Бухоро вилоятидаги ижтимоий соҳа объектлари ва аҳолига 2021/2022 - йиллар куз-қиш мавсуми учун жами 45 499 тонна кўмир маҳсулоти етказиб берилиши режалаштирилган эди.

 Жорий йилнинг 10 февраль ҳолатида “Кўмиртаъминот” МЧЖ Бухоро вилоят филиали томонидан 43765,0 тонна махаллий кўмир маҳсулотлари олиб келиниб, шунинг 13 558,0 тоннаси ижтимоий соҳа объектларига, 28099,0 тоннаси  аҳоли ўртасида тарқатилди. Шунингдек, тадбиркорлик субъектлари томонидан 9614,0 тонна импорт кўмир сотилди.

 Жорий куз-қиш мавсуми учун вилоятдаги олис ва бориш қийин бўлган қишлоқ (овул)лари аҳолисига 491,0 тонна кўмир маҳсулотлари етказиб бериш режалаштирилган бўлиб, амалда ушбу режа юз фоиз бажарилди.

 Кам таъминланган, қаттиқ ёқилғи ҳарид қилишда қийналадиган аҳоли қатламларига бу борада кўмак берилди. Бухоро вилоят ҳокимлиги ташаббуси билан “Саҳоват ва кўмак жамғармаси” маблағлари ҳисобидан “Темир дафтарда” турувчи 4301 та хонадонга 1291,0 тонна кўмир маҳсулотлари бепул тарқатилди.

 Бугунги кунда Кўмиртаъминот” МЧЖ Бухоро вилоят филиали тасарруфида Когон, Вобкент, Жондор, Қоракўл, Олот, Ғиждувон кўмир омборлари мавжуд бўлиб, улар томонидан аҳоли ва ижтимоий соҳа объектларига кўмир маҳсулотлари сотиш давом эттирилмоқда.

 Ушбу омборларда 10 февраль ҳолатига 2357.8 тонна кўмир захираси мавжуд.

 Улуғбек Козимов,
 “Кўмир таъминот” МЧЖ Бухоро вилояти филиали раҳбари