Қаҳрамонлар хотираси унутилмайди
Nashr qilingan sana: 06.05.2022 19:08:29Инсон хотира билан тирик, қадр билан улуғ. Ўтганларни, уларнинг хайрли ишларини, жасоратини ёдга олмоқ, эъзозламоқ халқимизга хос эзгу фазилатлардандир.
«Ўзбеккўмир» АЖ “Ангрен кўмир кони” филиалида 9 май – Хотира ва қадрлаш кунига бағишлаб тадбир ўтказилди.
Филиал раҳбари Александр Михайлович Корчагин кириш сўзи билан очиб берган тадбирда Таъкидланганидек, мамлакатимизда 1999 йили 9 май куни Ўзбекистон пойтахтида Хотира майдони очилди. Ушбу кундан бошлаб 9 май – Хотира ва қадрлаш куни умумхалқ байрами кенг нишонланиб келинмоқда.
− Хотира ва қадрлаш тушунчаси жуда чуқур маънога эгадир. Ушбу кунда фашизмга қарши курашларда қатнашган, ўз Ватанини ҳимоя қилишда жонига фидо қилган, шунингдек, халқ орзу қилган эркинлик учун курашган, юрт равнақи йўлида захмат чекиб меҳнат қилган азиз кишиларнинг руҳини шод этиб эслаш, уруш ва меҳнат фахрийларини эъзозлаш, уларга ҳурмат-эҳтиром кўрсатиш ҳам фарз ҳам қарздир, − деди тадбирда сўз олган Ўзбекистон мусулмонлари идораси вакили Суннатилло домла Эргашев. – Хусусан инсоният иккинчи жаҳон урушида қатнашган, бу аёвсиз жангу жадалда каҳрамонларча ҳалок бўлганлар хотирасини асло унутмайди.
Бугунги кунда ИИ жаҳон уруши қатнашчилари сафи тобора сийраклашиб бормоқда. Президент Фармонига мувофиқ урушнинг бутун заҳматини чекиб, шу кунларга соғ-омон етиб келган табаррук отахону онахонларимизнинг ҳар бирига 15 000 000 сўм миқдорида бир марталик пул мукофоти, “Янги Ўзбекистон» мажмуасидаги “Мустақиллик монументи”нинг статуэткали қимматбаҳо совға ва Президент табриги, шунингдек вазирлик ва идоралар, ҳокимликлар томонидан таъсис этилган совғалар топширилмоқда.
Айни пайтда «Ўзбеккўмир» АЖ тизимида меҳнат қилган уруш ва меҳнат фахрийлари хотираси ёдга олиниб, бугунги кунда кексалик гаштини сураётган кекса ёшдаги кончиларга ҳурмат-эҳтиром кўрсатилмоқда.
«Ўзбекконсерт» давлат муассасаси хонадаси Хурижон Мадраҳимова ижросидаги қўшиқлар тадбир иштирокчиларига кўтаринки кайфият бағишлади.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish