Prezidentimiz Shavkat Mirziyoyevning tegishli Farmoniga muvofiq taʼsis etilgan "Oʻzbekiston Konstitutsiyasining 30 yilligi" esdalik nishoni bilan koʻplab yurtdoshlarimiz taqdirlandi.

Bugun mazkur mukofotga munosib koʻrilgan "Oʻzbekkoʻmir" AJ xodimlariga esdalik nishonlari tantanali ravishda topshirildi.

Tadbirda mamlakatimizning iqtisodiyotining rivojlanish yoʻlidagi erishilgan natijalarda energetika sohasi fidoyilari, xususan, korxonamiz mutaxassislarining ham alohida hissasi borligi taʼkidlandi.

Davlatimiz rahbarining eʼtiboriga sazovor boʻlgan xodimlar bu mukofotlar el-yurt oldidagi xizmatlarining yuksak eʼtirofi ekanini aytib, minnatdorlik bildirdi.