“Angren” ko‘mir konida maxsus-taktik o‘quv mashqi o‘tkazildi
Nashr qilingan sana: 11.03.2025 07:19:07
Joriy yilning 11-mart kuni “O‘zbekko‘mir” AJ “Angren ko‘mir koni” filialida “Favqulodda vaziyatlar sodir bo‘lganda ob’ekt tuzilmalarining shahar fuqaro muhofazasi xizmatlari bilan hamkorlikdagi harakatlari” mavzusida maxsus-taktik o‘quv mashqi o‘tkazildi.
Mazkur tadbir O‘zbekiston Respublikasi Fuqaro muhofazasi boshlig‘ining va Toshkent viloyati Fuqaro muhofazasi boshlig‘ining tegishli buyruqlari ijrosini ta’minlash maqsadida tashkil etildi. Mashg‘ulot uch bosqichda amalga oshirildi.
Birinchi bosqichda “Angren ko‘mir koni” filialining 12-bo‘limida shartli zilzila natijasida 1 nafar ishchi-xodim elektr temir ustunlar ostida qolgan holda jarohatlanganligi aniqlandi. Fuqaro muhofazasining sanitar-drujinasi tomonidan birinchi tibbiy yordam ko‘rsatilib, qutqaruv guruhi tomonidan qutqaruv ishlari bajarildi. Jabrlangan shaxs tez tibbiy yordam xizmati orqali shahar markaziy shifoxonasiga yetkazildi.
Ikkinchi bosqichda 53-bo‘limda joylashgan 3-5 konveyer liniyasida shartli zilzila natijasida yana bir nafar ishchi jabrlanganligi aniqlandi. Unga birinchi tibbiy yordam ko‘rsatilib, 2-Alohida harbiylashtirilgan kon-qutqaruv bo‘linmasi tomonidan qutqaruv ishlari olib borildi. Jabrlangan shaxs markaziy shifoxonaga yuborildi.
Uchinchi bosqichda 12-uchastkada zilzila natijasida yong‘in chiqqanligi haqida xabar kelib tushdi. Aloqa va xabar berish guruhi tomonidan tezkor ravishda barcha xizmatlar ogohlantirildi. Yong‘inni bartaraf etish uchun 53-Kasbiylashtirilgan yong‘in-qutqaruv qismi jalb etildi va yong‘in muvaffaqiyatli o‘chirildi.
S o‘nggi bosqic o‘quv mashqi jarayonida shartli zilzila paytida filial hududida radiatsiya nurlari aniqlanganligi belgilandi. Radioaktiv zona maxsus lenta bilan o‘rab olinib, tegishli belgi o‘rnatildi.
Maxsus-taktik o‘quv mashqida 58 nafar ishchi-xodim hamda 10 ta maxsus texnika ishtirok etdi. Tadbir yakunida “Angren ko‘mir koni” filiali favqulodda vaziyatlarga tayyorlik bo‘yicha “Cheklangan tayyor” deb baholandi.
Izohlar
Oxirgi yangiliklar:

“O‘zbekko‘mir” AJ Bosh direktori N.U. Dusmatovninhg bayram tabrigi
Hurmatli konchilar va ko‘mir sanoati faxriylari! Qadrli hamkasblar! Barchangizni kasb bayramingiz bilan samimiy tabriklayman. Mana, 2001 yildan buyon maml...
O'qish
Milliy liboslar bayramlarda ayniqsa yarashadi
“O‘zbekko‘mir” aksiyadorlik jamiyatida haftaning har jumasi ‒ “Milliy liboslar kuni” sifatida nishonlanmoqda. Bu galgi “Milliy liboslar” chellenji Konchilarni...
O'qish
Konchilar mehnati e’tirof etildi
18-may – O‘zbekiston konchilik va metallurgiya sanoati xodimlari kuni! Shu munosabat bilan 16-may kuni “O‘zbekko‘mir” aksiyadorlik jamiyatida kasb bayramiga bag...
O'qish
“Eng yaxshi ixtirochi” tanlovida ishtirok eting!
“O‘zbekko‘mir” AJ bosh direktorining “Eng yaxshi ixtirochi” tanlovini tashkil etish to‘g‘risida” 145-sonli buyrug‘i qabul qilindi. O‘zbekiston Respublikasi Prezi...
O'qish