Maʼlumot uchun: "Temir yoʻl transporti" filiali temir yoʻllarni qurish va taʼmirlash, harakatlanuvchi tarkibni taʼmirlash hamda temir yoʻl orqali koʻmir va togʻ jinslarini tashish bilan shugʻullanadi.

‒ Ishlab chiqarishni modernizatsiya qilish, yangi texnik jihozlar olish, mehnat sharoitlarini yaxshilash mening orzuim! – deydi filiali direktori Yermek Kukenov. ‒ Bu poyezdlarning xavfsiz harakatlanishi, yuk tashish hajmlarini oshirish imkonini beradi. 
Korxona koʻmir tashish boʻyicha 2022 yildagi rejasini muddatidan oldin bajardi. Amaldagi koʻrsatkich 5 million 109 ming tonnani tashkil etdi.  Togʻ jinslarini tashish rejasida esa kechikish kuzatildi ‒ 6 million 284 ming kub. metr. Lokomotivlar uchun ehtiyot qismlardagi taqchillik bu borada biroz pand berib qoʻydi. 
Ayni paytda filial tasarrufida 25 ta teplovoz va elektrovoz  mavjud boʻlib, ulardan 19 tasi ishlab turibdi, qolganlari taʼmirlanmoqda. Joriy yilning birinchi choragida ikkita, ikkinchi yarim yillikda yana ikkita elektrovoz kapital taʼmirdan chiqariladi.
Yermek Kukenov koʻp yillar teplovoz mashinisti boʻlib ishlagan. Shuning uchun men temir yoʻl transportining ushbu turi haqida juda koʻp narsalarni biladi.  Uning taʼkidlashicha, mehnat faoliyatining asosiy shartlaridan biri lokomotivlar brigadalari aʼzolari ‒ mashinistlar va ularning yordamchilari oʻrtasida toʻliq oʻzaro tushunishdir. Bu holat ishchilarning oʻzi uchun ham, ishlab chiqarish jarayonining normal borishi uchun ham juda muhim hisoblanadi. 
Lokomotiv brigadasi aʼzolarining yoʻlda nosozliklarni aniqlash va bartaraf etish qobiliyati ham katta ahamiyatga ega. Yoʻlda biron texnik nosozlik roʻy bersa, taʼmirchilarni kutish yoki nosoz  jihozni depoga eltish ancha vaqt oladi. Agar baʼzi taʼmir ishlarini lokomotiv brigadasining oʻzi amalga oshirsa, bartaraf etilsa, toʻxtab qolgan poyezd shunchalik tez joyidan jilib, yuk tashishda davom etishi mumkin. Filial boshligʻi tez-tez mashinistlar huzurida boʻlib, bu borada mashgʻulotlar oʻtadi, oʻzaro tajriba almashishlar esa ishda oʻz samarasini bermoqda.
Filialda bir yarim mingga yaqin kishi mehnat qiladi. Suhbatdoshimizning fikricha, ularning har biri bilan yaqindan tanishish, mavjud muammolarni oʻrganib, imkon qadar ularni hal qilish rahbarning asosiy vazifasidir. Bunda boshqaruvchi inson psixologiyasini yaxshi bilishi va ularning muammolariga chuqurroq kirib borishi lozim. 
Afsuski, jamoada oʻz vazifasiga loqayd, dangasa, mehnat intizomi va xavfsizligini buzadiganlar yoʻq emas. YE.Kukenov haqida gapirish yoqimsizligini taʼkidlaydi. Ammo ayrim mashinistlarning ish joyida tungi smenalarda mast holatda boʻlish holatlari bir necha bor qayd etilgan. Bunday achinarli holatlarning oldini olish maqsadida Yermek Kukenov tungi smenalarda nazoratni kuchaytirmoqda, oʻzi ham kechalari ishga chiqadi, uchastka boshliqlari, shuningdek, shifokorlardan ishchi-xodimlarning sogʻligʻi holatini sinchiklab tekshirilishini talab qiladi. Agar kimda-kim tartib-qoidani buzgan boʻlsa, u ishga qoʻyilmaydi. 
Zero, teplovoz, elektrovoz mashinisti oʻz vazifasiga sidqidildan yondoshmogʻi, doimo hushyor boʻlmogʻi lozim, aks holda, oʻzining va yordamchisining hayotini katta xavfga qoʻyadi, korxonaga ham ulkan moddiy va maʼnaviy zarar keltiradi. 

Diana ANDREYEVA