Коррупция жамиятни турли йўллар билан исканжага оладиган даҳшатли иллатдир. Ўзбекистон Республикаси Президентининг 2021 йил 6 июлдаги қарорига кўра,  2021 йилнинг 1 октябридан бошлаб, барча давлат органлари ва ташкилотларида  коррупцияга қарши ички назорат тузилмалари фаолиятини йўлга қўйиш белгиланган эди. Ушбу ҳужжатдан келиб чиқиб, "Ўзбеккўмир" акциядорлик жамиятида ҳам коррупцияга қарши кураш хизмати (комплаенс) ташкил этилган.

Ички назорат тузилмалари коррупция ҳолатларини барвақт аниқлаш ва олдини олиш, уларнинг сабаб ва шарт-шароитларини бартараф этиш, манфаатлар тўқнашувига йўл қўймаслик ҳамда коррупцияга нисбатан муросасиз муносабатни шакллантириш чораларини кўришга масъул ҳисобланади.

Шундан келиб чиқиб, Сиз "Ўзбеккўмир" акциядорлик тизимидаги корхоналарда қонунбузарлик ва коррупция ҳолатларига дуч келсангиз, (78) 148 30 03 ишонч телефонига ёки +99899 091 1765 телефон рақами орқали бевосита "Ўзбеккўмир" АЖ коррупцияга қарши курашиш хизмати бошлиғига мурожаат қилишингиз мумкин.

Ҳар бир мурожаат шахсан "Ўзбеккўмир" АЖ бош директори назорати остида қонунда белгиланган тартибда кўриб чиқилади.

Мурожаатлар жисмоний шахснинг илтимосига кўра, унинг шахсига доир бирон-бир маълумот ошкор этилмаган ҳолда ўрганилади ва ўрганиш натижалари бўйича ҳужжатлар зарур ҳолларда қонуний баҳо бериш учун тегишли ваколатли ҳуқуқни муҳофаза қилувчи органларга тақдим этилади.

"Ўзбеккўмир" АЖ Ахборот хизмати