Bugun, "Oʻzbekkoʻmir" AJ ijro apparati majlislar zalida jamiyat tizimida Yoshlarga oid Davlat siyosatini amalga oshirishga qaratilgan yillik chora-tadbirlar dasturining ijro holati yuzasidan yigʻilish bo'lib o'tdi.

Yoshlar ittifoqi yetakchilar Kengashi raisi Davron Abdurahmonov boshqarib borayotgan yigʻilishda filiallar yoshlar yetakchilarining yanvar-aprel oylarida faoliyati sarhisob qilinib, galdagi vazifalar belgilab olinmoqda. Yigʻilishda filiallar yoshlar yetakchilari amalga oshirilgan ishlar, yutuq va kamchiliklar xususida soʻzlab, hisobot berdilar.
"Shaxta usulida koʻmir qazib olish" filiali yoshlar yetakchisi Zuhriddin Mirashurov: 

- Jamoamizda 270 kishi mehnat qiladi,  shulardan 40 nafarini oʻttiz yoshgacha boʻlgan  yoshlar tashkil etadi. 

"Rahbar va yoshlar"  uchrashuvi tashkil etgan edik.  Rahbarimiz Jahongir Mutalipov yoshlarni qiziqtirgan juda koʻp muammolarni yozib oldi va ularni imkon boricha ijobiy hal etmoqda. 

Filialimizda toʻrt nafar oliy maʼlumotli yigit bir necha yildan buyon oddiy ishchi sifatida ishlab kelayotgan edi. Hozirda ulardan uch nafarining mutaxassisligi boʻyicha lavozimlari oshirildi, biri uchastka boshligʻi,  boshqasi texnolog,  yana biri kon ustasi lavozimida faoliyat koʻrsatmoqda.