари етмиш йилдан ортиқ ишлаб чиқариш фаолиятига эга “Ўзбеккўмир” акциядорлик жамияти учун тикланиш ва юксалиш даври бўлди ва бугунги кунда республикадаги йирик кўмир қазиб олувчи ва етказиб берувчи корхоналардан бирига айланди. Сўнгги йилларда саноат кўмир қазиб олинишининг барқарор ўсиши кузатилаётгани қувончлидир.

Бой ишлаб чиқариш тарихига эга бўлган “Ўзбеккўмир” акциядорлик жамияти тасарруфидаги корхоналар ходимлари ўтган икки йил давомида коронавирус пандемияси билан боғлиқ барча синовларга, молиявий қийинчиликларга бардош бериб, жамоавийлик туйғусини сақлаб, шахсий масъулият ва меҳнатсеварлик кўрсатдилар.

Ўзбекистон Республикаси давлат мустақиллигининг 31 йиллик  байрами муносабати билан “Ўзбеккўмир” акциядорлик жамияти маъмурияти номидан ҳурматли кончиларни, шунингдек, мамлакат кўмир саноати фахрийларини чин қалбимдан табриклайман. Кўмир саноати корхоналари жамоаларига машаққатли ва синовли даврда сабот билан иш олиб боргани, кўрсатган ёрдами учун ўз миннатдорчилигимни билдираман.Барчангизга сиҳат-саломатлик, тинч ва осуда осмон, фаровонлик ҳамда юксак меҳнат ютуқларини тилайман!

Владимир КУЗНЕЦОВ,
“Ўзбеккўмир” АЖ бош директори