Fargʻona viloyati: koʻmir taʼminoti barqarormi?
Nashr qilingan sana: 15.12.2022 06:08:54Fargʻona viloyatida joriy yil kuz-qish mavsumida aholi va ijtimoiy sohalar uchun 316 ming 142 tonna koʻmir yetkazib berilishi rejalashtirilgan. Uning 155 ming tonnasini mahalliy hamda 80 ming tonnasini import qilinadigan koʻmir mahsuloti tashkil etadi.
Ayni kunlarda mavsumdagi mavjud muammolarni hal etish, ijtimoiy obyektlar va aholi xonadonlarini tabiiy gaz, elektr-energiya bilan taʼminlash choralari koʻrilmoqda. Gaz yetib bormagan hududlardagi aholiga ehtiyojlari asosida suyultirilgan gaz va koʻmir mahsulotlari yetkazilmoqda. Bugungi kunga qadar viloyatda ijtimoiy sohalarga 81 ming 142 tonna koʻmir yetkazib berildi. Hududlar kesimida 8 ta koʻmir ombori faoliyat koʻrsatib, bir kunda oʻrtacha 1,5-2 ming tonnaga yaqin koʻmir mahsulotlari isteʼmolchilarga tarqatilmoqda.
Mavsum boshidan buyon mahallalar kesimida aholiga 89 ming tonnadan ziyod mahalliy koʻmir yetkazib berildi. Oʻz navbatida olis va borish qiyin boʻlgan hududlarga, xususan, Soʻx tumani, Fargʻona tumanining "Shohimardon", Beshariq tumanidagi "Vorrux dasht" hamda Rishton tumanidagi "Choʻngʻara" mahalla fuqarolar yigʻini aholisiga 7 ming tonnadan ziyod mahsulot arzon narxlarda yetkazildi.
– Mavsum uchun oilamiz ehtiyojidan kelib chiqib, 0,5 tonna koʻmir olganmiz, – deydi Yozyovon tumanidagi Xonobod qishlogʻida yashovchi Ahliddin Mirzamatov.
Mahalla fuqarolar yigʻini raisi Bahodir Yusupovning maʼlum qilishicha, hududdagi qariyb 300 ta oilaga belgilangan miqdordagi koʻmir toʻliq va oʻz vaqtida yetkazib berilgan.
M.Sulaymonov,OʻzA
Izohlar
Qoraboeva Yoqutxon
21.10.2025 13:41:11Oxirgi yangiliklar:

O‘zbek tili bayramiga bag‘ishlangan ma’naviy tadbir
“O‘zbekko‘mir” aksiyadorlik jamiyatida O‘zbek tili bayrami kuni munosabati bilan qator ma’naviy-ma’rifiy tadbirlar tashkil etilmoqda. Shu munosabat bilan jami...
O'qish
Ona tili– milliy g‘ururimiz, ma’naviy qudratimiz
21 oktabr – O‘zbek tili bayrami munosabati bilan “O‘zbekko‘mir” aksiyadorlik jamiyatida ma’naviy-ma’rifiy tadbir o‘tkazildi. “Angren ko‘mir koni” filialida ta...
O'qish
Bog‘ot tumanidagi ko‘mir ombori faoliyati nazoratga olindi
Ijtimoiy tarmoqlarda tarqalgan Bog‘ot tumanidagi ko‘mir omboridagi holatlar “Ko‘mir ta’minot” MChJ Xorazm viloyati filiali tomonidan nazoratga olindi. Filial dire...
O'qish
Ko‘mir qazib chiqarishdan yetkazib berishgacha bo‘lgan jarayon “O‘zbekko‘mir” AJ nazoratida
Joriy kuz-qish mavsumiga tayyorgarlik doirasida “O‘zbekko‘mir” aksiyadorlik jamiyati tomonidan aholi va byudjet tashkilotlarini arzonlashtirilgan mahalliy ko‘mir bilan ta...
O'qish