Andijon viloyati Qo‘rg‘ontepa tuman ko‘mir omborida aholiga mo‘ljallangan ko‘mir saralanib, uning maydalari aholiga sotilayotgani haqida ijtimoiy tarmoqda audio va foto xabarlar xabar tarqaldi.

"Ko‘mir ta’minot" MCHJ Andijon viloyati filiali mutasaddilari tomonimdan holat o‘rganilganida, ushbu tanqidiy xabarlar tasdig‘ini topmadi.

Aniqlanishicha, murojaatchi fuqaro tomonidan ijtimoiy tarmoqda joylashtirilgan fotosuratlarda aks ettirilgan lavhalar  "Ko‘mir ta’minot" MCHJ Andijon filialiga qarashli Qo‘rg‘ontepa ko‘mir omboriga emas, aksincha, ushbu ko‘mir omboriga qo‘shni bo‘lgan tadbirkorga tegishli ko‘mir omboriga tegishlidir.

Ma’lumot uchun, aholiga mo‘ljallangan arzonlashtirilgan ijtimoiy ko‘mir markasi 2BZK bo‘lib, fraksiyasi 25-500 mm.ni tashkil etadi. Ushbu ko‘mir yirik-mayda aralash bo‘lib, saralanib  sotishga yo‘l qo‘yilmaydi. Tadbirkorlarga qarashli omborlarda ko‘mir turli fraksiyalarga ajratilishi va erkin narxda sotilishi mumkin.
 

"O‘zbekko‘mir" AJ Axborot xizmati