Isteʼmolchilar talabi shakllantirilmoqda
Nashr qilingan sana: 27.04.2023 03:11:12"Koʻmir taʼminot" MCHJ tomonidan 2022-2023 yillar kuz-qish mavsumida respublikamizning olis va borish qiyin boʻlgan qishloq (ovul)larda yashovchi aholi ehtiyojlari uchun rejadagi 106,1 ming tonna oʻrniga 107,6 ming tonna mahalliy koʻmir yetkazib berdi, yaʼni ushbu vazifa 101 foizga bajarildi. Mavsum davomida aholiga 882 ming tonna oʻrniga 918,1 ming tonna mahalliy koʻmir tarqatildi. Byudjet tashkilotlari 518 ming tonnalik rejaga qoʻshimcha sifatida 15,5 ming tonna koʻmir bilan taʼminlandi.
Ayni kunlarda 2023-2024 yillar kuz-qish mavsumiga tayyorgarlik ishlari boshlab yuborilgan boʻlib, respublika byudjet tashkilotlari va aholiga mahalliy koʻmir yetkazib berish boʻyicha tegishli vazirliklar va joylardagi hokimliklar bilan hamkorlikda aniq talab shakllantirilmoqda. Shu bilan birga respublika hududiy koʻmir omborlari va ular tasarrufidagi texnika vositalarini yangi mavsumga tayyorlash ishlari amalga oshirilmoqda.
Maʼlumot oʻrnida, oʻtgan mavsumda jami 102 ta, shundan 89 ta ombor va 13 ta shaxobcha orqali koʻmir mahsuloti tarqatilgan boʻlib, bunda 62 ta avtoyuklagich va 55 ta yuk tashish mashinalari mavsumga jalb etilgan.
Hokimliklar tomonidan taqdim etiladigan maʼlumotlarga asosan, joriy mavsum uchun reja tasdiqlangach, may-avgust oylarida byudjet tashkilotlariga koʻmir tarqatiladi.
Ayni vaqtda byudjet tashkilotlari bilan shartnomalar tuzish va gʻaznachilikdan roʻyxatdan oʻtkazish boʻyicha ishlar olib borilmoqda.
Aholi isteʼmoli uchun mahalliy koʻmir tarqatish sentabr-dekabr oylarida amalga oshiriladi.
Sarvar Rasulov,
"Koʻmir taʼminot" MCHJ direktorining mahsulot realizatsiyasi masalalari boʻyicha oʻrinbosari
Izohlar
Oxirgi yangiliklar:
Brifing: “O‘zbekko‘mir” AJ'ning 2025-yil natijalari
“O‘zbekko‘mir” aksiyadorlik jamiyati tomonidan 2025-yilda jami 7,137 million tonna ko‘mir qazib olindi. Bu ko‘rsatkich 2024-yilga nisbatan 105,5% ni tashkil etdi. Bu haq...
O'qish
Aholi va qishloq xo‘jaligini ro‘yxatga olish jarayoni qizg‘in davom etmoqda
Aholi va qishloq xo‘jaligini ro‘yxatga olish tadbirlarida “O‘zbekko‘mir” AJ xodimlari ham faol ishtirok etmoqda. Xodimlar census.stat.uz sayti orqali ro‘yxatdan o‘tis...
O'qish
14-yanvar — Vatan himoyachilari kuni munosabati bilan bayram tadbiri
14-yanvar — Vatan himoyachilari kuni munosabati bilan “O‘zbekko‘mir” AJ “Qurilish-montaj ishlari” filiali faollar zalida tantanali bayram tadbiri bo‘lib o‘tdi. ...
O'qish
Beshariqda ro‘yxatga olish bo‘yicha navbatdagi seminar tashkil etildi
Ma’lumki, jori yilning 15-yanvar-28-fevral kunlari mamlakatimizda aholi va qishloq xo‘jaligini ro‘yxatdan o‘tkazish tadbiri o‘tkaziladi. Bu tadbir aholi va qishloq...
O'qish