Konchilar diktant yozdi
Nashr qilingan sana: 19.10.2023 12:09:11"O'zbekko'mir" AJning O'quv markazi binosida “Qadring baland bo‘lsin, ona tilim!” mavzusida madaniy-ma’rifiy tadbir o‘tkazildi.
O‘zbek tili bayrami munosabati bilan tashkil etilgan tadbir doirasida dastlab ishchi-xodimlar o‘rtasida diktant yozish tanlovi, davlat tiliga doir bilimlar bo‘yicha sinov o‘tkazildi.
– Oxirgi marta maktab davrida diktant yozganman, – deydi "E va TT" filiali xodimi Ilhom Bozarboyev. – Ona tili va adabiyotiga qiziqqanim bois, doim undan a’lo baho olardim. Bunga ancha yillar bo‘lgandi. Bugun o‘zimni qayta sinab ko‘rdim. Yoshlikda olgan bilim baribir xotirada qolarkan. Hamkasblarimiz orasida birinchi o‘rinni oldim. Bunday sinovlarni ko‘p o‘tkazish kerak.
Ishchi-xodimlar ishtirokida o‘tkazilgan tadbirda "O'zbekko'mir" AJ Bosh direktorining Davlat tilida ish yuritish masalalari bo'yicha maslahatchisi A. Nosirov , aksiyadorlik jamiyatining o‘qitish va malaka oshirish markazi rahbari Davron Kasimov va markaz o'qituvchilari davlat tilining mamlakat va xalq hayotidagi o‘rni, bugungi kunda o‘zbek tilini o‘rganish va targ‘ib etish borasida olib borilayotgan ishlar haqida so‘z yuritdilar.
Shuningdek, ijodkor xodimlar tomonidan ona tilini ulug‘lovchi she’rlar o‘qildi. Bexato yozish bo'yicha a'lo bahoga loyiq ko'rilgan xodimlarga kitoblar sovg'a qilindi.
"O'zbekko'mir" AJ Axborot xizmati
Izohlar
Oxirgi yangiliklar:
Kasb bayrami: konchilar sharaflandi
19-may –O‘zbekiston konchilik va metallurgiya sanoati xodimlari kuni! Shu munosabat bilan “O‘zbekko‘mir” aksiyadorlik jamiyatida tantanali bayram tadbiri bo‘lib o‘td...
O'qishBirlashgan kasaba uyushma qo‘mitasi raisi A.M.Qayumovning bayram tabrigi
Hurmatli konchilar! Qadrli kasaba uyushmalari faollari! Bugun yurtimizda, shu jumladan aksiyadorlik jamiyatimizda bayram shukuhi kezib yuribdi. Yakshanba kuni...
O'qish“O‘zbekko‘mir” AJ bosh direktori Vladimir Vladimirovich Kuznesovning bayram tabrigi
Aziz konchilar va mehnat faxriylari! Hurmatli hamkasblar! Sizni dunyodagi eng mashaqqatli va sharafli kasblardan biri ‒O‘zbekiston konchilik va metallurgiya sanoati...
O'qishYo‘lingiz hamisha bexatar bo‘lsin!
Ushbu filialda uchta avtobaza bo‘lib, 2-avtobazada yengil ma va maxsus avtotransport transpot vositalari jamlangan. Jamoada ko‘plab o‘z kasbini puxta egallagan...
O'qish