O‘g‘irlangan 3 tonna ko‘mir ortga qaytarildi
Nashr qilingan sana: 22.06.2023 14:57:03Huquqbuzar A.T., 2023 yil 3 iyun kuni taxminan soat 18:00larda “Apartak” ko‘mir koni hududidan qiymati 1.239.000 so‘mlik BR 0-200(300) markali 3000 kg. ko‘mir mahsulotini noqonuniy ravishda, hech qanday hujjatlarsiz olib ketayotgani Milliy gvardiya xodimlari tomonidan aniqlandi va ushbu mahsulot xolislar ishtirokida qaytarib olinib, “Angren” ko‘mir koniga topshirildi.
X.T. 1996 yilda Angren shahrida tug‘ilgan, ma’lumoti o‘rta-maxsus, oilali, nafaqada. U jinoyat ishlari bo‘yicha Angren shahar sudida 2023 yil 14 iyun kuni sudya: J.Kuldashev raisligida o‘tkazilgan ochiq sud majlisida aybini to‘liq bo‘yniga oldi va qilmishidan pushaymonligini bildirdi. Oilaviy sharoiti og‘ir va yagona boquvchi ekanligini aytib, sudda nisbatan yengilroq jazo berishni so‘radi.
Tanish holat. Ko‘mir konida o‘g‘irlik bilan qo‘lga tushganlar odatda ana shunday vajlarni keltirishadi. Oilaviy sharoitning og‘irligi va moddiy yetishmovchilik davlat mulkini talon-taroj qilishga asos bo‘lolmaydi. Ko‘mir mahsuloti minglab kishilar peshona teri evaziga mashaqqat bilan qazib olinayotgan boylik va uning egasi, so‘rovi bor.
Sud jinoiy ishni ko‘rib chiqib, huquqbuzarning oilaviy sharoiti va iltimosini e’tiborga olib, qaror qabul qilishda bag‘rikenglik qildi: huquqbuzar O‘zbekiston Respublikasi MJtK 61- moddasining 1-qismi bilan aybli deb topilib, unga bazaviy hisoblash miqdorining uch baravari miqdorida jarima belgilandi.
Huquqbuzar va o‘g‘irlikka moyil shaxslar, umuman, barcha-barcha bundan to‘g‘ri xulosa chiqarishi va qing‘ir ishlarga aslo qo‘l urmasligi kerak.
Ma’lumot uchun: joriy yil boshidan buyon Milliy gavardiya, Qo‘riqlash bo‘limi hamda Angren shahar IIB bilan hamkorlikda olib borilgan tezkor tadbirlar natijasida "O‘zbekko‘mir" AJ mulkini talon-taroj qilish bilan bog‘liq 61 holat aniqlandi va 37 059 430 so‘mlik tovar-moddiy boyliklar to‘xtatib qolindi. Huquqbuzarlarga nisbatan sud tomonidan 36 090 000 so‘mli jarima jazosi belgilandi.
N.Mustafoqulov,
Angren shahar Milli gvardiyasi Qo‘riqlash bo‘lim boshlig‘i, kapitan
Izohlar
Oxirgi yangiliklar:
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish