Angren konchilari – umumxalq xayriya hasharida
Nashr qilingan sana: 16.03.2024 11:09:41
Ayni damlarda “O‘zbekko‘mir” aksiyadorlik jamiyati korxonalarida umumxalq xayriya hashari bo‘lib o‘tmoqda.
O‘zbekiston Respublikasi Bosh vaziri farmoyishiga ko‘ra, Respublikada “Navro‘z” umumxalq bayramini munosib nishonlash hamda muborak Ramazon oyini munosib tarzda o‘tkazish maqsadida tashkil etilayotgan tadbirda mahallalar, aholi turar joylari, xiyobonlar, ziyoratgohlar, qabristonlar hamda bolalar maydonchalarini obodonlashtirish ko‘zda tutilgan. Ushbu ezgu ishga Angren konchilari ham qo‘shilib, ayni paytda jamiyat korxonalari hududlarida “Yashil makon” umummilliy loyihasi doirasidagi ko‘kalamzorlashtirish tadbirlarini olib bormoqdalar.
Bugun ertalabdan jamiyat ijro apparatida ham hashar qizg‘in boshlab yuborildi. Bu yerda barpo etilgan xiyobon dov-daraxtlarga boy bo‘lib, yoz mavsumida nafaqat konchilar, balki shahar ahlining sevimli dam olish maskani hisoblanadi. Hashar davomida xiyobondagi daraxtlar oqlanib, tagi yumshatilmoqda. Yo‘laklar tartibga keltirilib, chiqindilar olib chiqilyapti.
– Ushbu hashar ulug‘ Ramazon oyi davom etayotgan bir paytda yurt obodligi yo‘lidagi eng ezgu amallardan biri sanaladi, – deydi jamiyat Birlashgan kasaba uyushma qo‘mitasi raisi Abdunosir Qayumov. – Hademay Navro‘z bayramini nishonlaymiz. Ushbu shodiyona oldidan mahallalarimiz, korxonalarimiz qanchalik obod bo‘lsa, shunchalik ko‘ngil obod bo‘ladi.
Bayram arafasida ijtimoiy himoyaga muhtoj aholi qatlamlari, ayniqsa, ehtiyojmand, mehr-muruvvatga muhtoj, boquvchisiz qolgan keksa va nogironligi bo‘lgan fuqarolarning holidan xabar olish xalqimizning azaliy qadriyatlari hisoblanadi. Biz ham ana shu qadriyatlardan kelib chiqib faxriy konchilar va ularning kam ta’minlangan oilalariga moddiy yordamlar uyushtirayapmiz.
Hashar jamiyatning mavjud 11 filialida ham qizg‘in davom etmoqda.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish