Korrupsiyaga qarshi kurashishning konstitutsiyaviy asoslari
Nashr qilingan sana: 06.12.2022 08:22:22Jamiyatda shunday illatlar borki, u maʻlum bir sohaga emas, balki butun jamiyat taraqqiyotiga toʻgʻanoq boʻladi. Davlatni ich-ichidan yemiradigan ana shunday illat – korrupsiya va poraxoʻrlikdir. Shu boisdan ham har bir davlatda korrupsiyaga qarshi kurashish siyosatini amalga oshirishda KONSTITUTSIYA asosiy mezon boʻlib xizmat qiladi. Oʻzbekistonda ham mazkur sohada amalga oshirilayotgan islohotlar Konstitutsiyamizda belgilangan mezonlarga tayangan holda amalga oshirilmoqda.
"Oʻzbekkoʻmir" aksiyadorlik jamiyatida "Korrupsiyaga qarshi kurashishning Konstitutsiyaviy asoslari" mavzusida oʻtkazilgan maʼnaviy-maʻrifiy tadbirda yuqoridagi fikrlar alohida qayd etildi.
Oʻzbekiston Respublikasi Konstitutsiyasi qabul qilinganining 30 yilligi va Xalqaro Korrupsiyaga qarshi kurashish kuniga bagʻishlab "Qurilish-montaj ishlari" filialida tashkil etilgan tadbirni jamiyat Birlashgan uyushma qoʻmitasi raisi Abdunosir Qayumov kirish soʻzi bilan ochib berdi.
Jamiyat komplayens nazorat xizmati rahbari Erkin Amanov kun tartibidagi masala yuzasidan maʼruza qildi.
Yangi Oʻzbekiston taraqqiyot strategiyasi doirasida ilgari surilayotgan keng koʻlamli vazifalar, xususan adolatli va xalqparvar davlatni barpo etish, inson huquq va manfaatlari, qadr-qimmatini yanada samarali taʻminlash kabi ulugʻvor maqsadlar ularni amalga oshirishga zarur huquqiy asosni taʼminlovchi Konstitutsiyaviy makonni yanada takomillashtirish extiyojini kun tartibiga qoʻymoqda. Shu maqsadda ayni kunlarda Oʻzbekiston Konstitutsiyasiga oʻzgartirishlar kiritish va tashkiliy chora-tadbirlarni amalga oshirish maqsadida Konstitutsiyaviy komissiya ish olib bormoqda. Joriy yilning 24 iyun kuni Oliy Majlis Qonunchilik palatasi tomonidan "Oʻzbekiston konstitutsiyasiga oʻzgartish va qoʻshimchalar kiritish toʻgʻrisida"gi konstitutsiyaviy qonun loyihasi birinchi oʻqishda qabul qilindi. Unga koʻra, Konstitutsiyaning 64 ta moddasiga 200 dan ortiq oʻzgartirishlar 6 ta yangi modda bilan 16 ta norma kiritilmoqda.
Tadbirda E.Amanov Konstitutsiyaga kiritilayotgan korrupsiyaga qarshi kurashishga oid normalar xususida maʻlumot berib oʻtdi.
Taʻkidlandiki, Konstitutsiyamizga korrupsiyaga qarshi kurashishga oid normalarning kiritilishi, birinchidan – shaxsning, ikkinchidan – jamiyatning, uchinchidan – parlamentning, toʻrtinchidan – Korrupsiyaga qarshi kurashish agentligining faolligi va imkoniyatlari hamda masʻuliyatini oshirishga xizmat qiladi.
Tadbirda jamiyatda korrupsiyaga qarshi kurashish borasida amalga oshirilayotgan ishlar xususida maʻlumot berilib, ushbu illatga qarshi birgalikda kurashish nechogʻlik muhimligiga alohida eʼtibor qaratildi.
Izohlar
Oxirgi yangiliklar:

Ona tili– milliy g‘ururimiz, ma’naviy qudratimiz
21 oktabr – O‘zbek tili bayrami munosabati bilan “O‘zbekko‘mir” aksiyadorlik jamiyatida ma’naviy-ma’rifiy tadbir o‘tkazildi. “Angren ko‘mir koni” filialida ta...
O'qish
Bog‘ot tumanidagi ko‘mir ombori faoliyati nazoratga olindi
Ijtimoiy tarmoqlarda tarqalgan Bog‘ot tumanidagi ko‘mir omboridagi holatlar “Ko‘mir ta’minot” MChJ Xorazm viloyati filiali tomonidan nazoratga olindi. Filial dire...
O'qish
Ko‘mir qazib chiqarishdan yetkazib berishgacha bo‘lgan jarayon “O‘zbekko‘mir” AJ nazoratida
Joriy kuz-qish mavsumiga tayyorgarlik doirasida “O‘zbekko‘mir” aksiyadorlik jamiyati tomonidan aholi va byudjet tashkilotlarini arzonlashtirilgan mahalliy ko‘mir bilan ta...
O'qish
Davlat tilida ish yuritish bo‘yicha seminar o‘tkazildi
“O‘zbekko‘mir” aksiyadorlik jamiyati O‘quv markazida davlat tilida ish yuritish bo‘yicha o‘quv seminari bo‘lib o‘tdi. Jamiyat tasarrufidagi filiallarda faoliyat yurit...
O'qish