“Ўзбеккўмир” АЖ бош директорининг 2022 йил 4 июлдаги 275-сонли буйруғи билан «business.gov.uz» ягона интерактив портали билан ишлашга масъул ходимлар рўйхати тасдиқланди.

Хабарингиз бор, “Тадбиркорлик фаолиятини қўллаб-қувватлаш ва ҳимоя қилиш тизимини тубдан такомиллаштириш чора-тадбирлари тўғрисида” 2019 йил 14 майдаги Президент фармони эълон қилинган, ушбу ҳужжат асосида  жумладан, тадбиркорларга мўлжалланган “business.gov.uz” ягона интерактив портали ишлаб чиқилган эди.

Юқоридаги Фармон талабларини бажариш мақсадида қабул қилинган буйруқ билан "Ўзбеккўмир" АЖ'да “business.gov.uz”  ягона интерактив портали портали орқали келиб тушган мурожаатларни қабул қилиш, кўриб чиқиш, натижаларини тизимга киритиш жараёнини назоратга олиш ҳамда тизим билан ишлаш учун масъул этиб тайинланган ходимлар рўйхатига "Ўзбеккўмир" АЖ Фуқаролар мурожаати ва ижро интизоми назорати бўлими  бошлиғи Ҳасанов Шахбозжон Бозорбайович ҳамда  шу бўлим етакчи мутахассиси Тешабаев Қутлуғ Қўчқарович киритилди.

Бош директор ўринбосарлари, барча бошқарма, бўлинма ва филиал раҳбарлари ҳамда "Кўмир таъминот" МЧЖ раҳбарига “business.gov.uz” ягона интерактив портали орқали келиб тушган мурожаатларни белгиланган муддатларда кўриб чиқиш, адолатли ҳал этиш, такрорий мурожаатлар келиб чиқишининг олдини олишга алоҳида эътибор бериш вазифаси юклатилди. Уларнинг ушбу масалага шахсан жавобгар эканлиги белгилаб қўйилди.

Маълумот учун, мурожаатлар натижаларининг “business.gov.uz” ягона интерактив порталига киритиб борилиши ариза берувчи томонидан ўзининг шахсий кабинети орқали мурожаатнинг кўриб чиқилиши жараёнини реал вақт режимида кузатиш имконини беради.

“Ўзбеккўмир” АЖ Ахборот хизмати