Акром Қўчқоров 1977 йилда Тошкент вилоятининг Ангрен шаҳрида туғилган. 1998 йилда “Ўзбеккўмир” АЖ “Ангрен кўмир кони” филиали ўқув марказини конвейер машинистлиги мутахассислиги бўйича томомлаган.

Меҳнат фаолиятни “Қурилиш-монтаж ишлари” филиалида ёрдамчи ишчилигидан бошлаган. 2000 йилдан буён ”Ангрен кўмир кони” филиалида участка конвейер транспорти машинисти лавзомида меҳнат қилиб келмоқда.

− Ҳамкасбимизни Ватанимизнинг юксак мукофотига сазовор бўлгани билан жамоамиз номидан табриклаймиз. Акромжон ўта меҳнаткаш йигит, касбига масъулият билан ёндошади, жонкуяр устоз сифатида шогирдлари ҳам кўп. Энг асосийси, одамгарчилиги бор. Жуда ҳурсандмиз, − дейди  қаҳрамонимиз ҳақида “Ангрен кўмир кони” филиали 16-сонли конвейер транспорти учаткаси бошлиғи Бегжон Холиқов.

Участкада Акром Қўчқоров сингари ўз ишининг устаси бўлган кончилар кўп. Шу боисдан ҳам улар режа- топшриқларни ҳамиша ортиғи билан адо этиб келишмоқда.  Якунланаётган август ойида ҳам иссиқлик электр станциялари ва бюджет ташкилотларига режадаги 175 минг тонна ўрнига 200 минг тоннадан ошириб кўмир жўнатилди.

Юксак мукофот Акром Қўчқоров тимсолида участка жамоаси, Ангрен кончилари машаққатли ва шарафли меҳнатининг давлат миқёсидаги ёрқин эътирофидир.