Маълумки, Ўзбекистон Республикаси Президентининг 2021 йил 22 июлдаги ПҚ-5189-сонли қарори билан вазирликлар, давлат қўмиталари, давлат бошқарувининг бошқа органлари  ва хўжалик бирлашмалари раҳбарлари ўринбосарларининг фаолияти самарадорлигини баҳолаш тизимини жорий этиш белгиланган эди. (https://lex.uz/docs/5521182)

Мазкур ҳужжат асосида Вазирлар Маҳкамасининг 2021 йил  28 июлдаги  қарори  билан  вазирликлар, давлат қўмиталари,  давлат бошқарувининг бошқа  органлари ва хўжалик бирлашмалари раҳбарлари ўринбосарларининг фаолияти самарадорлигини ҳамда  мақсадли вазифаларга эришишларини  баҳолашнинг асосий мезонлари тасдиқланди.

 (https://lex.uz/docs/5534224)Ўз навбатида “Ўзбеккўмир”  АЖ  бош муҳандиси ва бош директори ўринбосарлари фаолияти самарадорлигининг  (KPI) асосий кўрсаткичлари тасдиқланди. Унга кўра, 2021 йилнинг иккинчи ярим йиллигидан бошлаб, KPI тизими бўйича баҳолаш натижалари ҳақида жамоатчилик ҳар чоракда хабардор қилиб борилади.

“Ўзбеккўмир” АЖ бош муҳандиси Зафар Иномхўжаев томонидан 5 та мезондан иборат баҳолашнинг асосий мезонлари асосида  5 та кўрсаткич амалга оширилмоқда.

Жорий йил III чорак якуни билан “Ўзбеккўмир” АЖ бош муҳандисининг фаолияти умумий самарадорлик кўрсаткичи (УСК) 87,5 фоизни ташкил этган. Ҳисобот даврида  3 та кўрсаткич тўлиқ бажарилган ва фаолият кўрсаткичлари ижроси “яхши” деб баҳоланди.

“Ўзбеккўмир” АЖ бош директорининг  қурилиш, маҳаллийлаштириш, саноатда кооперация  алоқаларини кенгайтириш ва ахборот коммуникация  технологияларини ривожлантириш масалалари бўйича биринчи ўринбосари Алижон Мираҳмедов томонидан 5 та мезондан иборат баҳолашнинг асосий мезонлари асосида 9 та кўрсаткич амалга оширилмоқда.

Жорий йил III чорак якуни билан “Ўзбеккўмир” АЖ бош директорининг  қурилиш, маҳаллийлаштириш, саноатда кооперация  алоқаларини кенгайтириш ва ахборот коммуникация  технологияларини ривожлантириш масалалари бўйича биринчи ўринбосари фаолияти умумий самарадорлик кўрсаткичи 101,5 фоизни ташкил этган ва фаолият кўрсаткичлари ижроси “аъло” деб баҳоланди.

“Ўзбеккўмир” АЖ бош директорининг  иқтисод ва молия масалалари бўйича ўринбосари Эркин Якубов томонидан 7 та мезондан иборат баҳолашнинг асосий мезонлари асосида 8 та кўрсаткич амалга оширилмоқда.

Жорий йил III чорак якуни билан жамият бош директорининг  иқтисод ва молия масалалари бўйича ўринбосари фаолияти умумий самарадорлик кўрсаткичи (УСК) 157,7 фоизни ташкил этган ва фаолият кўрсаткичлари ижроси “аъло” деб баҳоланди.

 “Ўзбеккўмир” АЖ бош директорининг  режим ва кадрлар  масалалари бўйича ўринбосари Нурали Талабаев томонидан 3 та мезондан иборат баҳолашнинг асосий мезонлари асосида 3 та кўрсаткич амалга оширилмоқда.

Жорий йил III чорак якуни билан жамият бош директорининг  режим ва кадрлар  масалалари бўйича ўринбосари фаолияти умумий самарадорлик кўрсаткичи (УСК) 105,0 фоизни ташкил этган ва фаолият кўрсаткичлари ижроси “аъло” деб баҳоланди.

“Ўзбеккўмир” АЖ Ахборот хизмати