Korrupsiyani birgalikda yengamiz!
Nashr qilingan sana: 07.12.2022 14:38:35"9 dekabr – Xalqaro korrrupsiyaga qarshi kurashish kuni" munosabati bilan respublikamiz boʻylab aksilkorrupsiya haftaligi tadbirlari oʻtkazilmoqda.
Bugun "Oʻzbekkoʻmir" aksiyadorlik jamiyatida ham "Korrupsiyani birgalikda yengamiz!" mavzusida seminar-trening tashkil etildi.
Tadbirda xalqaro auditor Ravshan Azimov, Angren shahar prokurorining katta yordamchisi Shamsixon Odilova, jamiyat tarkibiy tuzilmalari rahbarlari va xodimlari hamda ommaviy axborot vositalari vakillari ishtirok etdi.
Yangi Oʻzbekistonda korrupsiyaga qarshi kurashish sohasida muhim tashkiliy-huquqiy islohotlar amalga oshirilmoqda. Ilk bor korrupsiyaviy xavflarni aniqlash va tizimli tahlil qilish, ularni keltirib chiqaruvchi omillarni bartaraf qilish uchun masʼul boʻlgan alohida organ ‒ Korrupsiyaga qarshi kurashish agentligi tashkil etildi. Davlat hokimiyati organlari va yirik xoʻjalik yurituvchi subyektlarda, shu jumladan, "Oʻzbekkoʻmir" AJda ham korrupsiyaga qarshi ichki nazorat tuzilmasi faoliyati yoʻlga qoʻyildi.
Jamiyat komplayens nazorat xizmati boshligʻi Erkin Amanov kirish soʻzi bilan ochib bergan va boshqarib borgan tadbirda korrupsiya dunyoning koʻplab mamlakatlaridagi eng dolzarb muammolardan biri hisoblanishi, u jiddiy ijtimoiy, maʻnaviy, iqtisodiy va siyosiy muammolar keltirib chiqarishi, bu hol davlat organlari faoliyatiga salbiy taʻsir koʻrsatishi alohida taʻkidlandi. ISO 37001:2016 xalqaro standarti korrupsiyaga qarshi kurashishning samarali tizimini yaratishning xalqaro usullarini oʻzida jamlagan boʻlib, u korrupsiyaga qarshi mukammal boshqaruv tizimini yoʻlga qoʻyishga xizmat qiladi.
Seminar-treningda yetakchi xalqaro auditor Ravshan Azimov "ISO 37001:2016 xalqaro standarti talablari asosida korrupsiyaga qarshi kurashish yoʻllari" mavzusidagi maʻruzasi bilan ishtirok etdi.
Tadbirda ishtirokchilari mavzu yuzasidan oʻzlarini qiziqtirgan savollarga atroflicha javoblar oldilar.
Izohlar
Oxirgi yangiliklar:
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish