2022 yilda qancha murojaat kelib tushdi?
Nashr qilingan sana: 06.02.2023 12:01:222022 yil davomida "Oʻzbekkoʻmir" AJga jami 231 ta, shundan yuridik shaxslar tomonidan 14 ta (6%), jismoniy shaxslar tomonidan 217 ta (94%) murojaatlar kelib tushgan.
Ushbu murojaatlar mazmuniga koʻra quyidagicha:
‒ koʻmir yetkazib berish va sifati boʻyicha kelib tushgan murojaatlar ‒26 ta;
‒ mehnat munosabatlari masalasi boʻyicha ‒ 178 ta;
‒ oylik maosh masalalari boʻyicha ‒ 8 ta;
‒ rahbar va mansabdor xodimlarning noqonuniy hatti-harakatlari masalalari ‒ 1 ta;
‒ moddiy yordam masalasi boʻyicha ‒ 4 ta;
‒ boshqa turli masalalar boʻyicha ‒ 14 ta.
Kelib tushgan 231 ta murojaatning 54 tasi (23,3%) ijobiy hal qilingan, 136 tasi (58,8%)ga tushuntirish berilib, 11 tasi (4,7%) rad etilgan.
Bundan tashqari "Oʻzbekkoʻmir" AJ telegram-boti orqali jami 5 ta murojaat qabul qilingan boʻlib, shulardan 2 tasi ijobiy hal etildi, 2 tasi boʻyicha tushuntirish berildi, 1 tasi esa koʻrib chiqilmoqda.
"Oʻzbekkoʻmir" AJning "Ishonch telefoni"ga yil davomida 7 ta murojaat kelib tushdi va ularda koʻtarilgan masala ijobiy hal etildi.
Murojaatlar orasida mehnat munosabatlari boʻyicha murojaatlar soni koʻp. Qayd etish kerak, jamiyat korxonalarida mavjud boʻsh ish oʻrinlari haqidagi maʼlumotlar muntazam ravishda yangilangan holda rasmiy veb-saytda joylashtirib borilmoqda. Afsuski, ish soʻrab murojaat qilayotgan talabgorlarning mutaxassisligi ushbu boʻsh ish oʻrinlariga har doim ham toʻgʻri kelmaydi. Shu bilan birga koʻpchilikda arizalarni onlayn topshirish koʻnikmasi yetarli shakllanmagan. Ular arizalarni onlayn topshirishda texnik yordamga muhtoj. Shu boisdan telegramda maxsus bot ochildi va bugungi kunda mutaxassislarimiz murojaatchilarning mavjud boʻsh ish oʻrinlari va ular boʻyicha onlayn ariza yuzasidan murojaatlari boʻyicha tushuntirish va yoʻnalishlar berib bormoqdalar.
Murojaatlar orasida ish haqi bilan bogʻliq murojaatlar ham koʻp boʻldi. Jamiyat ijro apparati bosh hisobxonasi tomonidan ushbu murojaatlar doimiy oʻrganib, imkon qadar ijobiy hal etib borilmoqda.
Bugungi kunda ish haqini vaqtida toʻlash boʻyicha mavjud muammolar bartaraf etilgan.
Qutlugʻ Teshabayev,
"Oʻzbekkoʻmir" AJ fuqarolar murojaati boʻyicha yetakchi mutaxassisi
Izohlar
Allamuratov Merdon Urazbayevich
13.02.2023 11:16:10Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish