“Ўзбеккўмир” акциядорлик жамияти офисида “Дўстлик” ордени билан тақдирланган “Ангрен кўмир кони” филиали экскаватор машинисти Абдураим Сармановни юксак мукофот билан қутлаш маросими бўлиб ўтди.

Маросимда Бирлашган касаба уюшма қўмитаси раиси Абдуносир Қаюмов сўзга чиқди. Абдураим Сармановнинг Ватанимиз мустақиллигининг ўттиз йиллиги арафасида Президент фармони билан юксак мукофотга сазовор бўлгани заҳматкаш кончининг кўп йиллик самарали меҳнати, қолаверса, кўмир саноати ходимлари фаолиятига берилган юксак баҳо эканини алоҳида таъкидлади.

“Дўстлик” ордени соҳибига Ўзбекистон энергетика, нефт-газ ва геология ходимлари касаба уюшмаси қўмитаси республика кенгашининг фахрий ёрлиғи ҳамда эсдалик совғаси тантанали равишда топширилди.