Ишлаб чиқариш жараёнида хавфсизликни таъминлаш - долзарб вазифа
Nashr qilingan sana: 15.01.2022 20:23:25“Ўзбеккўмир” акциядорлик жамиятида меҳнатни муҳофаза қилиш, экология, техник ва саноат хавфсизлиги бўйича 2021 йилда амалга оширилган ишлар сарҳисобига бағишланган йиғилиш бўлиб ўтди.
Акциядорлик жамияти меҳнатни муҳофаза қилиш, экология, техник ва саноат хавфсизлиги бўлими бошлиғи Шукуржон Хайтматов раислигида ташкил этилган тадбирда таъкидланганидек, ишлаб чиқаришдаги бахтсиз ҳодисаларнинг олдини олиш борасида олиб борилаётган кенг кўламли ишларга қарамай 2021 йилда таркибий бўлинмаларда 6 та бахтсиз ҳодиса содир бўлган. Саноат ва техника хавфсизлигига риоя этмаслик оқибатида рўй берадиган бундай ҳодисалар “Темир йўл транспорти” филиалида нисбатан кўпроқ кузатилган.
Йиғилишда Ангрен шаҳри саноат ҳудудида жойлашган кўмир саноати корхоналари хавфли ишлаб чиқариш объектлари ҳисобланиб, фуқаролик жавобгарлигини суғурта қилиш зарурлиги алоҳида таъкидланди. Шунингдек, филиаллар ходимларини режали тарзда тиббий кўрикдан ўтказиш, ишчиларни сут маҳсулотлари, ёзги ва қишки махсус кийим-кечаклар, поябзаллар, шахсий ҳимоя воситалари билан тўла таъминлаш муҳимлигига эътибор қаратилди. Айни пайтда иш жойида хавфсизлик қоидаларини бузганлик учун интизомий жазоларни қучайтириш, ходимлар билим ва малакасини ошириш хавфсиз меҳнат кафолатидир. Бугунги кунда акциядорлик жамиятининг 37 нафар мутахассиси малака ошириш курсларида, олий ўқув юртлари ва Ўқув марказида таҳсил олмоқда.
Йиғилишда филиаллар меҳнат муҳофазаси бўйича мутахассисларининг ҳисоботлари тингланди. Пировардида техника ва саноат хавфсизлигини таъминлашниннг барча имкониятларини ишга солиш, меҳнат шароитларини яхшилаш, бу борада касаба уюшмалари билан яқин ҳамкорликда иш олиб бориш бўйича вазифалар белгилаб олинди.
Izohlar
Oxirgi yangiliklar:
“Angren” ko‘mir koni mehnat jamoalarida
Aprel oyi “Angren” ko‘mir konida muvaffaqiyatli kechdi. Tezkor ma’lumotlarga ko‘ra, bu yerda oy davomida 1 600,0 kubometr o‘rniga 1735,3 kubometr (135%) hajmida...
O'qishMavjud bo‘sh ish o‘rinlariga navbatdagi tanlov e’lon qilindi
“O‘zbekko‘mir” aksiyadorlik jamiyati o‘z korxonalaridagi mavjud ish o‘rinlariga navbatdagi tanlov e’lon qiladi. Talbagorlarga 99 kasb bo‘yicha 184 bo‘sh ish o‘rni takl...
O'qishKo‘mir ta’minoti: korrupsiyaning oldini olish – dolzarb vazifa
Yakunlagan kuz-qish mavsumida respublika aholi iste’molchilari va budjet tashkilotlariga har galgidan ko‘p ko‘mir mahsuloti yetkazib berildi. Bu borada yutuqlar bor,...
O'qish“Ayol qismati” filmi namoyish etilmoqda
“O‘zbekko‘mir” aksiyadorlik jamiyatda diniy terrorizm, aqidaparastlik kabi salbiy oqibatlarni keltirib chiqarayotgan harakatlarning oldini olish hamda ushbu salbiy oqiba...
O'qish