Koʻmir omborida sunʼiy navbat hosil qilishga yoʻl qoʻymang!
Nashr qilingan sana: 25.11.2022 03:22:10Ijtimoiy tarmoqda "Namangan viloyati Uchqoʻrgʻon tumanida yoʻq koʻmirga navbatni koʻring!" deb nomlangan videolavha tarqaldi.
"Oʻzbekkoʻmir" AJ Axborot xizmati ushbu videolavhadagi holatni oʻrganib chiqib, quyidagicha maʼlum qiladi:
"Koʻmir taʼminot" MCHJ Namangan viloyat filiali tomonidan Uchqoʻrgʻon tuman aholi xonadonlariga jami 15,2 ming tonna (5,7 ming tonna import koʻmir olib keluvchi tadbirkorlar tomonidan taʼminlanadi) yetkazib berish belgilangan.
Bugungi kun holatiga Uchqoʻrgʻon tuman aholi xonadonlariga jami yil boshidan 11,9 ming tonna yoki 79 foizga yetkazib berish ishlari amalga oshirildi.
Jumladan, joriy yilning 23 noyabr kuni Uchqoʻrgʻon tuman koʻmir omboriga 10 ta vagonda jami 670 tonna mahalliy koʻmir mahsuloti yetkazib berilib, 23-24 noyabr kunlari tuman hokimligi vakili, tuman IIB, milliy gvardiya xodimlari, tuman mahalla va nuroniylarni qoʻllab-quvvatlash boʻlim vakili va boshqa nazorat qiluvchi tashkilotlar bilan birgalikda tuman xokimligi tomonidan berilgan taqsimot asosida aholi isteʼmolchilariga tarqatilgan.
Hozirgi kunda Uchqoʻrgʻon tumanga aholi xonadonlari uchun yoʻlda yana 10 ta vagonda jami 693 tonna mahalliy koʻmir kirib kelmoqda.
Eslatib oʻtamiz, aholi isteʼmolchilari uchun mahalliy koʻmir MYFlar taqdim etgan roʻyxat va mahalliy hokimliklar tasdiqlagan grafik asosida tarqatiladi. Aholi isteʼmolchilaridan ushbu roʻyxat va grafikka amal qilishlari va sunʼiy navbat kelib chiqishiga yoʻl qoʻymasliklarini soʻraymiz.
"Oʻzbekkoʻmir" AJ Axborot xizmati
Izohlar
Oxirgi yangiliklar:
Rasmiy: mahalliy ko‘mirning sifat ko‘rsatkichlari yuzasidan tushuntirish berildi
Ijtimoiy tarmoqlarda aholi ehtiyojlari uchun yetkazib berilayotgan mahalliy ko‘mirning sifat ko‘rsatkichlari yuzasidan turli noto‘g‘ri talqinlar tarqalmoqda. Xususan, ko‘...
O'qish
Ko‘mir sifat ko‘rsatkichlari bo‘yicha haqiqat va manzilsiz tanqidlarga rasmiy munosabat
“XXI asr” gazetasining shu yil 20-noyabrdagi sonida chop etilgan “Gap ko‘p-u, ko‘mir ozmi?!” sarlavhali maqolada aholini ko‘mir bilan ta’minlash masalalari bayon etilgan...
O'qish
Ko‘mir qazib olishda innovasion yondashuvlar muhokama qilindi
“O‘zbekko‘mir” AJ va MTTU MISiS Olmaliq filiali o‘rtasidagi hamkorlik memorandumi doirasida jamiyat mutaxassislari, professor-o‘qituvchilar va talabalar ishtirokida uchra...
O'qish
Aksilkorrupsiya oyligi doirasida tadbirlar amalga oshirilmoqda
“O‘zbekko‘mir” aksiyadorlik jamiyatida mamlakatimizda o‘tkazilayotgan “Korrupsiyaga qarshi kurashish oyligi” doirasida tizimli ishlar va ma’naviy-ma’rifiy tadbirlar...
O'qish