Koʻmir mahsulotlarini talon-toroj qilganlik uchun jazo choralari kuchaytirilmoqda
Nashr qilingan sana: 29.04.2024 22:15:55
2024 yil 22 aprel kuni Oliy Majlis Qonunchilik palatasidagi Oʻzbekiston Ekologik partiyasi fraksiyasining navbatdagi yigʻilishi boʻlib oʻtdi. Yigʻilishda 9 ta masala, xususan, 7 ta qonun loyihasi va parlament nazoratiga doir masalalar koʻrib chiqildi.
Unda dastlab, deputatlar tomonidan "Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish haqida"gi qonun loyihasi birinchi oʻqishda muhokama etildi.
Soʻnggi yillarda respublikamizda ijtimoiy soha obyektlari va aholining koʻmir mahsulotlariga boʻlgan ehtiyojlarini qoplash borasida keng koʻlamli ishlar amalga oshirilmoqda. Ammo ayrim hollarda koʻmir mahsulotini isteʼmolchilarga yetkazish va tarqatishda yoki ularni tashishga moʻljallangan transport vositalaridan foydalanishda yashirin ravishda oz miqdorda talon-taroj qilish holatlari uchrab turganligi aholining haqli eʼtirozlariga sabab boʻlmoqda.
Yuqoridagi kabi holatlarni bartaraf etish va ularga taʼsirchan choralarni koʻrish maqsadida ishlab chiqilgan qonun loyihasi bilan koʻmir mahsulotlarini oʻgʻirlash, oʻzlashtirish, rastrata qilish, mansab lavozimini suiisteʼmol qilish yoki firibgarlik yoʻli bilan oz miqdorda talon-toroj qilish kabi huquqbuzarliklar uchun javobgarlik belgilanmoqda.
Yigʻilishda fraksiya aʼzolari qonun tashabbuskorlaridan oʻzlarini qiziqtirgan savollarga javob olishdi hamda qonun loyihasini maromiga yetkazishga qaratilgan taklif-tavsiyalarini bildirishdi. Xususan, koʻmir mahsulotlarini yetkazish va tarqatish punktlarida aholiga yoʻnaltirilayotgan koʻmir mahsulotlarining sifatini oshirish zarurligiga alohida eʼtibor qaratildi. Bundan tashqari, koʻmir mahsulotlari ogʻirligini sunʼiy ravishda oshirish maqsadida boshqa turdagi mahsulotlarni aralashtirayotganlarga nisbatan ham javobgarlik belgilanishiga oid takliflar ilgari surildi.
Deputatlarning fikricha, ushbu hujjat Oʻzbekiston Ekologik partiya dasturiy maqsadlariga hamohang boʻlib, loyihaning qabul qilinishi aholining koʻmir mahsulotlariga boʻlgan ehtiyojini toʻlaqonli qondirishda turli suiisteʼmolchilik va oʻgʻirliklarning oldi olinishiga xizmat qiladi.
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish