Samarqand viloyatida aholiga koʻmir tarqatish qanday bormoqda?
Nashr qilingan sana: 09.12.2022 17:01:29Bugun aholining energiya resurslariga talabi har qachongidan ham ortgan. Elektr energiyasi va tabiiy gaz taʼminotidagi muammolar sabab yurtdoshlarimizning suyultirilgan gaz va koʻmirga ehtiyoji koʻpaygan.
"Hududgaz Samarqand" gaz taʼminoti filialidan maʼlum qilishlaricha, viloyatning 809 mahallasidagi 498 mingdan ortiq xonadon suyultirilgan gaz oladi. Bugungi sovuq kunlarda filialga qarashli 6 ta va 2 ta xususiy gaz toʻldirish shoxobchasi orqali har kuni oʻrtacha 250 tonna suyultirilgan gaz aholiga tarqatilmoqda. Buning uchun 100 dan ortiq transport vositasidan samarali foydalanilmoqda.
"Koʻmir taʼminot" masʼuliyati cheklangan jamiyati Samarqand filiali tomonidan esa viloyatning gazlashtirilmagan hududlarida yashovchi aholiga mahallalarning buyurtmasi asosida koʻmir mahsulotlari tarqatilmoqda.
– Bu yilgi mavsumda viloyat boʻyicha ijtimoiy soha muassasalariga 46 ming 940 tonna, aholiga esa 118 ming tonna koʻmir yetkazib berishimiz kerak, – deydi "Koʻmir taʼminot" MCHJ Samarqand filiali rahbari Sayfiddin Jumanov. – Ijtimoiy soha muassasalari shu yilning may-iyun oylarida zarur miqdorda koʻmir bilan taʼminlandi. SENTABR oyidan buyon temiryoʻl stansiyalarida joylashgan 8 ta ombor hamda Qoʻshrabot va Urgut tumanlaridagi 4 ta savdo shoxobchamiz orqali aholiga koʻmir mahsulotlari tarqatilmoqda. Buning uchun hokimliklar tomonidan mahallalar kesimida roʻyxat va buyurtmalar shakllantirilgan. Ushbu roʻyxat asosida isteʼmolchilarga koʻmirning bir tonnasi 300 ming 300 soʻmdan berilmoqda. Shu paytgacha keltirib tarqatilgan koʻmirning miqdori 67 ming tonnadan oshdi. Jumladan, viloyatimizning olis hududlari aholisiga 19191 tonna, ijtimoiy-iqtisodiy sharoiti ogʻir mahallalarga 17209 tonna koʻmir yetkazib berildi. Bugungi kun holatida omborlarimizda 2589 tonna koʻmir bor va tumanlarga tarqatilyapti. Erta-indin yana 3450 tonna koʻmir keltiriladi. Yil yakuniga qadar belgilangan miqdorda koʻmir olib kelinib, isteʼmolchilarga yetkazib beriladi.
Gʻ.HASANOV, OʻzA
Izohlar
gTJZYvkjWUB
13.12.2022 07:57:50uEkYFSRtjMq
13.12.2022 07:57:48yUYvPmWf
13.12.2022 07:57:42qiCvWwEneVd
13.12.2022 07:57:39Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish